ٹرمپ کا پیوٹن سے ٹیلیفونک رابطہ، یوکرینی صدر سے ہونیوالی بات چیت سے آگاہ کیا
اشاعت کی تاریخ: 29th, December 2025 GMT
وائٹ ہاؤس کی پریس سیکریٹری کیرولین لیوٹ نے سوشل میڈیا پلیٹ فارم ایکس پر بتایا کہ صدر ٹرمپ نے یوکرین کے معاملے پر صدر پیوٹن کے ساتھ ایک مثبت کال مکمل کی ہے، جسکے ساتھ ہی انہوں نے دو دن میں دونوں رہنماؤں کے درمیان ہونیوالی دوسری گفتگو کی تصدیق کی۔ اسلام ٹائمز۔ امریکی صدر ڈونلڈ ٹرمپ نے روسی صدر ولادیمیر پیوٹن کے ساتھ ٹیلی فونک رابطہ کیا ہے۔ یہ رابطہ اس ملاقات کے ایک دن بعد ہوا، جب صدر ٹرمپ نے فلوریڈا میں یوکرینی صدر ولادیمیر زیلنسکی سے ملاقات کی تھی، ٹیلیفونک رابطہ میں امریکی صدر نے ولادیمیر پیوٹن کو یوکرینی صدر سے ہونیوالی بات چیت سے متعلق آگاہ کیا ہے۔ وائٹ ہاؤس کی پریس سیکریٹری کیرولین لیوٹ نے سوشل میڈیا پلیٹ فارم ایکس پر بتایا کہ صدر ٹرمپ نے یوکرین کے معاملے پر صدر پیوٹن کے ساتھ ایک مثبت کال مکمل کی ہے، جس کے ساتھ ہی انہوں نے دو دن میں دونوں رہنماؤں کے درمیان ہونے والی دوسری گفتگو کی تصدیق کی۔
روسی صدر کے خارجہ امور کے معاون یوری اوشاکوف نے بھی دونوں صدور کے درمیان ٹیلی فونک رابطے کی تصدیق کی، جس کی خبر روسی سرکاری نیوز ایجنسی نے دی۔ اوشاکوف کے مطابق صدر پیوٹن کو صدر ٹرمپ اور ان کے سینیئر مشیروں کی جانب سے یوکرین کے ساتھ ہونے والے مذاکرات پر بریفنگ دی گئی۔ یہ فون کال ایسے وقت میں ہوئی، جب ماسکو نے کیف پر شمالی روس میں صدر پیوٹن کی رہائش گاہ پر ڈرون حملہ کرنے کا الزام عائد کیا اور خبردار کیا کہ وہ یوکرین جنگ کے خاتمے کے لیے اپنی مذاکراتی پوزیشن پر نظرِثانی کرے گا۔ یوری اوشاکوف نے کہا کہ صدر پیوٹن نے صدر ٹرمپ کو بتایا کہ یوکرینی ڈرون حملے کے بعد روس امن مذاکرات میں اپنی پوزیشن کا جائزہ لے گا۔
ذریعہ
ذریعہ: Islam Times
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ