بھارت کی معروف اداکارہ نے خودکشی کرلی
اشاعت کی تاریخ: 30th, December 2025 GMT
بھارتی اداکارہ نندنی سی ایم نے 26 سال کی عمر میں خودکشی کر لی، وہ اپنی رہائش گاہ پر مردہ حالت میں پائی گئیں۔
کنڑ اور تمل ٹیلی وژن میں تیزی سے ابھرنے والی اداکارہ نندنی سی ایم کو بنگلور میں ان کی رہائش گاہ میں مردہ پایا گیا۔ پولیس کے مطابق ان کی جانب سے چھوڑا گیا نوٹ یہ ظاہر کرتا ہے کہ وہ ذہنی دباؤ کا شکار تھیں اور خاندان کی طرف سے سرکاری ملازمت اختیار کرنے کے دباؤ سے پریشان تھیں۔
یہ بھی پڑھیں: خود کشی کرنے والے امریکی اداکار جیمز رینسن کی اہلیہ کی مالی امداد کی اپیل
پولیس نے بتایا کہ یہ واقعہ 29 دسمبر کی صبح کینگیری علاقے میں پیش آیا۔ نندنی کی والدہ نے پولیس میں شکایت درج کرائی ہے اور کہا ہے کہ کسی پر شبہ نہیں ہے۔ پولیس نے غیر فطری موت کا مقدمہ درج کر کے تحقیقات شروع کر دی ہیں۔
پولیس کے مطابق نندنی کے والد جو سرکاری اسکول کے استاد تھے 2021 میں وفات پا گئے تھے۔ اس کے بعد انہیں ہمدردانہ بنیادوں پر سرکاری عہدہ پیش کیا گیا لیکن وہ اداکاری کے کیریئر کو جاری رکھنا چاہتی تھیں۔ نندنی کی ڈائری کے مطابق وہ گھر میں سنی نہیں جا رہی تھیں جس کے باعث وہ جذباتی دباؤ کا شکار تھیں اور وہ صحت کے مسائل سے بھی دوچار تھیں۔
یہ بھی پڑھیں: بھارت: بیٹی کو قتل کرکے خود کشی کا رنگ دینے والا باپ گرفتار
نندنی بالاری ضلع کے کوٹور کی رہائشی تھیں اور کئی سالوں سے بنگلور میں مقیم تھیں۔ انہوں نے کنڑ ٹی وی سیریل جیوا ہووگیدے، سنگھارشہ، مذھوماگالو، اور نینادے نا میں معاون کردار ادا کیے۔ تمل ٹی وی میں انہوں نے سیریل ’گوری‘ میں دوہرا مرکزی کردار بھی نبھایا۔
پوسٹ مارٹم کے بعد ان کی باڈی کواہل خانہ کے حوالے کر دیا گیا۔ پولیس کا کہنا ہے کہ موت کے صحیح اسباب کی تحقیقات جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بھارت بھارتی اداکارہ خود کشی.
ذریعہ
ذریعہ: WE News
کلیدی لفظ: بالی ووڈ بھارت بھارتی اداکارہ خود کشی
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار