وزیراعظم کی اماراتی صدر سے ملاقات، پاکستان، امارات کا مختلف شعبوں میں تعاون بڑھانے پر تبادلہ خیال
اشاعت کی تاریخ: 31st, December 2025 GMT
اسلام آباد‘ رحیم یار خان (خبر نگار خصوصی + نامہ نگار) نائب وزیراعظم اور وزیر خارجہ سینیٹر محمد اسحاق ڈار نے سعودی وزیر خارجہ شہزادہ فیصل بن فرحان کو ٹیلیفون کیا۔ گزشتہ روز دفتر خارجہ سے جاری بیان کے مطابق نائب وزیراعظم نے نئے سال کی مبارکباد اور نیک خواہشات کا اظہار کیا جس کا شہزادہ فیصل بن فرحان نے گرمجوشی سے جواب دیا۔ نائب وزیراعظم نے دوطرفہ تعلقات پر اطمینان کا اظہار کیا۔ سعودی وزیر خارجہ نے دوطرفہ تعلقات کو مزید مضبوط بنانے اور بڑھانے کے عزم کا اعادہ کیا۔ پاکستان اور متحدہ عرب امارات کی قیادت نے آئی ٹی، توانائی، کان کنی و معدنیات اور دفاعی تعاون سمیت مختلف شعبوں میں تعاون بڑھانے کے امکانات پر تبادلہ خیال کیا ہے جبکہ وزیراعظم محمد شہباز شریف نے پاکستان اور متحدہ عرب امارات کے مابین دیرینہ، برادرانہ تعلقات کو سٹریٹجک اور باہمی طور پر مفید اقتصادی شراکت داری میں تبدیل کرنے کے پختہ عزم کا اعادہ کرتے ہوئے دوطرفہ تجارت میں نمایاں اضافے کی ضرورت پر زور دیا ہے۔ وزیر اعظم آفس کے میڈیا ونگ کی طرف سے جاری بیان کے مطابق وزیر اعظم محمد شہباز شریف نے گزشتہ روز شیخ زاید پیلس رحیم یار خان میں متحدہ عرب امارات کے صدر اور ابوظہبی کے حکمران شیخ محمد بن زاید النہیان سے ملاقات کی۔ نائب وزیراعظم و وزیر خارجہ سینیٹر محمد اسحاق ڈار، وفاقی وزیر اطلاعات عطاء اللہ تارڑ، وزیراعظم کے معاون خصوصی طارق فاطمی اور دیگر اعلیٰ حکام بھی ملاقات میں موجود تھے۔ بیان کے مطابق ملاقات نہایت گرمجوش اور خوشگوار ماحول میں ہوئی جس میں دونوں رہنمائوں نے 26 دسمبر 2025ء کو اسلام آباد میں ہونے والی اپنی حالیہ ملاقات میں ہونے والے تبادلہ خیال کو آگے بڑھایا۔ شیخ محمد بن زاید النہیان نے بطور صدر یو اے ای پاکستان کا اپنا پہلا سرکاری دورہ کیا۔ وزیراعظم نے پاکستان اور متحدہ عرب امارات کے مابین دیرینہ، برادرانہ تعلقات کو ایک سٹریٹجک اور باہمی طور پر مفید اقتصادی شراکت داری میں تبدیل کرنے کے پختہ عزم کا اعادہ کیا۔ انہوں نے دوطرفہ تجارت میں نمایاں اضافے کی ضرورت پر زور دیا تاکہ اسے مطلوبہ سطح تک پہنچایا جا سکے۔ دونوں رہنمائوں نے آئی ٹی، توانائی، کان کنی و معدنیات اور دفاعی تعاون سمیت مختلف شعبوں میں تعاون بڑھانے کے امکانات پر بھی گفتگو کی۔ وزیراعظم نے شیخ محمد بن زید النہیان کی متحرک اور دوراندیش قیادت میں متحدہ عرب امارات کی شاندار ترقی پر گہرے اطمینان اور تحسین کا اظہار کیا اور دونوں ممالک کے درمیان مضبوط تعلقات کے فروغ کے لیے یو اے ای کے صدر کے عزم پر ان کا شکریہ ادا کیا۔ انہوں نے متحدہ عرب امارات کی جانب سے 21 لاکھ پاکستانیوں کی میزبانی کو بھی سراہا جو دونوں ممالک کے تعلقات کو مضبوط بنانے میں اہم کردار ادا کر رہے ہیں۔ دونوں رہنمائوں نے دوطرفہ تعاون پر بھی تبادلہ خیال کیا۔ بیان کے مطابق یہ ملاقات پاکستان اور متحدہ عرب امارات کے درمیان ایک سال کے دوران قیادت کی سطح پر ہونے والے بھرپور روابط کا تسلسل ہے۔ قبل ازیں سہ پہر سوا چار بجے وزیر اعظم شہباز شریف جب ایک خصوصی طیارے کے ذریعے شیخ زید ایئر پورٹ رحیم یارخان پہنچے تو آر پی او بہاولپور رائے بابر سعید ڈی سی ظہیر انور جپہ اور ڈی پی او عرفان علی سموں نے ان کا استقبال کیا۔ اپنی آمد کے فوراً بعد وزیر اعظم شہباز شریف اور انکے رفقاء ایک خصوصی ہیلی کاپٹر میں ہز ہائی نس شیخ محمد بن زید سے ملاقات کے لئے چولستان میں واقع انکے محل کے لئے روانہ ہو گئے۔ شیخ محمد بن زید سے ملاقات کے بعد وزیر اعظم شہباز شریف شام پانچ بجے چالیس منٹ پر اپنے خصوصی جہاز سے اسلام آباد چلے گئے۔ یاد رہے کہ ہز ہائی نس شیخ محمد بن زید 26 دسمبر کو اپنے سرکاری دورے پر اسلام آباد پہنچے تھے اور پھر اسی شام اسلام آباد سے اپنے نجی دورے پر رحیم یارخان آ گئے تھے اور چولستان میں واقع اپنے شاہی محل میں قیام پذیر تھے۔ ذرائع کے مطابق یہاں قیام کے دوران انہوں نے چولستان میں تلور کا شکار بھی کھیلا۔ اطلاعات کے مطابق اس موقع پر سکیورٹی کے سخت ترین انتظامات کئے گئے تھے اور اس موقع پر پولیس اور فوج کے خصوصی دستوں اور رینجرز کی کئی کمپنیوں کے ساتھ ساتھ یو اے ای کی سکیورٹی فورسز نے بھی چولستان کو اپنے حصار میں لیا ہوا تھا، بعض ذرائع کے مطابق اماراتی صدر اپنا نجی دورہ چولستان مکمل کر کے آج واپس اپنے وطن روانہ ہو جائیں گے اور متوقع طور پر صدر آصف علی زرداری انہیں خدا حافظ کہنے کے لئے آج رحیم یار خان آئیں گے۔
.
ذریعہ
ذریعہ: Nawaiwaqt
کلیدی لفظ: پاکستان اور متحدہ عرب امارات متحدہ عرب امارات کے کے مطابق تبادلہ خیال اسلام ا باد شہباز شریف سے ملاقات تعلقات کو نے دوطرفہ
پڑھیں:
بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب
بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب ہو گئے ہیں جسے عالمی سفارت کاری میں بنگلہ دیش کے لیے ایک اہم کامیابی قرار دیا جا رہا ہے۔
یہ بھی پڑھیں: بنگلہ دیش کے وزیر برائے چٹاگانگ ہل ٹریکٹس افیئرز خرابی صحت کے باعث مستعفی
منگل کو نیویارک میں اقوام متحدہ کے ہیڈکوارٹرز میں ہونے والے انتخاب میں ڈاکٹر خلیل الرحمان نے قبرص کے امیدوار کو شکست دے کر یہ اہم منصب حاصل کیا۔
مبصرین کے مطابق یہ کامیابی عالمی سطح پر بنگلہ دیش کے بڑھتے ہوئے سفارتی کردار، کثیرالجہتی تعاون اور بین الاقوامی اداروں میں اس کی مضبوط ہوتی ساکھ کا مظہر ہے۔
وزیراعظم طارق رحمان نے ڈاکٹر خلیل الرحمان کو مبارکباد دیتے ہوئے کہا کہ ان کا انتخاب عالمی سطح پر بنگلہ دیش کے بڑھتے ہوئے اثر و رسوخ اور مثبت کردار کا اعتراف ہے۔
مزید پڑھیے: سابق صدر بنگلہ دیش ضیاء الرحمان کی 45ویں برسی: صاحبزادے و وزیراعظم طارق رحمان کا خراج عقیدت
اپنے پیغام میں وزیراعظم نے کہا کہ اقوام متحدہ کی جنرل اسمبلی کے 81ویں اجلاس کا صدر منتخب ہونے پر وزیر خارجہ ڈاکٹر خلیل الرحمان کو دل کی گہرائیوں سے مبارکباد پیش کرتا ہوں۔
انہوں نے امید ظاہر کی کہ ڈاکٹر خلیل الرحمان اس اہم منصب پر بنگلہ دیش کی بہترین نمائندگی کریں گے اور عالمی برادری کو درپیش مشترکہ چیلنجز سے نمٹنے کے لیے رابطوں، مکالمے اور بین الاقوامی تعاون کے فروغ میں مؤثر کردار ادا کریں گے۔
وزیراعظم کا کہنا تھا کہ ہمیں یقین ہے کہ وہ بنگلہ دیش کا نام مزید روشن کریں گے اور عالمی مسائل کے حل کے لیے تعاون اور ہم آہنگی کو فروغ دینے میں اہم کردار ادا کریں گے۔ ان کا مزید کہنا تھا کہ ہم ان کی نئی ذمہ داریوں کے لیے نیک تمناؤں کا اظہار کرتے ہیں۔‘
مزید پڑھیں: بنگلہ دیش میں چمڑے کی منڈی بحران کا شکار، مدارس اور یتیم خانوں کو خسارہ، وجہ کیا ہے؟
ڈاکٹر خلیل الرحمان جنرل اسمبلی کے 81ویں اجلاس کے باقاعدہ آغاز پر اپنی ذمہ داریاں سنبھالیں گے۔ اس حیثیت میں وہ عالمی امن و سلامتی، پائیدار ترقی، موسمیاتی تبدیلی، عالمی حکمرانی اور دیگر اہم بین الاقوامی امور پر ہونے والے مباحث اور اجلاسوں کی صدارت کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ بنگلہ دیش کے وزیر خارجہ ڈاکٹر خلیل الرحمان بنگلہ دیش کے وزیراعظم طارق رحمان نے ڈاکٹر خلیل الرحمان خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب طارق رحمان کی ڈاکٹر خلیل رحمان کو مبارکباد
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ