ہائی ویز پر اوور لوڈ ٹرکوں سے 16 ارب روپے کی وصولی نہ ہونے کا انکشاف
اشاعت کی تاریخ: 30th, December 2025 GMT
پبلک اکاؤنٹس کمیٹی (PAC) میں انکشاف کیا گیا ہے کہ ہائی ویز پر اوور لوڈ ٹرکوں سے تقریباً 16 ارب روپے کی ریکوری نہیں کی گئی، جس سے قومی خزانے کو نقصان پہنچا۔
آڈٹ حکام کے مطابق، کل 18 ہزار ٹرکوں پر اوور لوڈ کے جرمانے کے طور پر 17 ارب روپے کا تعین کیا گیا تھا، لیکن این ایچ اے نے اس میں سے 16 ارب روپے وصول نہیں کیے۔
سیکریٹری این ایچ اے نے وضاحت دیتے ہوئے کہا کہ موجودہ وقت میں سڑکوں پر ایکسل لوڈ کی چیکنگ کا عمل 90 فیصد سے زائد فعال ہے، اور آڈٹ حکام نے جرمانے کی رقم ایک مفروضے کی بنیاد پر نکالی تھی۔
انہوں نے مزید کہا کہ این ایچ اے کے پاس کل 236 ایکسل لوڈ چیکنگ سسٹمز موجود ہیں، اور نومبر 2023 سے پہلے یہ نظام موجود نہیں تھا۔ اس وقت ہائی ویز اور موٹرویز کے تقریباً 78 فیصد حصے پر ایکسل لوڈ کی چیکنگ کی جا رہی ہے۔ سیکریٹری کا کہنا تھا کہ یہ تمام ڈیٹا این ایچ اے کا ہے اور ان کا ادارہ مکمل طور پر چیکنگ میں مصروف ہے۔
ذریعہ
ذریعہ: Daily Mumtaz
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار