اسپیکر قومی اسمبلی ایاز صادق کا دورۂ بنگلہ دیش، بیگم خالدہ ضیا کے انتقال پر تعزیت اور اہم شخصیات سے ملاقاتیں
اشاعت کی تاریخ: 1st, January 2026 GMT
پاکستان کے اسپیکر قومی اسمبلی سردار ایاز صادق سابق بنگلہ دیشی وزیر اعظم اور بنگلہ دیش نیشنلسٹ پارٹی (بی این پی) کی چیئرپرسن بیگم خالدہ ضیا کے انتقال پر تعزیت کے لیے گزشتہ روز ڈھاکہ پہنچے، جہاں انہوں نے بی این پی قیادت اور بنگلہ دیش کی اعلیٰ قیادت سے ملاقاتیں کیں اور پاکستانی قیادت کی جانب سے تعزیتی پیغامات پہنچائے۔
یہ بھی پڑھیں:بھارتی وزیر خارجہ جے شنکر خود آکر مجھ سے ملے، ایاز صادق نے ملاقات کی تفصیل بتا دی
اسپیکر قومی اسمبلی سردار ایاز صادق 31 دسمبر 2025 کو ڈھاکہ پہنچے، جہاں ان کا استقبال بنگلہ دیش کی وزارتِ خارجہ کے سینیئر حکام اور پاکستان کے ہائی کمشنر نے کیا۔ دورے کا مقصد سابق وزیر اعظم بیگم خالدہ ضیا کے انتقال پر پاکستانی قیادت، پارلیمنٹ اور عوام کی جانب سے تعزیت اور یکجہتی کا اظہار کرنا تھا۔
جنازہ نماز سے قبل اسپیکر قومی اسمبلی نے پارلیمنٹ ہاؤس میں بیگم خالدہ ضیا کے صاحبزادے اور بی این پی کے قائم مقام چیئرمین طارق رحمان سے ملاقات کی۔ اس موقع پر انہوں نے صدرِ پاکستان آصف علی زرداری، وزیر اعظم محمد شہباز شریف، نائب وزیر اعظم و وزیر خارجہ محمد اسحاق ڈار، فیلڈ مارشل سید عاصم منیر، پاکستانی پارلیمنٹ اور عوام کی جانب سے گہرے رنج و غم اور تعزیت کا اظہار کیا۔
یہ بھی پڑھیں:ڈھاکہ میں غیر معمولی سفارتی لمحہ: پاکستان کے اسپیکر قومی اسمبلی ایاز صادق اور بھارتی وزیر خارجہ کی ملاقات
اسپیکر نے وزیر اعظم پاکستان محمد شہباز شریف کا تعزیتی خط بھی طارق رحمان کے حوالے کیا۔طارق رحمان نے اس مشکل گھڑی میں حکومتِ پاکستان، پارلیمنٹ اور عوام کی جانب سے اظہارِ ہمدردی اور یکجہتی پر شکریہ ادا کیا۔
اسپیکر ایاز صادق نے بیگم خالدہ ضیا کو خراجِ عقیدت پیش کرتے ہوئے کہا کہ ان کے پاکستان کے ساتھ خصوصی تعلقات تھے اور وہ دونوں ممالک کے درمیان تاریخی روابط، باہمی احترام اور دوطرفہ تعاون کے فروغ کی خواہاں تھیں۔
یہ بھی پڑھیں:خالدہ ضیا کی نماز جنازہ ادا کردی گئی، بنگلہ دیش کی سیاست کا ایک دور ختم
ملاقات میں دونوں جانب سے اس بات پر زور دیا گیا کہ بیگم خالدہ ضیا کا وژن آئندہ پاک، بنگلہ دیش تعلقات کے لیے رہنمائی فراہم کر سکتا ہے۔ بعد ازاں اسپیکر قومی اسمبلی نے بیگم خالدہ ضیا کی نمازِ جنازہ میں بھی شرکت کی۔
شام کے وقت اسپیکر قومی اسمبلی نے بنگلہ دیش کے چیف ایڈوائزر پروفیسر محمد یونس سے بھی ملاقات کی۔ انہوں نے حکومت اور عوامِ بنگلہ دیش سے دلی تعزیت کا اظہار کیا اور بیگم خالدہ ضیا کو ایک عظیم سیاسی رہنما قرار دیا، جن کی جمہوری جدوجہد اور عوامی خدمات کو دنیا بھر میں سراہا جاتا ہے۔ دونوں رہنماؤں نے خطے میں امن، ترقی اور رابطوں کے فروغ کے لیے بیگم خالدہ ضیا کے وژن کو خراجِ تحسین پیش کیا۔
چیف ایڈوائزر محمد یونس نے اس موقع پر اظہارِ یکجہتی کے لیے اسپیکر ایاز صادق کے دورے کو سراہا اور وزیر اعظم محمد شہباز شریف اور نائب وزیر اعظم اسحاق ڈار کی جانب سے موصول ہونے والے تعزیتی پیغامات پر بھی شکریہ ادا کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر قومی اسمبلی ایاز صادق بنگلہ دیش خالدہ ضیا ڈاکٹر یونس ڈھاکہ طارق رحمان.
ذریعہ
ذریعہ: WE News
کلیدی لفظ: اسپیکر قومی اسمبلی ایاز صادق بنگلہ دیش خالدہ ضیا ڈاکٹر یونس ڈھاکہ اسپیکر قومی اسمبلی بیگم خالدہ ضیا کے پاکستان کے کی جانب سے بنگلہ دیش ایاز صادق اور عوام کے لیے
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا