شمالی کوریا کا نیا ملٹی پل راکٹ سسٹم، خطے میں تشویش کی لہر
اشاعت کی تاریخ: 1st, January 2026 GMT
شمالی کوریا کے رہنما کم جونگ اُن نے ایسے نئے ملٹی پل راکٹ لانچرز تیار کرنے والی ایک فیکٹری کا دورہ کیا ہے جو جنوبی کوریا کو نشانہ بنانے کی صلاحیت رکھتے ہیں۔
سرکاری میڈیا کے مطابق کم جونگ اُن نے ان ہتھیاروں کی صلاحیتوں کی تعریف کرتے ہوئے کہا کہ یہ مرکوز حملے کے ذریعے دشمن کو نیست و نابود کرنے کی صلاحیت رکھتے ہیں۔
یہ بھی پڑھیں: 2040 تک شمالی کوریا کے جوہری ہتھیار 400 سے تجاوز کر سکتے ہیں، ماہر کی پیشگوئی
شمالی اور جنوبی کوریا تکنیکی طور پر اب بھی حالتِ جنگ میں ہیں اور ماہرین کے مطابق کسی بھی ممکنہ تنازع کی صورت میں شمالی کوریا کی وسیع توپ خانے کی طاقت اور شدید نوعیت کے حملے اس کی عسکری حکمتِ عملی کا مرکزی حصہ سمجھے جاتے ہیں۔
BREAKING: ???????? Kim Jong Un has toured a weapons factory producing 600mm KN-25 rocket systems, calling them a “strategic attack weapon” and ordering large-scale production.
With an estimated range of 380–400 km, the KN-25 once again puts the spotlight on North Korea’s growing… pic.twitter.com/7xoFXnPpHT
— War Radar (@War_Radar2) December 31, 2025
رینڈ تھنک ٹینک کی 2020 کی ایک رپورٹ میں اندازہ لگایا گیا تھا کہ اگر شمالی کوریا کا توپ خانہ جنوبی کوریا کے بڑے آبادی مراکز، خصوصاً دارالحکومت سیول، کو نشانہ بنائے تو صرف ایک گھنٹے میں 10 ہزار تک ہلاکتیں ہو سکتی ہیں۔
کم جونگ اُن کا یہ دورہ ایسے وقت سامنے آیا ہے جب ایک روز قبل پیانگ یانگ نے اعلان کیا تھا کہ اس نے دو اسٹریٹجک طویل فاصلے تک مار کرنے والے کروز میزائلوں کا تجربہ کیا ہے، جسے بیرونی خطرات کے خلاف جنگی تیاری کا مظہر قرار دیا گیا تھا۔
مزید پڑھیں: شمالی کوریا نے جزیرہ نما کوریا کے غیر جوہری بننے کے تصور کو ’خیالی پلاؤ‘ قرار دے دیا
کورین سینٹرل نیوز ایجنسی کے مطابق، میزائل پروگرام کے اعلیٰ حکام کے ہمراہ فیکٹری کا دورہ کرتے ہوئے کم جونگ اُن نے کہا کہ یہ نیا ہتھیار ان کی فوج کا اہم حملہ آور ذریعہ ہوگا۔
انہوں نے یہ بھی کہا کہ یہ نظام اسٹریٹجک حملوں میں استعمال ہو سکتا ہے، جو عموماً جوہری ہتھیاروں کے استعمال کی طرف اشارہ سمجھا جاتا ہے۔
مزید پڑھیں: شمالی کوریا کا نیا میزائل تجربہ، خطے میں کشیدگی میں اضافہ
کم جونگ اُن نے نئے ملٹی پل راکٹ سسٹم کو ایک انتہائی طاقتور ہتھیار قرار دیتے ہوئے کہا کہ یہ اچانک، درست اور انتہائی تباہ کن حملوں کے ذریعے دشمن کو ختم کرنے کی صلاحیت رکھتا ہے۔
سرکاری میڈیا کے مطابق اس نظام کو فوجی کارروائیوں کے دوران بڑی تعداد میں اور مرکوز حملوں کے لیے استعمال کیا جائے گا۔
ریاستی میڈیا کی جاری کردہ تصاویر میں کم جونگ اُن کو ایک وسیع فیکٹری میں دیوہیکل میزائل سسٹمز کے ساتھ کھڑے دکھایا گیا، جہاں دیواروں پر سرکاری نعرے اور پروپیگنڈا بھی آویزاں تھا۔
کوریائی انسٹیٹیوٹ فار ملٹری افیئرز کے سینئر محقق ہونگ سنگ پیو کے مطابق شمالی کوریا اب اپنی اسٹریٹجک فوجی صلاحیتوں میں نمایاں اضافے کی پوزیشن میں آ چکا ہے۔
ان کے مطابق جنوبی کوریا کے نقطۂ نظر سے اس کا مطلب یہ ہے کہ شمال کی جانب سے فوجی خطرات میں اضافہ ہو رہا ہے۔
مزید پڑھیں: روسی صدر پیوٹن کی جانب سے شمالی کوریا کے رہنما کی بہن کو نئے سال کا تحفہ
شمالی کوریا نے حالیہ برسوں میں میزائل تجربات میں بھی نمایاں اضافہ کیا ہے۔ تجزیہ کاروں کا کہنا ہے کہ اس کا مقصد نہ صرف حملوں کی درستگی بڑھانا ہے بلکہ امریکا اور جنوبی کوریا کو چیلنج کرنا اور ممکنہ طور پر ہتھیاروں کو روس برآمد کرنے سے قبل ان کی جانچ بھی شامل ہے۔
پیانگ یانگ میں 2026 کے اوائل میں حکمران جماعت کا ایک اہم اور تاریخی اجلاس منعقد ہونے جا رہا ہے، جو گزشتہ 5 برسوں میں اپنی نوعیت کا پہلا اجلاس ہوگا۔
ماہرین کے مطابق اس اجلاس میں معاشی پالیسی کے ساتھ ساتھ دفاعی اور عسکری منصوبہ بندی سرفہرست ایجنڈے میں شامل ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا توپ خانے جنوبی کوریا راکٹ لانچرز سیول شمالی کوریا کم جونگ ان میزائل
ذریعہ
ذریعہ: WE News
کلیدی لفظ: امریکا توپ خانے جنوبی کوریا راکٹ لانچرز سیول شمالی کوریا جنوبی کوریا شمالی کوریا کہا کہ یہ کوریا کے کے مطابق
پڑھیں:
اسٹیٹ بینک کے زرمبادلہ ذخائر میں اضافہ، مرکزی بینک کے ذخائر 17.25 ارب ڈالر سے تجاوز کر گئے
اسٹیٹ بینک آف پاکستان کے زرمبادلہ ذخائر میں گزشتہ ہفتے کے دوران اضافہ ریکارڈ کیا گیا ہے، جس کے بعد مرکزی بینک کے پاس موجود غیر ملکی زرمبادلہ کے ذخائر 17 ارب 25 کروڑ 86 لاکھ ڈالر تک پہنچ گئے ہیں۔ ماہرین نے اس پیش رفت کو ملکی مالیاتی استحکام اور بیرونی ادائیگیوں کی صلاحیت کے لیے مثبت اشارہ قرار دیا ہے۔
اسٹیٹ بینک کے ترجمان کی جانب سے جاری اعداد و شمار کے مطابق 18 جولائی کو ختم ہونے والے ہفتے کے دوران مرکزی بینک کے زرمبادلہ ذخائر میں3 کروڑ 30 لاکھ ڈالر کا اضافہ ہوا۔ ترجمان کے مطابق یہ اضافہ بیرونی ادائیگیوں کے مؤثر انتظام اور مالیاتی استحکام کے تناظر میں اہم پیش رفت ہے۔
اگرچہ اسٹیٹ بینک کے ذخائر میں اضافہ ہوا، تاہم ملک کے مجموعی زرمبادلہ ذخائر معمولی کمی کے بعد 22 ارب 66 کروڑ 96 لاکھ ڈالر کی سطح پر آ گئے ہیں۔
اعداد و شمار کے مطابق کمرشل بینکوں کے پاس موجود غیر ملکی زرمبادلہ کے ذخائر 5 ارب 41 کروڑ 10 لاکھ ڈالر ریکارڈ کیے گئے، جس کے باعث مجموعی ذخائر میں معمولی کمی دیکھنے میں آئی۔
معاشی ماہرین کا کہنا ہے کہ اسٹیٹ بینک کے ذخائر میں مسلسل اضافہ اس بات کی علامت ہے کہ پاکستان کی بیرونی ادائیگیوں کی صلاحیت بہتر ہو رہی ہے، جبکہ درآمدی بل کی ادائیگی اور روپے کے استحکام کے لیے بھی یہ مثبت پیش رفت سمجھی جا رہی ہے۔
تاہم ماہرین نے اس بات کی بھی نشاندہی کی کہ مجموعی زرمبادلہ ذخائر میں کمی ظاہر کرتی ہے کہ کمرشل بینکوں کے ذخائر میں اتار چڑھاؤ کا سلسلہ برقرار ہے، جس پر مسلسل نظر رکھنے کی ضرورت ہے۔
اقتصادی ماہرین کے مطابق اگر آنے والے ہفتوں میں ترسیلاتِ زر، بیرونی سرمایہ کاری، برآمدات اور بین الاقوامی مالی معاونت کا سلسلہ برقرار رہا تو پاکستان کے زرمبادلہ ذخائر میں مزید بہتری آنے کا امکان ہے، جس سے ملکی معیشت اور مالیاتی استحکام کو مزید تقویت مل سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار