جرمنی میں فلمی انداز کی واردات، دیوار توڑ کر بینک لوٹ لیا گیا
اشاعت کی تاریخ: 31st, December 2025 GMT
data-id="863a0a8" data-element_type="widget" data-widget_type="theme-post-content.default">
جرمنی میں بینک ڈکیتی کی ایک غیر معمولی واردات سامنے آئی ہے، جہاں چوروں نے بینک کے مرکزی دروازے کے بجائے دیوار میں سوراخ کر کے بڑی رقم اور قیمتی سامان پر ہاتھ صاف کر دیا۔
یہ انوکھی چوری جرمنی کے مغربی شہر گیلسن کرچن میں واقع اسپارکاس بینک کی ایک برانچ میں پیش آئی، جس نے شہریوں اور حکام دونوں کو حیرت میں مبتلا کر دیا۔
غیر ملکی میڈیا کے مطابق ملزمان نے کرسمس کی تعطیلات کا فائدہ اٹھاتے ہوئے منصوبہ بندی کے تحت بینک کی دیوار میں سوراخ کیا اور اندر داخل ہو کر تقریباً ایک کروڑ یورو کے مساوی رقم کے ساتھ قیمتی اشیاء بھی لوٹ لیں۔ واردات کے بعد چور بغیر کسی مزاحمت کے موقع سے فرار ہونے میں کامیاب ہو گئے۔
پولیس حکام کا کہنا ہے کہ ڈکیتی کا انکشاف اس وقت ہوا جب بینک میں نصب فائر الارم اچانک فعال ہوا۔ اگلے روز جب بینک صارفین کو چوری کا علم ہوا تو درجنوں مشتعل افراد بینک کے باہر جمع ہو گئے اور انتظامیہ کے خلاف احتجاج کرتے ہوئے نعرے لگائے۔
پولیس کے مطابق عینی شاہدین نے بتایا ہے کہ ہفتے کی رات انہوں نے ایک ملحقہ پارکنگ گیراج کی سیڑھیوں پر کئی افراد کو بڑے بڑے بیگ اٹھائے ہوئے دیکھا تھا، جس سے شبہ ہے کہ ملزمان واردات کے فوراً بعد اسی راستے سے فرار ہوئے۔
پولیس کا کہنا ہے کہ واقعے میں ملوث افراد کی شناخت اور گرفتاری کے لیے قانونی کارروائی کا آغاز کر دیا گیا ہے، جبکہ بینک کی سکیورٹی اور سی سی ٹی وی نظام کا بھی باریک بینی سے جائزہ لیا جا رہا ہے۔
ذریعہ
ذریعہ: Jasarat News
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار