ٹرمپ کا وینزویلا میں مبینہ منشیات بندرگاہ پر امریکی حملے کی تصدیق
اشاعت کی تاریخ: 31st, December 2025 GMT
امریکی صدر ڈونلڈ ٹرمپ نے تصدیق کی ہے کہ امریکا نے وینزویلا میں ایک ایسے ڈاک ایریا کو نشانہ بنایا ہے جسے مبینہ طور پر بین الاقوامی سطح پر منشیات کی ترسیل کے لیے استعمال کیا جا رہا تھا۔ یہ کارروائی منشیات کی اسمگلنگ روکنے کے لیے امریکی انتظامیہ کی کوششوں کے تحت کی گئی ہے۔
یہ بھی پڑھیں:وینزویلا میں چین اور روس کی دلچسپی کیا ہے، امریکا کیوں پریشان ہے؟
امریکی صدر ڈونلڈ ٹرمپ نے پیر کے روز بتایا کہ امریکا نے وینزویلا میں ایک ’ڈاک ایریا‘ پر حملہ کیا ہے جہاں منشیات کو کشتیوں کے ذریعے دیگر ممالک منتقل کیا جاتا تھا۔ صدر ٹرمپ کے مطابق یہ پہلا موقع ہے کہ امریکا نے منشیات کے خلاف کارروائی کے دوران وینزویلا میں کسی زمینی ہدف کو نشانہ بنایا ہے۔
ٹرمپ نے ایک ریڈیو انٹرویو میں کہا تھا کہ وینزویلا میں ایک بڑی سہولت کو تباہ کیا گیا ہے، تاہم اس کی تفصیلات اس وقت منظرِ عام پر نہیں آئیں۔ بعد ازاں مارالاگو میں صحافیوں کے سوالات کے جواب میں انہوں نے اس کارروائی کی تصدیق کی۔
میڈیا رپورٹس کے مطابق یہ ڈاک مبینہ طور پر وینزویلا کے بدنام زمانہ گروہ ٹرین ڈی اراگوا کے زیر استعمال تھا، جو منشیات کی اسمگلنگ میں ملوث ہے۔ سی این این کے مطابق یہ کارروائی ڈرون حملے کے ذریعے کی گئی، جس کی بنیاد امریکی خفیہ معلومات پر تھی۔
صدر ٹرمپ نے صحافیوں سے گفتگو میں کہا کہ اس مقام پر کشتیوں کو منشیات سے بھرا جاتا تھا، اس لیے پہلے کشتیوں کو نشانہ بنایا گیا اور اب اس مرکزی مقام کو بھی ختم کر دیا گیا ہے۔
یہ بھی پڑھیں:وائٹ ہاؤس کا فوج کو وینزویلا کے تیل کی ترسیل روکنے پر توجہ مرکوز رکھنے کا حکم
واضح رہے کہ امریکا نے گزشتہ چند ماہ کے دوران وینزویلا کے قریب کیریبین سمندر میں اپنی فوجی موجودگی میں نمایاں اضافہ کیا ہے۔ نومبر میں امریکی طیارہ بردار بحری جہاز یو ایس ایس جیرالڈ آر فورڈ بھی اس علاقے میں تعینات کیا گیا تھا۔
امریکی حکام کے مطابق اس فوجی آپریشن کو آپریشن سدرن اسپیئر کا نام دیا گیا ہے، جس کے تحت ہزاروں امریکی فوجی اور متعدد جنگی جہاز خطے میں موجود ہیں۔ امریکا کا مؤقف ہے کہ ان اقدامات کا مقصد منشیات کی اسمگلنگ روکنا اور وینزویلا پر دباؤ بڑھانا ہے۔
صدر ٹرمپ نے وینزویلا کے صدر نکولس مادورو پر الزام عائد کیا ہے کہ وہ منشیات فروش گروہوں کی سرپرستی کر رہے ہیں اور امریکا میں منشیات کی ترسیل کے ذمہ دار ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا صدر ٹرمپ وائٹ ہاؤس وینزویلا.
ذریعہ
ذریعہ: WE News
کلیدی لفظ: امریکا وائٹ ہاؤس وینزویلا وینزویلا میں کہ امریکا نے وینزویلا کے منشیات کی کے مطابق کیا ہے
پڑھیں:
سعودی عرب کی ابراہیمی معاہدے میں شمولیت تاریخی قدم ہوگا، نیتن یاہو کا ٹرمپ کی شرط پر ردعمل
نیتن یاہو - فوٹو: فائلاسرائیلی وزیراعظم بن یامین نیتن یاہو نے امریکی صدر ڈونلڈ ٹرمپ کے سعودی عرب پر سول جوہری معاہدے کےلیے ابراہیمی معاہدے میں شمولیت کی شرط سے متعلق ردِ عمل دے دیا۔
برطانوی خبر رساں ادارے رائٹرز کی رپورٹ کے مطابق ایکس (سابقہ ٹوئٹر) پر جاری ایک بیان میں اسرائیلی وزیراعظم کا کہنا تھا کہ سعودی عرب کا ’ابراہیمی معاہدے‘ میں شامل ہونا مشرقِ وسطیٰ میں امن و سلامتی کے لیے تاریخی اور عظیم پیش رفت ہوگی۔
خیال رہے کہ نیتن یاہو کی جانب سے یہ بیان امریکی صدر ڈونلڈ ٹرمپ کے اس اعلان کے بعد سامنے آیا جس میں انہوں نے امریکہ اور سعودی عرب کے درمیان ہونے والے سول جوہری معاہدے کا ذکر کیا تھا۔
اپنے بیان میں امریکی صدر کا کہنا تھا کہ امریکی محکمہ توانائی اور سعودی عرب کے درمیان سول جوہری معاہدہ منظور کرلیا جائے گا۔
صدر ٹرمپ نے واضح طور پر یہ شرط رکھی تھی کہ امریکہ اور سعودی عرب کے درمیان یہ سول جوہری معاہدہ اسی صورت ممکن ہوگا جب سعودی عرب باضابطہ طور پر ’ابراہیمی معاہدے‘ کا حصہ بنے گا۔
تاہم یہ علم میں رہے کہ اپنے بیان میں اسرائیلی وزیراعظم نے امریکہ اور سعودی عرب کے اس سول جوہری معاہدے کا براہِ راست کوئی تذکرہ نہیں کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار