رجب بٹ کی پٹائی کے ساتھ ساتھ 3 لاکھ روپے چوری کا الزام، یوٹیوبر کے وکیل نے مزید کیا بتایا؟
اشاعت کی تاریخ: 30th, December 2025 GMT
معروف یوٹیوبر رجب بٹ کے وکیل میاں علی اشفاق کی جانب سے یوٹوبر رجب بٹ پر حملے میں ملوث وکلاء کا لائسنس معطل کرنے کی درخواست جمع کرائی گئی ہے۔
تھانہ سٹی کورٹ کراچی میں جمع کرائی گئی درخواست میں کہا گیا ہے کہ کراچی کی ایک عدالت کے احاطے میں ریاض علی سولنگی نے اپنے ساتھیوں کے ہمراہ غیر قانونی طور پر رجب بٹ کو روکا، بدسلوکی اور منظم منصوبہ بندی سے حملہ کیا۔
یہ بھی پڑھیں: یوٹیوبر رجب بٹ پر کراچی سٹی کورٹ میں وکلا کا بدترین تشدد، کپڑے بھی پھاڑ دیے
درخواست کے مطابق تشدد کے نتیجے میں رجب بٹ کو شدید جسمانی چوٹیں آئیں جن کے طبی شواہد اور تصاویر بھی محفوظ کی گئی ہیں۔ حملہ آوروں نے موکل کا بیگ بھی زبردستی چھین لیا جو بعد ازاں واپس کر دیا گیا لیکن بیگ سے 3 لاکھ روپے غائب تھے جو عدالت کے احاطے میں کھلی چوری کے مترادف ہے۔
یوٹیوبر رجب بٹ کے وکیل میاں علی اشفاق نے رجب بٹ پر تشدد کرنے کے الزام میں مدعی مقدمہ ریاض سولنگی ایڈووکیٹ،فتح چانڈیو اور دیگر کے خلاف کارروائی اور لائسنس معطل کرنے کی درخواست جمع کروادی
رجب بٹ کو مار پیٹ کے دوران تین لاکھ روپے بھی غائب کردیے گئے، میاں علی اشفاق کا دعویٰ… pic.
— Shahid Hussain (@ShahidHussainJM) December 29, 2025
ان کا کہنا تھا کہ حملہ آور وکلاء نے عدالتی ماحول کی حرمت کو پامال کیا انصاف کی راہ میں رکاوٹ ڈالی اور نہ صرف رجب بٹ بلکہ ان کے وکلاء کے ساتھ بدتمیزی کی جس سے خوف و ہراس میں پھیل گیا۔ اور بعد ازاں رجب بٹ کو بارروم میں لے جا کر دوبارہ کئی مرتبہ تشدد کا نشانہ بنایا جو قانون اور عدالت کے تقدس کی کھلی خلاف ورزی ہے۔
ان کا کہنا تھا کہ ملزمان کا یہ رویہ نہ صرف ہمارے موکل اور ان کے وکلاء کے لیے نقصان دہ ثابت ہوا بلکہ اس نے پورے قانونی پیشے کو بدنام کیا ہے اس کے پیش نظر فوری اور مثالی تادیبی کارروائی ناگزیر ہے۔
یہ بھی پڑھیں: ’آج اسے پتا چل گیا ہوگا‘، رجب بٹ پر تشدد کرنے والے وکیل کا ویڈیو بیان سامنے آگیا
سندھ بار کونسل بحثیت صوبے میں قانونی پیشے کی اعلیٰ ترین نگران اتھارٹی اس بات کی پابند ہے کہ وہ فوری اور سخت مثالی اقدام کرے تاکہ بار میں نظم و ضبط قائم رہے اور اس قسم کے واقعات کو روکا جا سکے۔
واضح رہے کہ گزشتہ روز کراچی کی عدالت میں پیشی کے موقع پر وکلاکی بڑی تعداد نے معروف یوٹیوبر رجب بٹ کو شدید تشدد کا نشانہ بنایا اور تشدد کرنے والے ایک وکیل نے ویڈیو پیغام میں کہا کہ رجب بٹ خود کو بڑا شیر اور بہادر سمجھ رہا تھا لیکن آج اسے پتا لگ گیا ہوگا۔
یہ بھی پڑھیں: کراچی میں وکلا کا رجب بٹ پر تشدد، یوٹیوبر کی اہلیہ سامنے آگئیں
انہوں نے کہاکہ رجب بٹ سمجھ رہا تھا کہ شاید وہ پنجاب میں ہے، اسے معلوم نہیں تھا کہ سندھ غیرت مند لوگوں کی دھرتی ہے اور یہاں کے لوگ بہادر ہیں۔ انہوں نے اپنے وکیل دوست بلال کھوکھر کا نام لیتے ہوئے کہاکہ ہم سب ان کو سلام پیش کرتے ہیں اور آج ہم نے رجب بٹ سے ان کا بدلہ لے لیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رجب بٹ رجب بٹ تشدد رجب بٹ وکیل
ذریعہ
ذریعہ: WE News
کلیدی لفظ: رجب بٹ وکیل یوٹیوبر رجب بٹ رجب بٹ کو تھا کہ
پڑھیں:
سونے کی قیمت میں نمایاں کمی،فی تولہ نئی قیمت جانئے
اسلام آباد(نیوز ڈیسک)آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 18 سو روپے سستا ہو گیا ہے، جس کے بعد نئی قیمت 4 لاکھ 32 ہزار 36 روپے ہو گئی ہے۔
اسی طرح 10 گرام سونے کی قیمت بھی ایک ہزار 5 سو 43 روپے کی کمی کے بعد 3 لاکھ 70 ہزار 401 روپے پر آ گئی ہے۔
یاد رہے کہ ایک روز قبل یعنی بدھ کو سونے کی فی تولہ قیمت میں 46 سو روپے کا اضافہ ہوا تھا، جس کے بعد یہ 4 لاکھ 33 ہزار 836 روپے تک پہنچ گئی تھی۔ قبل ازیں منگل کو بھی سونے کی فی تولہ قیمت 4 ہزار 700 روپے اضافے کے بعد 4 لاکھ 29 ہزار 236 روپے ہو گئی تھی۔
بین الاقوامی مارکیٹ میں بھی سونے کی قیمت میں کمی دیکھنے میں آئی، جہاں قیمت 18 ڈالر کم ہو کر 4 ہزار 96 ڈالر فی اونس (20 ڈالر پریمیم کے ساتھ) ہو گئی۔
دوسری جانب چاندی کی قیمت میں بھی کمی ریکارڈ کی گئی ہے، اور فی تولہ چاندی 33 روپے سستی ہو کر 6 ہزار 3 سو 70 روپے پر آ گئی ہے۔
تجزیہ کاروں کے مطابق ملک میں سونے اور چاندی کی قیمتوں میں کمی کی بنیادی وجہ عالمی مارکیٹ میں قیمتوں کے اتار چڑھاؤ اور ڈالر ریٹ کے باعث واقع ہوئی ہے۔
مزید پڑھیں۔پیٹرولیم مصنوعات کی قیمتوں میں بڑا اضافہ کردیا گیا،نئی قیمتیں جانئے
ٹی20 ورلڈ کپ 2026: پاکستان نے سپر 8 کے لیے جگہ پکی کر لی