برطانوی کمپنی نے خلا میں فیکٹری قائم کردی، مال کونسا تیار ہوگا؟
اشاعت کی تاریخ: 31st, December 2025 GMT
یہ بات سائنس فکشن جیسی لگتی ہے کہ زمین سے سینکڑوں کلومیٹر اوپر خلا میں ایک فیکٹری کام کر رہی ہو تاہم برطانیہ کے شہر کارڈف میں قائم ایک کمپنی اس خواب کو حقیقت میں بدلنے کے قریب پہنچ چکی ہے۔
یہ بھی پڑھیں: سال 2025 میں بیرونی سیاروں کی کھوج اور ناسا کے دیگر کارنامے
اسپیس فورج نامی برطانوی کمپنی نے مائیکروویو اوون کے سائز کی ایک فیکٹری خلا میں مدار میں بھیج دی ہے اور کامیابی سے یہ ثابت کیا ہے کہ اس کی بھٹی آن کی جا سکتی ہے جو تقریباً 1000 ڈگری سینٹی گریڈ تک درجہ حرارت حاصل کرتی ہے۔
کمپنی کا منصوبہ ہے کہ خلا میں سیمی کنڈکٹرز بنانے کے لیے مواد تیار کیا جائے جو بعد ازاں زمین پر الیکٹرانکس، مواصلاتی نظام، کمپیوٹنگ اور ٹرانسپورٹ میں استعمال ہو سکے گا۔
ماہرین کے مطابق خلا میں موجود حالات سیمی کنڈکٹرز کی تیاری کے لیے انتہائی موزوں ہیں کیونکہ وہاں وزن نہ ہونے کی وجہ سے ایٹمز بالکل درست ترتیب میں جڑتے ہیں جبکہ خلا کا ویکیوم ماحول آلودگی کو بھی روکتا ہے۔
کمپنی کے چیف ایگزیکٹو جوش ویسٹرن کے مطابق خلا میں تیار کیے گئے سیمی کنڈکٹرز زمین پر بننے والے سیمی کنڈکٹرز کے مقابلے میں 4 ہزار گنا زیادہ خالص ہو سکتے ہیں۔
مزید پڑھیے: خانہِ کعبہ خلا سے ہیرے کی مانند چمکتا نظر آتا ہے، ناسا کی تصویر نے دنیا کو حیران کر دیا
ان کا کہنا ہے کہ اس قسم کے سیمی کنڈکٹرز 5 جی ٹاورز، الیکٹرک گاڑیوں کے چارجرز اور جدید طیاروں میں استعمال کیے جا سکیں گے۔
اسپیس فورج کی منی فیکٹری کو گزشتہ موسم گرما میں اسپیس ایکس کے راکٹ کے ذریعے خلا میں بھیجا گیا تھا جس کے بعد سے کارڈف میں قائم مشن کنٹرول سے اس کے مختلف نظاموں کی جانچ کی جا رہی ہے۔
کمپنی کی پے لوڈ آپریشنز لیڈ ویرونیکا ویئرا کے مطابق خلا سے موصول ہونے والی بھٹی کے اندر کی تصویر، جس میں 1000 ڈگری سینٹی گریڈ پر چمکتا ہوا پلازما دکھائی دے رہا ہے، ان کی زندگی کے یادگار ترین لمحات میں سے ایک تھا۔
انہوں نے کہا کہ یہ مظاہرہ خلا میں مینوفیکچرنگ کے عمل کے لیے ایک بنیادی عنصر ہے اور اس کامیابی نے ٹیم کو مزید حوصلہ دیا ہے۔
کمپنی اب ایک بڑی خلائی فیکٹری بنانے کی منصوبہ بندی کر رہی ہے جو ایک وقت میں 10 ہزار چپس کے لیے سیمی کنڈکٹر مواد تیار کر سکے گی۔
اس کے ساتھ ساتھ اس ٹیکنالوجی کی جانچ بھی کی جائے گی کہ تیار شدہ مواد کو محفوظ طریقے سے زمین پر کیسے واپس لایا جائے۔
مستقبل کی ایک مشن میں ’پرڈوین‘ نامی ہیٹ شیلڈ استعمال کی جائے گی جسے افسانوی بادشاہ آرتھر کی ڈھال کے نام پر رکھا گیا ہے تاکہ زمین کی فضا میں واپسی کے دوران شدید درجہ حرارت سے خلائی جہاز کو محفوظ رکھا جا سکے۔
ماہرین کے مطابق خلا میں اشیا کی تیاری کا عمل اب محض تصور نہیں رہا۔
مزید پڑھیں: ’۔۔۔ ہم ہیں تیار چلو‘، ناسا نے چاند پر گاؤں اور مریخ پر قدم جمانے کا وقت بتادیا
سائنس میوزیم کی اسپیس ہیڈ لیبی جیکسن کا کہنا ہے کہ اگرچہ یہ ابھی ابتدائی مرحلہ ہے تاہم ٹیکنالوجی کے کامیاب تجربات نے اس بات کی راہ ہموار کر دی ہے کہ مستقبل میں خلا میں تیار کی جانے والی مصنوعات زمین پر انسانیت کے لیے فائدہ مند ثابت ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خلا خلا میں فیکٹری سیمی کنڈکٹر.
ذریعہ
ذریعہ: WE News
کلیدی لفظ: خلا خلا میں فیکٹری سیمی کنڈکٹر سیمی کنڈکٹرز کے مطابق خلا خلا میں کے لیے
پڑھیں:
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال WhatsAppFacebookX 0 23 July, 2026 سب نیوز
اسلام آباد(آئی پی ایس ) وزیراعظم محمد شہباز شریف سے چین کی معروف کمپنی فیمسن کے چیف ایگزیکٹو افسر جیک چین کی قیادت میں وفد نے ملاقات کی، جس میں پاکستان میں غذائی تحفظ، جدید زرعی ٹیکنالوجی اور فوڈ اسٹوریج کے منصوبوں پر تبادلہ خیال کیا گیا۔
وزیراعظم نے چینی وفد کو پاکستان آمد پر خوش آمدید کہتے ہوئے کہا کہ پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔ انہوں نے کہا کہ دونوں ممالک کے درمیان بزنس ٹو بزنس تعاون سے یہ دوستی مزید مستحکم ہوگی۔شہباز شریف نے فیمسن کی جانب سے پاکستان میں اجناس کے اسٹوریج مراکز کو جدید اسٹیٹ آف دی آرٹ مراکز میں تبدیل کرنے کے منصوبے کا خیرمقدم کرتے ہوئے کہا کہ اس سے زرعی شعبے میں جدید ٹیکنالوجی متعارف ہوگی، غذائی تحفظ میں بہتری آئے گی اور تجارتی سرگرمیوں کو فروغ ملے گا۔
وزیراعظم نے ہدایت کی کہ ان منصوبوں میں پاکستان کی افرادی قوت کی ہنرمندی اور پیشہ ورانہ تربیت کو بھی شامل کیا جائے تاکہ مقامی افرادی قوت جدید زرعی ٹیکنالوجی سے مستفید ہو سکے۔فیمسن کے چیف ایگزیکٹو جیک چین نے پرتپاک میزبانی پر وزیراعظم اور حکومت پاکستان کا شکریہ ادا کرتے ہوئے بتایا کہ وزیراعظم کے حالیہ دور چین کے دوران ہونے والی ملاقات کے نتیجے میں وہ پاکستان آئے ہیں تاکہ غذائی تحفظ سے متعلق قابلِ عمل منصوبوں کو آگے بڑھایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپراسیکیوٹر جنرل کی تعیناتی اسلام آباد بار سے ہو گی:اعظم نذیر تارڑ اگلی خبرلاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم