ممتا بینرجی کا امت شاہ سے استعفے کا مطالبہ، کشمیر اور دہلی حملوں پر سوالات
اشاعت کی تاریخ: 31st, December 2025 GMT
بھارت کے مرکزی وزیرِ داخلہ امیت شاہ کی جانب سے غیر قانونی دراندازی کے الزامات کو مسترد کرتے ہوئے مغربی بنگال کی وزیرِ اعلیٰ ممتا بینرجی نے کشمیر اور دہلی میں ہونیوالے دہشت گرد حملوں پر سوالات اٹھاتے ہوئے وزیرِ داخلہ کے استعفے کا مطالبہ کر دیا۔
بانکورا ضلع میں ایک عوامی اجتماع سے خطاب کرتے ہوئے ممتا بینرجی نے کہا کہ بی جے پی دعویٰ کرتے ہیں کہ درانداز صرف بنگال میں ہیں اور کشمیر میں نہیں تو پھر پہلگام حملہ کس نے کیا۔
یہ بھی پڑھیں: بھارتی رہنما ممتا بینرجی نے پلوامہ حملے کا راز فاش کر دیا
’آپ کہتے ہیں درانداز صرف بنگال میں ہیں، تو دہلی میں کیا ہوا، دھماکے کا ذمہ دار کون تھا، وزیرِ داخلہ کو استعفیٰ دینا چاہیے، اگر نہیں دیں گے تو عوام آپ کو اقتدار سے ہٹا دیں گے۔‘
“If all infiltrators are in #Bengal then answer two questions –
1: Did you stage or do the #pahalgamattack in #Kashmir?
2: Did you do the #DelhiAttack ?”#MamataBanerjee asks #AmitShah pic.
— Tamal Saha (@Tamal0401) December 30, 2025
اس سے قبل کولکتہ میں ایک پریس کانفرنس سے خطاب کرتے ہوئے امیت شاہ نے کہا تھا کہ ممتا بنرجی کی قیادت میں مغربی بنگال حکومت اپنے ووٹ بینک کو مضبوط کرنے کے لیے پالیسی کے طور پر دراندازی کی اجازت دے رہی ہے۔
وزیرِ داخلہ نے ریاستی حکومت پر بنگلہ دیش سرحد پر باڑ لگانے کے لیے زمین فراہم نہ کرنے کا الزام بھی عائد کیا تھا۔
زمین کی الاٹمنٹوزیرِ اعلیٰ ممتا بینرجی نے مرکزی ایجنسیوں کو زمین فراہم نہ کرنے کے الزام کو بھی مسترد کرتے ہوئے کہا مختلف منصوبوں کے لیے مغربی بنگال حکومت پہلے ہی مرکزی اداروں کو زمین الاٹ کر چکی ہے۔
’میں نے وافر مقدار میں زمین دی ہے، لیکن جن علاقوں میں زمین دی گئی وہاں کام ابھی تک مکمل نہیں ہوا۔‘
مزید پڑھیں: بھارتی فوج کے حق میں بیان دینے پر آئی سی سی چیئرمین جے شاہ سے استعفیٰ کا مطالبہ زور پکڑنے لگا
انہوں نے سوال اٹھاتے ہوئے کہا کہ کیا رانی گنج، جمیوریا اور بانکورا میں زمین نہیں دی گئی، بونگاؤں میں پیٹراپول کے لیے زمین نہیں دی گئی، اندل ایئرپورٹ کے لیے زمین نہیں دی گئی، پھر تارکیشور–بشنوپور ریلوے لائن کس نے بنائی؟
’کیا یہ ممتا بینرجی کے زمین دیے بغیر بن گئی؟ اگر زمین نہیں دی گئی تو ایسٹرن کول فیلڈز لمیٹڈ کو کوئلہ نکالنے کے لیے زمین کہاں سے ملی۔‘
مزید پڑھیں: بھارت میں گرفتار ہونے والے سارے جاسوس پاکستانی چاکلیٹ کیوں کھاتے ہیں؟
ممتا بنرجی نے وزیرِ داخلہ کے اس دعوے کا بھی مذاق اڑایا کہ بی جے پی آئندہ اسمبلی انتخابات میں مغربی بنگال میں 2 تہائی اکثریت حاصل کرے گی۔
انہوں نے کہا کہ پہلے یہ کہتے تھے کہ 200 سے زیادہ سیٹیں جیتیں گے، اب اسپیشل انٹینسیو ریویژن آزما رہے ہیں۔
مزید پڑھیں: کیا بھارت آپریشن سندور جیت گیا تھا؟ بھارتی پنجاب کے وزیراعلیٰ اپنی ہی ٹیم کے کھلاڑیوں پر برس پڑے
وزیرِ اعلیٰ کے مطابق ایس آئی آر کے عمل کے دوران تقریباً 58 سے 60 افراد ہلاک ہو چکے ہیں، اور اعلان کیا کہ ہر ضلع میں ان افراد کی یاد میں ایک یادگار قائم کی جائے گی۔
ترنمول کانگریس کے جنرل سیکریٹری ابھیشیک بینرجی نے بھی دراندازی کے الزامات کو مسترد کرتے ہوئے کہا کہ اگر بین الاقوامی سرحد کے ذریعے دراندازی ہوتی ہے تو اس کی ذمہ داری وزیرِ داخلہ پر عائد ہوتی ہے۔
مزید پڑھیں: مقبوضہ جموں و کشمیر میں نئی قانون سازی اور مزید فوجی تعیناتی
انہوں نے کہا کہ امیت شاہ کو اپنی ہی پارٹی کے اراکینِ پارلیمنٹ جگن ناتھ سرکار اور اننت مہاراج کی باتیں سننی چاہییں۔
ادھر ایک اور پریس کانفرنس میں امیت شاہ نے ابھیشیک بینرجی کو نشانہ بناتے ہوئے کہا کہ ممتا بنرجی کی حکومت نے سنڈیکیٹ اور کٹ منی کو فروغ دیا ہے، اور یہاں صرف ’بھائی پو‘ یعنی بھتیجے کو کمانے کا حق ہے، کسی اور کو نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابھیشیک بینرجی امیت شاہ رانی گنج مغربی بنگال ممتا بینر جی ووٹ بینک
ذریعہ
ذریعہ: WE News
کلیدی لفظ: ابھیشیک بینرجی امیت شاہ مغربی بنگال ممتا بینر جی ووٹ بینک زمین نہیں دی گئی ممتا بینرجی نے مغربی بنگال کے لیے زمین مزید پڑھیں کرتے ہوئے امیت شاہ ہوئے کہا نے کہا کہا کہ
پڑھیں:
پاکستان کا موقف اور خطے میں امن کا تقاضا
پاکستان کی جغرافیائی حیثیت محض ایک زمینی ریاست کی نہیں بلکہ ایک ایسے ملک کی ہے جس کے مفادات خشکی، سمندر اور خطے کی مجموعی سلامتی سے یکساں طور پر وابستہ ہیں۔ اسی لیے جب مشرقِ وسطیٰ میں جنگ کے شعلے بلند ہوتے ہیں تو ان کی تپش صرف جنگ میں شریک ممالک تک محدود نہیں رہتی بلکہ عالمی تجارت، توانائی کی رسد، بحری راستوں، علاقائی معیشتوں اور سفارتی توازن کو بھی اپنی لپیٹ میں لے لیتی ہے۔
آج بحیرہ احمر، باب المندب اور آبنائے ہرمز صرف آبی گزرگاہیں نہیں رہیں بلکہ عالمی طاقتوں کی کشمکش، علاقائی رقابتوں اور غیر ریاستی مسلح گروہوں کی حکمت عملی کا مرکز بن چکی ہیں۔ ایسے ماحول میں پاکستان کی جانب سے اپنے بحری مفادات اور سعودی عرب کی سلامتی کے بارے میں دوٹوک اور واضح موقف اختیار کرنا نہ صرف ایک ذمے دار ریاست کی علامت ہے بلکہ یہ اس حقیقت کا اظہار بھی ہے کہ قومی سلامتی کی تعریف اب سرحدوں تک محدود نہیں رہی، بلکہ سمندری راستے، تجارتی جہاز، بندرگاہیں اور توانائی کی سپلائی لائنیں بھی اسی قدر اہم قومی مفادات کا حصہ بن چکی ہیں۔
پاکستان نے جس واضح انداز میں یہ اعلان کیا ہے کہ پاکستانی پرچم بردار جہازوں، بحری تنصیبات یا سمندری مفادات کے خلاف کسی بھی جارحیت کو قومی سلامتی کے خلاف حملہ تصور کیا جائے گا، وہ دراصل بین الاقوامی قانون کے بنیادی اصولوں کی توثیق بھی ہے اور قومی خودمختاری کے تحفظ کا منطقی اظہار بھی۔ دنیا کی کوئی بھی ذمے دار ریاست اپنی تجارت، بحری نقل و حمل اور اقتصادی شہ رگوں کو خطرات کے رحم و کرم پر نہیں چھوڑ سکتی۔
پاکستان کی بڑی بندرگاہیں، برآمدات، درآمدات اور توانائی کی ضروریات عالمی بحری راستوں سے وابستہ ہیں، اس لیے ان راستوں میں پیدا ہونے والی بے یقینی براہِ راست قومی معیشت پر اثر انداز ہوتی ہے۔ یہی وجہ ہے کہ اسلام آباد کی جانب سے یہ واضح پیغام دینا کہ قومی بحری مفادات کے دفاع کے لیے ہر ضروری اقدام کیا جائے گا، دراصل ایک فطری ریاستی ذمے داری ہے، نہ کہ محض سفارتی بیان۔
بحیرہ احمر میں حوثی حملوں اور تجارتی جہازوں کو دی جانے والی دھمکیوں نے عالمی تجارت کو غیر معمولی اضطراب میں مبتلا کر دیا ہے۔ ماضی میں قزاقی کو سمندری تجارت کے لیے سب سے بڑا خطرہ سمجھا جاتا تھا، مگر اب منظم مسلح گروہ جدید میزائلوں، ڈرونز اور بحری حملوں کی صلاحیت کے ذریعے پوری عالمی سپلائی چین کو یرغمال بنانے کی کوشش کر رہے ہیں۔
اس صورتحال نے یہ ثابت کر دیا ہے کہ غیر ریاستی عناصر بھی ایسے وسائل حاصل کر چکے ہیں جن کے ذریعے وہ عالمی معیشت پر ریاستوں سے کم اثر نہیں ڈال سکتے۔ یہی وجہ ہے کہ متعدد آئل ٹینکروں نے اپنے راستے تبدیل کیے اور یورپی بحری اداروں نے بھی تجارتی جہازوں کو احتیاطی ہدایات جاری کیں، جو اس بحران کی سنگینی کا واضح ثبوت ہے۔
حوثیوں کی جانب سے سعودی عرب سے وابستہ تجارتی سرگرمیوں کو نشانہ بنانے کی دھمکیاں صرف ایک ملک کے خلاف کارروائی نہیں بلکہ بین الاقوامی تجارت کی آزادی پر حملہ ہیں۔ سمندری راستوں کی آزادی بین الاقوامی قانون کا بنیادی اصول ہے، جس پر عالمی تجارت کا پورا نظام قائم ہے، اگر کسی گروہ کو یہ حق دے دیا جائے کہ وہ سیاسی یا عسکری مقاصد کے لیے تجارتی جہازوں کی نقل و حرکت روک دے تو پھر عالمی تجارت مسلسل خوف اور غیر یقینی کا شکار ہو جائے گی۔ پاکستان کی تشویش اسی تناظر میں نہایت برمحل ہے کیونکہ اس کی تجارت کا بڑا حصہ بھی انھی عالمی بحری راستوں سے وابستہ ہے۔
پاکستان نے سعودی عرب کی سلامتی، خودمختاری اور علاقائی سالمیت کے لیے اپنی غیر متزلزل حمایت کا اعادہ کر کے نہ صرف دونوں ممالک کے تاریخی تعلقات کو مضبوط کیا ہے بلکہ ایک اصولی موقف بھی اختیار کیا ہے۔ پاکستان اور سعودی عرب کے تعلقات کئی دہائیوں پر محیط اعتماد، مذہبی وابستگی، اقتصادی تعاون اور دفاعی اشتراک پر استوار ہیں۔ اس لیے اگر کسی بحران کے ذریعے سعودی عرب کو براہِ راست جنگ میں گھسیٹنے یا اس کے تجارتی مفادات کو نقصان پہنچانے کی کوشش کی جاتی ہے تو پاکستان کا اس پر تشویش ظاہر کرنا ایک ذمے دار دوست اور شراکت دار ریاست کے کردار کی عکاسی کرتا ہے۔
اس وقت اصل تشویش صرف بحیرہ احمر تک محدود نہیں رہی بلکہ امریکا اور ایران کے درمیان بڑھتی ہوئی عسکری کشیدگی نے پورے خطے کو ایک نئے اور زیادہ خطرناک مرحلے میں داخل کر دیا ہے۔ دونوں ممالک کی جانب سے مسلسل سخت بیانات، ایک دوسرے کے بنیادی ڈھانچے کو نشانہ بنانے کی دھمکیاں اور فوجی کارروائیوں کا دائرہ وسیع ہونے کے امکانات اس امر کی نشاندہی کرتے ہیں کہ جنگ اب محدود رہنے کے بجائے تدریجاً علاقائی شکل اختیار کر سکتی ہے۔ جب عسکری کارروائیوں کا ہدف پل، بجلی گھر، توانائی کے مراکز اور دیگر شہری تنصیبات بن جائیں تو اس کے اثرات براہِ راست عام شہریوں پر مرتب ہوتے ہیں۔
اس تمام منظرنامے کا ایک اہم پہلو یہ بھی ہے کہ بین الاقوامی قانون اور سمندری ضابطوں کا احترام مسلسل کمزور پڑ رہا ہے، اگر بحری گزرگاہوں کو سیاسی دباؤ کے آلے کے طور پر استعمال کیا جانے لگا تو مستقبل میں دنیا کے دیگر حساس سمندری راستے بھی اسی نوعیت کے تنازعات کا شکار ہو سکتے ہیں۔ اس لیے عالمی برادری کی ذمے داری ہے کہ وہ آزادی جہاز رانی، تجارتی تحفظ اور شہری بنیادی ڈھانچے کے احترام کو ہر حال میں یقینی بنانے کے لیے موثر اقدامات کرے۔
پاکستان کے لیے موجودہ حالات ایک واضح پیغام رکھتے ہیں کہ بحری سلامتی کو قومی سلامتی کی حکمت عملی کا مزید مضبوط حصہ بنایا جائے۔ بحری افواج کی استعداد، ساحلی نگرانی، بندرگاہوں کی حفاظت، تجارتی جہازوں کی سیکیورٹی اور بین الاقوامی بحری تعاون کو مزید موثر بنانا وقت کی ضرورت ہے۔ گوادر اور کراچی جیسے اہم بندرگاہی مراکز صرف قومی معیشت کے ستون نہیں بلکہ علاقائی تجارت کے اہم مراکز بھی ہیں، جن کا تحفظ ہر حال میں یقینی بنایا جانا چاہیے۔
اس بحران میں پاکستان کے لیے سفارتی توازن بھی غیر معمولی اہمیت رکھتا ہے۔ ایک جانب سعودی عرب سمیت خلیجی ممالک کے ساتھ قریبی تعلقات ہیں تو دوسری جانب ایران ایک ہمسایہ اور اہم علاقائی ملک ہے۔ اس لیے پاکستان کا کردار اشتعال انگیزی میں اضافہ کرنے کے بجائے کشیدگی کم کرنے، رابطے بڑھانے اور مذاکرات کی حمایت کرنے کا ہونا چاہیے۔ یہی وہ راستہ ہے جو پاکستان کی خارجہ پالیسی کی روایات، قومی مفادات اور علاقائی امن کے تقاضوں سے مطابقت رکھتا ہے۔
عالمی طاقتوں کو بھی یہ حقیقت تسلیم کرنا ہوگی کہ طاقت کے ذریعے حاصل ہونے والی کامیابیاں عارضی ہوتی ہیں، جب کہ ان کے نتیجے میں پیدا ہونے والا عدم استحکام کئی دہائیوں تک برقرار رہ سکتا ہے۔ مشرق وسطیٰ پہلے ہی جنگوں، پابندیوں، پراکسی تنازعات اور بیرونی مداخلتوں کے باعث شدید نقصان اٹھا چکا ہے، اگر موجودہ کشیدگی کو بروقت نہ روکا گیا تو اس کے اثرات صرف جنگ میں شامل ممالک تک محدود نہیں رہیں گے بلکہ پوری عالمی معیشت، توانائی کے نظام اور بین الاقوامی امن کو اپنی لپیٹ میں لے لیں گے۔
پاکستان کا حالیہ موقف اسی لیے اہم ہے کہ اس میں اپنے قومی اور بحری مفادات کے تحفظ کا واضح اعلان بھی موجود ہے، سعودی عرب کی سلامتی کے ساتھ اصولی یکجہتی بھی اور بالواسطہ یہ پیغام بھی کہ سمندری راستوں کو جنگی حکمت ِ عملی کا ہدف بنانا کسی کے مفاد میں نہیں۔ آج ضرورت اس امر کی ہے کہ اشتعال انگیز بیانات، عسکری دھمکیوں اور جوابی کارروائیوں کے بجائے سنجیدہ سفارت کاری، علاقائی مکالمے اور بین الاقوامی قانون کی بالادستی کو ترجیح دی جائے، اگر بنیادی ڈھانچے، توانائی کے مراکز، بحری راستوں اور تجارتی جہازوں کو جنگ کا مستقل ہدف بنا دیا گیا تو دنیا ایک ایسے بحران میں داخل ہو سکتی ہے جس کے اثرات نسلوں تک محسوس کیے جائیں گے۔ امن صرف جنگ نہ ہونے کا نام نہیں بلکہ ایسا بین الاقوامی نظم ہے جس میں تجارت محفوظ ہو، ریاستوں کی خودمختاری محترم رہے، شہری تنصیبات محفوظ ہوں اور اختلافات کا فیصلہ میدان جنگ کے بجائے مذاکرات کی میز پر ہو۔ یہی وہ راستہ ہے جو مشرق وسطیٰ کو مزید تباہی سے بچا سکتا ہے اور یہی وہ سوچ ہے جس کی آج پوری دنیا کو سب سے زیادہ ضرورت ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا