ٹھٹھہ، ڈیڑھ کروڑ روپے مالیت کا سونا چوری ، تاجر سراپا احتجاج
اشاعت کی تاریخ: 31st, December 2025 GMT
data-id="863a0a8" data-element_type="widget" data-widget_type="theme-post-content.default">
251231-06-6
ٹھٹھہ (نمائندہ جسارت)ٹھٹھہ شہر کے مصروف صرافہ بازار میں چوروں نے ڈیڑھ کروڑ روپے کی مالیت کا سونا چوری کرلیا ، تاجر برادری سراپا احتجاج بن گئے احتجاجن کاروبار بند کرکے ہڑتال کردی۔ تفصیلات کے مطابق نامعلوم چوروں نے منگل کی شب کو ٹھٹھہ کی صرافہ بازار میں حاجی یوسف میمن کی سونے کی دکان کی چھت توڑ کر 20 تولہ سونا اور لاکھوں روپے نقدی رقم چوری کر کے فرار ہو گئے۔ واقعے کی اطلاع ملتے ہی تاجر برادری بڑی تعداد میں صرافہ بازار پہنچ گئی اورسخت احتجاج کرکے صرافہ بازار میں ہڑتال کرادی۔ اس موقع پر چوری کے متاثر حاجی یوسف میمن نے کہا ہے کہ چوروں نے دکان کی چھت توڑ کر ایک کروڑ پچیس لاکھ روپے مالیت کا قیمتی سونا اور تین لاکھ روپے نقدی چوری کر کے لے گئے ہیں بروقت اطلاع کے باوجود پولیس موقع پر نہ پہنچی۔ تاجر برادری نے مطالبہ کیا کہ فوری طور پر ملزمان کو گرفتار کر کے چوری شدہ سونا واپس کرایا جائے، بصورت دیگر پورے ٹھٹھہ شہر میں ہڑتال کی جائے گی۔ تاجر برادری کے سخت احتجاج کی وڈیو سوشل میڈیا پر وائرل ہونے کے بعد ایس ایچ او ٹھٹھہ صرافہ بازار پہنچ کر متاثر دکاندار سے تفصیل معلوم کیں اور ملزمان کی گرفتاری کی یقین دہانی کے بعد احتجاج کو ختم کرایا۔
ذریعہ
ذریعہ: Jasarat News
کلیدی لفظ: صرافہ بازار تاجر برادری
پڑھیں:
بجٹ میں پیٹرولیم لیوی بڑھانے کا امکان
اسلام آباد:وفاقی بجٹ میں 220 ارب روپے کے نئے ٹیکسز لگانے، تاجروں کے لیے فکسڈ ٹیکس اسکیم لانے کی تجاویز ہیں، بچوں کے فارمولا دودھ، گھی، کوکنگ آئل سمیت درجنوں اشیائے خورونوش سیلز ٹیکس کے تیسرے شیڈول میں شامل کیے جانے کا امکان ہے۔
ایکسپریس نیوز کے مطابق بجٹ میں سالانہ 20 کروڑ روپے سیل پر 25 ہزار روپے فکس ٹیکس دینا ہوگا جس پر تاجروں کو آڈٹ سے استثنیٰ دیا جاسکتا ہے، آئی ایم ایف نے جی ایس ٹی کی شرح 18 سے بڑھا کر 19 فیصد کرنے پر زور دیا ہے۔
ذرائع کے مطابق اگلے مالی سال کا ٹیکس ہدف حاصل کرنے کے لیے بجٹ میں اضافی ٹیکس اقدامات شامل ہوں گے، نئے بجٹ میں سپر ٹیکس میں ایک سے دو فیصد تک کمی کی بھی تجویز ہے۔
بجٹ میں شیر خوار بچوں کے فارمولا دودھ، کیچپ، ویجیٹیبل گھی، کوکنگ آئل، چائے کی پتی، چینی، خشک دودھ اور اس سے تیار شدہ مصنوعات سمیت درجنوں اشیائے خورونوش اور روزمرہ استعمال کی ضروری اشیاء پر سیلز ٹیکس وصولی کے لیے پرچون قیمت پرنٹ کرنے کا لازمی قرار دینے کا اصولی فیصلہ کیا ہے جس کے لیے ان درجنوں اشیاء کو تیسرے شیڈول میں شامل کیا جائے گا۔
علاوہ ازیں جن اشیائے خوردونوش اور اشیائے ضروریہ پر بھاری ٹیکس عائد ہے اسے اگلے بجٹ میں بھی برقرار رکھے جانے کا امکان ہے جس سے ان اشیاء کے مہنگے ہونے کا خدشہ ہے۔
ذرائع کا مزید کہنا ہے کہ الیکٹرک گاڑیوں کی سی کے ڈی کٹس پر سیلز ٹیکس چھوٹ یکم جولائی 2026ء سے ختم ہونے کا امکان ہے جبکہ مقامی طور پر تیار یا اسمبلڈ کی جانے والی الیکٹرک گاڑیوں پر ایک فی صد سیلز ٹیکس 30 جون 2026ء تک نافذ رہے گا اسی طرح ہائبرڈ الیکٹرک گاڑیوں پر رعایتی سیلز ٹیکس کی مدت بھی 30 جون 2026ء کو ختم ہو جائے گی اور اس میں مزید رعایت دیے جانے کا امکان نہیں ہے۔
ذرائع کا کہنا ہے کہ یکم جولائی سے پٹرولیم مصنوعات پر کلائمٹ سپورٹ لیوی دگنی کیے جانے کا امکان ہے اس کے تحت پٹرولیم مصنوعات پر کلائمٹ سپورٹ لیوی 2.5 روپے فی لیٹر سے بڑھا کر پانچ روپے فی لیٹر وصول کی جا سکتی ہے۔ آئندہ مالی سال کے دوران کلائمٹ سپورٹ لیوی کی مد میں 90 ارب روپے سے زائد وصول ہونے کا تخمینہ لگایا گیا ہے۔
بجٹ میں کرپٹو ٹریڈنگ پر 10 سے 30 فی صد تک کیپیٹل گین ٹیکس نافذ کیا جا سکتا ہے جس کیلئے ٹیکس ایکٹ 2001ء کے سیکشن 37 میں کرپٹو ٹرانزیکشنز سے متعلق کیپیٹل گین کی شق شامل کیے جانے کا امکان ہے۔
دریں اثنا وفاقی حکومت کی جانب سے آئندہ مالی سال 2026-27ء کے وفاقی بجٹ میں سابق قبائلی علاقوں کے لیے ٹیکس استثنیٰ ختم کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ