کراچی بار کی ہڑتال ختم ؛ معاملہ افہام وتفہیم سے حل کرنے کا فیصلہ
اشاعت کی تاریخ: 31st, December 2025 GMT
سٹی 42: یوٹیوبر رجب بٹ ودیگر کے خلاف وکلا پر تشدد کا مقدمہ درج نہ کرنے کے معاملے پر بڑی پیشرفت سامنے آگئی ۔
سندھ بار کونسل کی کال پر کراچی بار کی سٹی کورٹ میں ہڑتال تھی ۔ کراچی بار کے صدر عامر نواز وڑائچ نے میڈیا سے گفتگو کرتے ہوئے کہا رجب بٹ کے وکیل میاں علی اشفاق نے رابطہ کیا ہے،
میاں علی اشفاق معاملہ افہام وتفہیم سے حل کرنا چاہتے ہیں۔ہم بھی چاہتے ہیں کہ مسلہ بات چیت سے حل ہو۔
ڈالر کی قیمت میں معمولی کمی
تین جنوری کو رجب بٹ کے وکیل کراچی بار سے آئیں گے،۔فریقین کا موقف سنا جائے گا، کراچی بار ثالث کا کردار ادا کرے گا۔
طے پایا ہے کہ دونوں طرف سے سوشل میڈیا سیز فائر ہوگا،جو بھی معاملہ ہوگا افہام وتفہیم سے حل کریں گے۔وکلا کے خلاف جو مقدمہ درج کیا گیا ہے اس پر مزید کارروائی نہیں ہوگی۔کراچی بار ایسوسی ایشن نے غیر معینہ مدت ہڑتال کی کال واپس لے لی۔
.
ذریعہ
ذریعہ: City 42
کلیدی لفظ: کراچی بار
پڑھیں:
کراچی میں 2 سال قبل شروع ہونیوالی مفت شٹل سروس کمرشل بنیاد پر چلائی جارہی ہے
کراچی سے دوسرے شہروں میں جانے کے لیے شہر میں جگہ جگہ قائم بس اڈے دو سال پہلے ختم کرکے شہر سے باہر منتقل کر دیے گئے تھے، شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
حکومت نے مسافروں کی سہولت کے لیے مفت شٹل سروس شروع کی تھی تاکہ مختلف مقامات سے مسافروں کو کراچی بس ٹرمینل پہنچایا جا سکے، مگر یہ شٹل سروس اب ٹرمینل تک محدود نہیں رہی بلکہ روٹ پرمٹ کے بغیر کمرشل بنیادوں پر کراچی سے حیدرآباد تک بھی چلائی جا رہی ہے۔
محکمہ ٹرانسپورٹ سندھ نے اگست 2024 میں آپریشن کرتے ہوئے شہر کے مختلف انٹر سٹی بس اڈے ختم کیے اور بڑی کوچز کے شہر میں داخلے پر پابندی عائد کی تھی۔
مسافروں کی سہولت کے لیے وزیر ٹرانسپورٹ شرجیل انعام میمن نے مفت شٹل سروس شروع کرنے کا اعلان کیا تھا۔ ایک سوال کے جواب میں انہوں نے بتایا تھا کہ تقریباً 50 شٹل گاڑیاں چلائی جا رہی ہیں تاکہ مسافروں کو مختلف مقامات سے کراچی بس ٹرمینل پہنچایا جا سکے۔ لیکن شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
ادھر ٹرانسپورٹرز اپنی سواریاں مختلف ذرائع سے کراچی بس ٹرمینل تک پہنچا رہے ہیں، جس کے اضافی اخراجات بھی انہیں خود برداشت کرنا پڑ رہے ہیں۔
محکمہ ٹرانسپورٹ کا بتانا ہے کہ اس روٹ کے لیے شٹل سروس کے پاس کوئی روٹ پرمٹ موجود نہیں۔
جیو نیوز نے اس حوالے سے کراچی بس ٹرمینل انتظامیہ سے مؤقف لینے کی کوشش کی، مگر ان کی جانب سے کوئی جواب نہیں دیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار