صدر اور وزیرِاعظم کی قوم کو نئے سال کی مبارکباد، ترقی و خوشحالی کی دعا
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
صدر مملکت آصف علی زرداری اور وزیراعظم شہباز شریف نے نئے سال کے موقع پر قوم کو مبارکباد پیش کرتے ہوئے ملک کی ترقی، استحکام اور خوشحالی کے لیے نیک خواہشات کا اظہار کیا ہے۔
دونوں رہنماؤں نے اس عزم کا اعادہ کیا کہ قومی اتحاد کے ذریعے درپیش چیلنجز پر قابو پایا جا سکتا ہے۔
صدر مملکت آصف علی زرداری نے اپنے پیغام میں کہا کہ پاکستان اگرچہ مختلف مشکلات سے دوچار ہے لیکن قوم بے بس نہیں۔ انہوں نے کہا کہ اتحاد، استقامت، تخلیقی صلاحیت اور یقین کے ساتھ تمام چیلنجز کا مقابلہ کیا جا سکتا ہے اور ہمیں بحیثیت قوم اپنی ذمہ داریوں کی تجدید کرنا ہوگی۔
صدر مملکت کا کہنا تھا کہ ملک کے نگہبان ہونے کی حیثیت سے قومی مفاد کو مقدم رکھتے ہوئے مشترکہ کاوشیں ناگزیر ہیں تاکہ پاکستان کو درپیش مسائل کا مؤثر حل نکالا جا سکے اور مستقبل کو محفوظ بنایا جا سکے۔
وزیراعظم شہباز شریف نے نئے سال کی مبارکباد دیتے ہوئے دعا کی کہ نیا سال پاکستان کے لیے خوشحالی، ترقی اور استحکام کی نوید لے کر آئے۔ انہوں نے کہا کہ پوری قوم ملک کی بہتری کے لیے متحد رہے گی۔
وزیراعظم کا کہنا تھا کہ 2025 دفاعِ وطن کے حوالے سے تاریخ میں سنہری حروف میں لکھا جائے گا اور قوم بہادر افواج کے شانہ بشانہ کھڑی ہو کر پاکستان کے دفاع کے لیے سیسہ پلائی دیوار بنی رہے گی۔
.
ذریعہ
ذریعہ: Jasarat News
کلیدی لفظ: کے لیے
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار