انڈر 19 سہ ملکی سیریز: زمبابوے نے افغانستان کو 19 رنز سے شکست دیدی
اشاعت کی تاریخ: 1st, January 2026 GMT
انڈر 19 سہ ملکی سیریز کے چوتھے میچ میں زمبابوے نے افغانستان کو 19 رنز سے شکست دے دی۔
ہرارے میں کھیلے گئے میچ میں افغانستان کی دعوت پر پہلی بیٹنگ کرتے ہوئے زمبابوے کی ٹیم 48 ویں اوور میں 185 رنز بنا کر آؤٹ ہوئی۔
دھروو پٹیل 60 رنز بنا کر نمایاں رہے، برینڈن سینزیر 38، ٹیٹینڈا چِموگورو 23، کاین بلِگنوٹ 22، کوپک واش موراڈزی 15، شیلٹن میزویٹوریرا 6، لیروئے چیوالا 6، کپتان مائیکل بلِگنوٹ 3، بینی زوزے 2 اور نیتھنیل ہلبنگانا 1 رن بنا کر آؤٹ ہوئے۔
ویبسٹر مڈیڈی 1 کے انفرادی اسکور پر ناٹ آؤٹ رہے۔
افغانستان کی جانب سے سلام خان نے 4 جبکہ حفیظ زدران نے 3 کھلاڑیوں کو آؤٹ کیا۔ نورستانی عمرزئی اور عزیر اللہ نیازئی نے 1، 1 کھلاڑی کو آؤٹ کیا۔
186 رنز کے تعاقب میں افغانستان کی ٹیم 166 رنز ہی بنا سکی۔
کپتان محبوب خان 49 رنز بنا کر نمایاں رہے۔ عثمان سادات 35، عزیز اللہ میاخیل 16، فیصل شنوزادا 13، عزیر اللہ نیازئی 7، نافذ اللہ امیری 7، خالد احمد زئی 4، روح اللہ عرب 2، سلام خان 1 اور حفیظ زدران 1 رن بنا کر آؤٹ ہوئے۔
نورستانی عمرزئی 18 رنز بنا کر ناٹ آؤٹ رہے۔
زمبابوے کی جانب سے ویبسٹر مڈیڈی نے 3 وکٹیں حاصل کیں۔ برینڈن سینزیر اور شیلٹن میزویٹوریرا 2، 2 جبکہ دھروو پٹیل اور بینی زوزے 1، 1 کھلاڑی کو آؤٹ کیا۔
.
ذریعہ
ذریعہ: Express News
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار