یو اے ای کا یمن میں تعینات اپنے فوجی یونٹس واپس بلانے کا اعلان
اشاعت کی تاریخ: 30th, December 2025 GMT
متحدہ عرب امارات (یو اے ای) کی وزارتِ دفاع نے اعلان کیا ہے کہ یمن میں موجود انسدادِ دہشتگردی یونٹس کا مشن رضاکارانہ طور پر ختم کردیا گیا ہے۔
یو اے ای کی وزارت دفاع کی جانب سے جاری بیان میں کہا گیا ہے کہ حالیہ پیشرفت کے بعد جامع جائزہ لیتے ہوئے یہ فیصلہ کیا گیا ہے۔
وزارت دفاع کے مطابق یہ عمل متعلقہ شراکت داروں کے ساتھ مکمل ہم آہنگی اور اہلکاروں کی سلامتی کو یقینی بناتے ہوئے انجام دیا جائے گا۔
وزارتِ دفاع نے واضح کیاکہ یہ اقدام موجودہ مرحلے کے تقاضوں کے جامع جائزے کے بعد کیا گیا ہے اور خطے میں امن و استحکام کی حمایت کے لیے متحدہ عرب امارات کے کردار اور وعدوں کے عین مطابق ہے۔
بیان میں کہا گیا ہے کہ متحدہ عرب امارات 2015 سے عرب اتحاد کا حصہ رہا ہے، جس کا مقصد یمن میں جائز حکومت کی حمایت، دہشتگرد تنظیموں کے خلاف بین الاقوامی کوششوں کی معاونت اور برادر یمنی عوام کے لیے امن و استحکام کا حصول ہے۔ ان مقاصد کے حصول کے لیے یو اے ای نے نمایاں قربانیاں دی ہیں۔
بیان کے مطابق یو اے ای کی مسلح افواج نے متفقہ سرکاری فریم ورک کے تحت تفویض کردہ مشنز کی تکمیل کے بعد 2019 میں یمن میں اپنی فوجی موجودگی کا اختتام کر دیا تھا، جبکہ اس کے بعد صرف محدود اور خصوصی نوعیت کے اہلکار انسداد دہشتگردی کی سرگرمیوں کے لیے بین الاقوامی شراکت داروں کے ساتھ ہم آہنگی کے تحت موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انسداد دہشتگردی یونٹس رضاکارانہ واپسی فوجی یونٹ متحدہ عرب امارات وی نیوز یمن تنازع یو اے ای.
ذریعہ
ذریعہ: WE News
کلیدی لفظ: انسداد دہشتگردی یونٹس رضاکارانہ واپسی فوجی یونٹ متحدہ عرب امارات وی نیوز یو اے ای متحدہ عرب امارات یو اے ای گیا ہے کے بعد کے لیے
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار