پاکستان مخالف بیان پر افغان شہری گرفتار، ڈی پورٹ کرنے کا فیصلہ
اشاعت کی تاریخ: 31st, December 2025 GMT
پاکستان کے خلاف بیان دینے والے افغان شہری کو پولیس نے گرفتار کر لیا ہے۔
پولیس کے مطابق افغان باشندہ شاہ نواز کی پاکستان مخالف بیان پر مبنی ویڈیو گزشتہ روز سوشل میڈیا پر وائرل ہوئی تھی۔
یہ بھی پڑھیں:
پولیس حکام کا کہنا ہے کہ افغان شہری شاہ نواز کو داؤدزئی کے علاقے میں واقع مہاجر کیمپ خزانہ سے گرفتار کیا گیا۔
دورانِ تفتیش ملزم نے پاکستان مخالف بیان دینے کا اعتراف کرتے ہوئے اپنے عمل پر معافی بھی مانگی ہے۔
???????????????????????? ???????????????????????????? ???????????????????????????? ???????? ???????????????????????? ???????????????????????????????????????? ???????????????????? ???????????????????? ???????????????????????? ???????????????????? ????????????????????????????
Peshawar police released a video showing a forced confession by an Afghan refugee currently in custody.
— Afghan Analyst (@AfghanAnalyst2) December 30, 2025
پولیس کے مطابق گرفتار افغان شہری نے سوشل میڈیا پر جاری ویڈیو بیان میں یہ دعویٰ کیا تھا کہ خیبر پختونخوا کا علاقہ اٹک تک افغانستان کا حصہ ہے اور وہ یہاں سے کہیں نہیں جائیں گے۔
ویڈیو کے وائرل ہوتے ہی پشاور میں خزانہ تھانے کے ایس ایچ او نے فوری طور پر کارروائی کرتے ہوئے ملزم کو گرفتار کر کے تھانے منتقل کر دیا، جہاں اس کے خلاف مقدمہ درج کر لیا گیا۔
مزید پڑھیں:
پولیس ذرائع کے مطابق ملزم سے مزید تفتیش جاری ہے، جبکہ قانونی تقاضے مکمل کرنے کے بعد اسے افغانستان ڈی پورٹ کر دیا جائے گا۔
پولیس حکام کا کہنا ہے کہ ریاستی خودمختاری اور ملکی سالمیت کے خلاف کسی بھی بیان یا سرگرمی کو برداشت نہیں کیا جائے گا۔
مزید پڑھیں:
واقعے کے بعد شہر میں سوشل میڈیا اور عوامی حلقوں میں بھی خاصی بحث دیکھنے میں آئی۔
بعض شہریوں نے طنزیہ انداز میں کہا کہ ملزم کو اٹک لے جانا چاہیے تھا، تاہم پولیس نے واضح پیغام دیا کہ یہ افغانستان نہیں، قانون کی حد ہے۔
مزید پڑھیں:
یاد رہے کہ حکومتِ پاکستان نے یکم اپریل 2025 سے ملک میں غیر قانونی طور پر مقیم افغان شہریوں کے خلاف بھرپور آپریشن شروع کر رکھا ہے، جس کے تحت اب تک لاکھوں افغان باشندوں کو وطن واپس بھیجا جا چکا ہے۔
حکام کے مطابق یہ کارروائیاں قانون کے مطابق اور ملکی سلامتی کے پیش نظر جاری رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغان پاکستان پشاور پولیس ڈی پورٹ سوشل میڈیا وائرل
ذریعہ
ذریعہ: WE News
کلیدی لفظ: افغان پاکستان پشاور پولیس ڈی پورٹ سوشل میڈیا وائرل افغان شہری سوشل میڈیا کے مطابق کے خلاف
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار