مہنگائی اور ٹیکسوں نے عوام کی زندگی اجیرن کردی‘ کاشف شیخ
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر) جماعت اسلامی سندھ کے امیر کاشف سعید شیخ نے حکومت سے مطالبہ کیا ہے کہ عالمی منڈی کے مطابق پیٹرول کی قیمتوں میں کمی کرکے عوام کو نئے سال کے تحفے کے طور پر ریلیف دیا جائے۔ کمرتوڑ مہنگائی، ای چالان اور یوٹیلیٹی بلز، پیٹرول سمیت ہر چیز پر ٹیکسوں کے نفاذ نے عوام کی زندگی اجیرن کر دی ہے۔ اتنا ٹیکس دینے کے باوجود امن، تعلیم اور صحت کی سہولیات خریدی جاتی ہیں۔ دنیا کے ہر جمہوری ملک میں صحت اور تعلیم کی سہولیات مفت فراہم کی جاتی ہیں جبکہ شہریوں کے جان و مال کا تحفظ اور ہر ایک کو عدل و انصاف فراہم کرنا حکومت کا فرض سمجھا جاتا ہے۔ انہوں نے اپنے ایک بیان میں کہا کہ جب تیل کی قیمتیں بڑھ جاتی ہیں تو حکومت، ٹرانسپورٹ اور تاجرقیمتوں کو آسمان پرپہنچادیتے ہیں،لیکن جب عالمی منڈی میں کمی ہوتی ہے تو اس کا فائدہ عوام تک نہیں پہنچایا جاتا۔ اس لیے حکومت تیل کی قیمتوں میں نہ صرف کمی کرے بلکہ اس کے ثمرات عوام تک پہنچنے کے لیے بھی اقدامات کرے۔ اس وقت بھی حکومت ایک لیٹر پر سو روپے سے زائد ٹیکس وصول کر رہی ہے۔ پیٹرول کی قیمتوں میں اضافے سے ٹرانسپورٹ سمیت کھانے پینے کی اشیاکی قیمتوں میں فرق پڑتاہے۔ پہلے ہی غربت، بے روزگاری اور مہنگائی کی وجہ سے عام آدمی کا جینا بھی مشکل ہوتا جا رہا ہے۔ ایک ایسے وقت میں جب بین الاقوامی مارکیٹ میں فی بیرل پیٹرول کی قیمت میں 5 ڈالر اور ڈیزل کی قیمت میں 4 ڈالر سے زیادہ کی کمی ہوئی ہے۔ لہٰذا حکومت اپنی عیاشیاں ختم کرکے عوام کو عزت و وقار کے ساتھ جینے کا حق دے۔ عالمی منڈی کے مطابق تیل کی قیمتوں میں کمی کرکے عوام کو نئے سال کا تحفہ دیا جائے۔
ذریعہ
ذریعہ: Jasarat News
کلیدی لفظ: کی قیمتوں میں
پڑھیں:
کم از کم ماہانہ اجرت 45 ہزار مقرر کرنے کی سفارش
اسلام آباد(ڈیلی پاکستان آن لائن)پاکستان انسٹیٹیوٹ آف ڈویلپمنٹ اکنامکس (پائیڈ) نے آئندہ مالی سال کیلئے کم از کم ماہانہ اجرت 45 ہزار روپے مقرر کرنے کی سفارش کر دی۔
نجی ٹی وی چینل ہم نیوز کے مطابق پائیڈ نے کم از کم اجرت کے تعین کیلئے شواہد پر مبنی فریم ورک رپورٹ تیار کرلی، کم از کم اجرت 40 ہزار سے بڑھا کر 45 ہزار روپے کرنے کی تجویز دی گئی ہے، اس طرح تنخواہوں میں 12.5 فیصد اضافہ ممکن ہوگا۔
رپورٹ کے مطابق کم از کم ماہانہ تنخواہ میں 12.5 فیصد اضافے سے کم آمدنی والے طبقے کی قوتِ خرید بہتر ہوگی اور انہیں مہنگائی کے اثرات سے تحفظ مل سکے گا۔ پائیڈ کا کہنا ہے کہ اجرتی پالیسی کا اثر غربت، روزگار، گھریلو طلب اور مقامی معیشت پر براہِ راست پڑتا ہے، اس لیے کم از کم اجرت کا معاملہ اب صرف لیبر ڈیپارٹمنٹ تک محدود نہیں رہا۔
اے این پی نے سوشل میڈیا پر مذہبی اشتعال انگیز مہم کیخلاف این سی سی آئی اے میں درخواست جمع کرادی
رپورٹ میں بتایا گیا ہے کہ جولائی تا اپریل مالی سال 2025-26 کے دوران اوسط افراطِ زر 6.19 فیصد رہی، جبکہ اپریل 2026 میں سالانہ بنیادوں پر مہنگائی کی شرح 10.9 فیصد ریکارڈ کی گئی۔
پائیڈ نے زور دیا ہے کہ اجرتوں کو مہنگائی اور موجودہ معاشی حقائق کے مطابق بنایا جائے تاکہ سماجی استحکام، غربت میں کمی اور معاشی سرگرمیوں کے فروغ کو یقینی بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ