یمن نے یو اے ای کے ساتھ دفاعی معاہدہ ختم کر دیا، غیر ملکی فوجیوں کو انخلا کا حکم
اشاعت کی تاریخ: 30th, December 2025 GMT
یمن کی صدارتی کونسل (پی ایل سی) کے سربراہ رشاد العلیمی نے متحدہ عرب امارات کے ساتھ طے شدہ مشترکہ دفاعی معاہدہ منسوخ کرنے کا باضابطہ اعلان کر دیا ہے، جس کے بعد خطے میں سیاسی اور عسکری کشیدگی میں نمایاں اضافہ دیکھنے میں آ رہا ہے۔
عرب میڈیا رپورٹس کے مطابق یمن کی صدارتی کونسل کے سربراہ رشاد العلیمی نے واضح طور پر ہدایت جاری کی ہے کہ یمن میں موجود متحدہ عرب امارات کی تمام فوجی فورسز 24 گھنٹوں کے اندر یمنی حدود سے انخلا کریں۔
ان کا کہنا تھا کہ ملکی خودمختاری اور سلامتی پر کوئی سمجھوتہ نہیں کیا جائے گا اور یمن اپنی سرزمین پر کسی بھی غیر مجاز عسکری موجودگی کو قبول نہیں کرے گا۔
یمن کی صدارتی کونسل کے سربراہ نے مزید اعلان کیا کہ ملک کی تمام بندرگاہوں، زمینی راستوں اور بحری گزرگاہوں پر 72 گھنٹوں کے لیے مکمل فضائی، زمینی اور بحری ناکہ بندی نافذ کی جا رہی ہے، ان اقدامات کا مقصد کسی بھی ممکنہ غیر قانونی نقل و حرکت کو روکنا اور سیکیورٹی صورتحال پر مکمل کنٹرول حاصل کرنا بتایا گیا ہے۔
میڈیا رپورٹس کے مطابق یہ سخت فیصلے ایسے وقت میں سامنے آئے ہیں جب سعودی عرب کی قیادت میں قائم عسکری اتحاد نے یمن میں محدود فضائی کارروائی کی، جس کے دوران مکلا بندرگاہ کو نشانہ بنایا گیا۔
سعودی اتحاد کا مؤقف ہے کہ یہ کارروائی یو اے ای کی حمایت یافتہ جنوبی علیحدگی پسند تنظیم، سدرن ٹرانزیشنل کونسل (ایس ٹی سی)، کو فراہم کی جانے والی غیر ملکی فوجی معاونت کے خلاف کی گئی۔
دوسری جانب سعودی عرب کی وزارت خارجہ نے اپنے ردعمل میں کہا ہے کہ متحدہ عرب امارات کی جانب سے اٹھائے گئے اقدامات نہایت خطرناک نوعیت کے ہیں اور یہ خطے کے امن و استحکام کے لیے سنگین خدشات کو جنم دے سکتے ہیں۔
سفارتی حلقوں کے مطابق یمن، سعودی عرب اور متحدہ عرب امارات کے درمیان پیدا ہونے والی یہ نئی کشیدگی خطے کی مجموعی صورتحال پر گہرے اثرات مرتب کر سکتی ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل متحدہ عرب امارات
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا