اتر پردیش: ہائی وے پر ٹرک حادثہ، ایک شخص جاں بحق، خوفناک ویڈیو وائرل
اشاعت کی تاریخ: 31st, December 2025 GMT
data-id="863a0a8" data-element_type="widget" data-widget_type="theme-post-content.default">
اتر پردیش کے رام پور نینیتال نیشنل ہائی وے پر ایک دل دہلا دینے والا حادثہ پیش آیا، جس میں ایک شخص موقع پر ہی جان کی بازی ہار گیا، یہ خوفناک واقعہ سی سی ٹی وی کیمرے میں قید ہو گیا، اور ویڈیو سوشل میڈیا پر تیزی سے وائرل ہو رہی ہے۔
پولیس کے مطابق یہ حادثہ گنج کوتوالی کے علاقے میں پہاڑی گیٹ کے قریب پیش آیا، جہاں بھوسے سے بھرا ایک ٹرک بے قابو ہو کر سڑک پر چلتی مہندرا بولیرو گاڑی پر الٹ گیا، ویڈیو میں دیکھا جا سکتا ہے کہ ٹرک پہلے بولیرو کے پیچھے سے آتا ہے اور اچانک الٹ کر پوری گاڑی کو کچل دیتا ہے۔
حادثے میں بولیرو کے ڈرائیور فراست موقع پر ہی جاں بحق ہو گئے۔ ان کی لاش ٹرک کے نیچے پھنس گئی تھی، جسے کرین اور جے سی بی مشین کی مدد سے نکالا گیا اور بعد ازاں ضلعی اسپتال منتقل کیا گیا، جہاں پوسٹ مارٹم کے بعد ورثا کے حوالے کیا گیا۔
سپرنٹنڈنٹ آف پولیس ودیا ساگر مشرا نے بتایا کہ حادثے کی تحقیقات جاری ہیں اور ابتدائی طور پر خدشہ ظاہر کیا گیا ہے کہ ٹرک یا تو اوورلوڈ تھا یا تیز رفتاری کے باعث موڑ پر بے قابو ہو گیا۔ حادثے کے بعد ہائی وے پر ٹریفک کئی گھنٹوں تک متاثر رہی۔
یہ حادثہ علاقے میں سڑک کے خطرناک موڑ اور اوورلوڈ شدہ ٹرکوں کے مسائل کی یاد دہانی بھی کراتا ہے اور عوام کو احتیاط برتنے کی ہدایت کی گئی ہے۔
ذریعہ
ذریعہ: Jasarat News
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا