نیوایئر؛ کراچی ساؤتھ میں ڈبل سواری پر پابندی عائد
اشاعت کی تاریخ: 31st, December 2025 GMT
کراچی:
نئے سال کی آمد کے سلسلے میں شہر میں نوجوانوں کی جانب سے ہلڑ بازی اور ٹریفک کے نظام کو درہم برہم کرنے کے پیش نظر ڈپٹی انسپکڑ جنرل (ڈی آئی جی) پولیس ساؤتھ زون کراچی کی درخواست پر ضلع جنوبی میں ڈبل سواری اور ہوائی فائرنگ پر پابندی عائد کردی گئی۔
کمشنر کراچی کے دفتر سے جاری نوٹیفکیشن میں کہا گیا کہ ڈی آئی جی پولیس ساؤتھ زون نے آگاہ کیا کہ نئے سال 2026 کی آمد کے موقع پر جشن کے لیے شہر کے مختلف علاقوں سے نوجوانوں کی بڑی تعداد موٹرسائیکلوں اور کاروں میں سوار ہو کر ساحل سمندر میں جمع ہوں گے۔
نوٹیفکیشن میں کہا گیا کہ اس طرح کے ہجوم سے ٹریفک میں خلل اور مقامی شہریوں کو دشواری کا سامنا کرنا پڑسکتا ہے۔
مزید بتایا گیا کہ ڈی آئی ساؤتھ زون نے دفعہ 144 کے تحت اسلحے کی نمائش، ہوائی فائرنگ، فائرکریکر کا استعمال اور ڈبل سواری پر پابندی عائد کرنے کی درخواست کی تاکہ شہریوں کا تحفظ کیا جا سکے۔
کمشنر کراچی کے دفتر سے جاری بیان میں کہا گیا کہ دیکھنے میں آیا ہے کہ سال نو کے موقع بعض افراد ہوائی فائرنگ کرتے ہیں، جس کے نتیجے میں ناخوش گوار واقعات پیش آسکتے ہیں یا شہریوں کا جانی نقصان ہوسکتا ہے۔
نوٹیفکیشن میں کہا گیا کہ شہریوں کی سلامتی اور تحفظ یقینی بنانے کے لیے کراچی ڈویژن کی مقامی حدود میں نئے سال کی آمد کے موقع دفعہ 144 کے تحت اسلحے کی نمائش، ہوائی فائرنگ، فائر کریکر کے استعمال اور ڈبل سواری پر پابندی عائد کرنا ضروری ہے۔
کمشنر کراچی سید حسن نقوی نے کہا کہ اپنے اختیارات کا استعمال کرتے ہوئے سال نو 2026 کی آمد کے موقع پر اس حدود میں دو روز یعنی 31 دسمبر 2025 اور یکم جنوری 2026 کو ڈبل سواری سمیت مذکورہ تمام پابندیاں مکمل طور پر عائد کردیا ہے۔
نوٹیفکیشن میں بتایا گیا ہے کہ ڈبل سواری پر پابندی کا اطلاق خواتین، 12 سال سے کم عمر بچوں، بزرگوں، صحافیوں اور قانون نافذ کرنے والے اداروں اور رجسٹرڈ پرائیویٹ سیکیورٹی ایجنسیز کے یونیفارم میں ملبوس اہلکاروں اور مخصوص خدمات کے حامل ملازمین پر نہیں ہوگا۔
.
ذریعہ
ذریعہ: Express News
کلیدی لفظ: ڈبل سواری پر پابندی پر پابندی عائد نوٹیفکیشن میں میں کہا گیا کہ ہوائی فائرنگ کی آمد کے کے موقع
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار