بلوچستان میں پراکسی جنگ، پاکستان کا دوٹوک پیغام: ہر خلاف ورزی پر سخت ردِعمل
اشاعت کی تاریخ: 31st, December 2025 GMT
چیف آف ڈیفنس فورسز فیلڈ مارشل عاصم منیر نے واضح کیا ہے کہ پاکستان کی علاقائی سالمیت کی کسی بھی براہِ راست یا بالواسطہ خلاف ورزی پر سخت اور فیصلہ کن جواب دیا جائے گا۔ پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل عاصم منیر سے بلوچستان سے متعلق 18ویں قومی ورکشاپ کے شرکاء نے ملاقات کی، جس سے خطاب کرتے ہوئے انہوں نے کہا کہ بھارتی اسپانسرڈ پراکسیز بلوچستان میں تشدد، بے امنی اور منفی پروپیگنڈا پھیلا رہی ہیں اور صوبے کی ترقی میں رکاوٹ ڈالنے کی کوششیں کی جا رہی ہیں۔ فیلڈ مارشل کا کہنا تھا کہ پاکستان کی مسلح افواج شہریوں کی جان و مال کے تحفظ کیلئے پرعزم ہیں اور سکیورٹی فورسز بھارتی حمایت یافتہ عناصر کے مذموم عزائم کو سخت کارروائیوں سے ناکام بنائیں گی۔ انہوں نے بلوچستان کی اسٹریٹجک اہمیت پر زور دیتے ہوئے کہا کہ صوبے کے عوام کی حوصلہ مندی اور حب الوطنی قابلِ تحسین ہے، جبکہ وفاقی اور صوبائی حکومتیں عوامی مرکزیت کے ساتھ ترقیاتی منصوبوں پر عملدرآمد کر رہی ہیں۔ آئی ایس پی آر کے مطابق سیشن کے اختتام پر سوال و جواب کی نشست بھی ہوئی، جس میں فیلڈ مارشل عاصم منیر نے شرکاء کے سوالات کے جوابات دیے۔
.
ذریعہ
ذریعہ: Nawaiwaqt
کلیدی لفظ: فیلڈ مارشل
پڑھیں:
مستونگ میں فتنہ الہندوستان کے 6 دہشتگرد مارے گئے، مرد و خواتین خودکش بمبار گرفتار
سیکیورٹی فورسز کی بلوچستان میں انٹیلیجنس بیسڈ مؤثر کارروائیاں جاری ہیں، مستونگ کے علاقہ کھڈ کوچہ میں فتنہ الہندوستان کے 6 دہشتگرد مارے گئے۔
سیکیورٹی فورسز کی کارروائی کے دوران متعدد دہشتگرد گرفتار کیے گئے، گرفتار دہشتگردوں میں سہولتکار سمیت مرد اور خواتین خودکش بمبار بھی شامل ہیں، کارروائی میں دہشتگردوں کےمتعدد ٹھکانے تباہ کر دیے گئے۔
علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے، دہشتگردوں کے ٹھکانوں سے بھاری مقدار میں اسلحہ، گولہ بارود برآمد کرلیا گیا ہے۔
سیکیورٹی ذرائع کا کہنا ہے کہ مستونگ کے علاقہ کھڈ کوچہ میں سیکیورٹی فورسز کی جانب سے انٹیلیجنس بیسڈ آپریشنز تیز کر دیے گئے، دہشت گردی کے خاتمے اور علاقے میں امن و امان کے قیام تک سیکیورٹی فورسز کی کارروائیاں جاری رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار