پی ایس ایل: ملتان سلطانز کا سفر ختم، فرنچائز فروخت کے لیے پیش کی جائے گی
اشاعت کی تاریخ: 1st, January 2026 GMT
پی ایس ایل کے موجودہ ایڈیشن کے اختتام کے ساتھ ہی ملتان سلطانز کا سفر باضابطہ طور پر ختم ہو گیا ہے۔ پی سی بی اگلے ایڈیشن میں ٹیم کے انتظامات خود سنبھالے گا اور اس کے بعد فرنچائز کو فروخت کے لیے پیش کیا جائے گا۔
ذرائع کے مطابق سابقہ اونرز کی جانب سے تندوتیز بیانات اور بعد میں نوٹس پھاڑنے جیسے اقدامات کے باعث پی سی بی اور ملتان سلطانز کے درمیان معاملات کو مزید جاری رکھنا ممکن نہ رہا۔ اسی وجہ سے دیگر فرنچائزز کے برعکس ملتان سلطانز کو معاہدے کی تجدید کی پیشکش نہیں کی گئی۔
بورڈ نے معاہدہ فوری طور پر ختم کرنے کے بجائے 31 دسمبر تک انتظار کیا، اور اب فرنچائز کا کنٹریکٹ باضابطہ طور پر ختم ہو چکا ہے۔ رواں سال 11ویں ایڈیشن میں پی سی بی خود انتظامات سنبھالے گا اور نئے مالکان کے لیے ٹیم کی فروخت کا عمل شروع ہوگا۔ نئے مالکان یہ فیصلہ کریں گے کہ ٹیم کا نام “ملتان سلطانز” برقرار رکھا جائے یا نیا نام اختیار کیا جائے۔ ملکیت کے ساتھ ساتھ تمام سوشل میڈیا اکاؤنٹس اور ویب سائٹ بھی سابقہ اونرز کے کنٹرول سے نکل گئی ہیں۔
ملتان سلطانز کے موجودہ فالوورز کی تعداد قابلِ ذکر ہے: فیس بک پر 17 لاکھ، ایکس (سابقہ ٹویٹر) پر 7 لاکھ 74 ہزار، انسٹاگرام پر 5 لاکھ 76 ہزار اور ٹک ٹاک پر 5 لاکھ 6 ہزار فالوورز موجود ہیں۔ اس کے ساتھ، ملتان سلطانز دوسری بار فرنچائز کے سابقہ اونرز سے محروم ہوئی ہے۔
دلچسپ بات یہ ہے کہ علی ترین نے ایک ارب 8 کروڑ روپے سالانہ فیس والی فرنچائز چھوڑ دی، جبکہ وہ ساتویں اور آٹھویں ٹیم کی نیلامی میں بھی شریک ہیں، جس کی فیس ڈیڑھ ارب روپے سے زیادہ ہو سکتی ہے۔ حالانکہ ویلیوایشن میں فیس بڑھ گئی ہے، مگر وہ ممکنہ طور پر کم رقم میں ملتان سلطانز کو برقرار رکھ سکتے تھے۔
ذرائع کے مطابق سابقہ اونرز کو خدشہ تھا کہ انہیں نیلامی میں حصہ لینے کی اجازت نہیں دی جائے گی، تاہم چیئرمین پی سی بی محسن نقوی نے انہیں ذاتی طور پر ویلکم کیا۔ 8 جنوری کی نیلامی میں کئی بڑی پارٹیز شرکت کر رہی ہیں، جس سے فروخت کی قیمت میں اضافے کے امکانات ہیں۔
سابقہ اونرز اس موقع کو اپنی تشہیر کے لیے استعمال کر رہے ہیں۔ اس عمل کے لیے انہیں صرف 20 ہزار ڈالرز خرچ کرنے پڑیں گے، اور اگر نیلامی میں کامیاب نہ ہوئے تو 2 لاکھ ڈالرز واپس کر دیے جائیں گے۔ سالانہ 2 ارب روپے خرچ کرنا ان کے لیے ممکن نہیں رہا، تاہم بولی میں شرکت اور سوشل میڈیا پر سرگرمی سے ان کا پروفائل بہتر ہو سکتا ہے۔
ذریعہ
ذریعہ: Daily Mumtaz
کلیدی لفظ: ملتان سلطانز سابقہ اونرز نیلامی میں پی سی بی کے لیے
پڑھیں:
لاہور: محکمۂ قانون پنجاب نے بجٹ کی تاریخ تبدیل کرنے کی تجویز دے دی
—فائل فوٹوپنجاب کے محکمۂ قانون نے بجٹ کی تاریخ تبدیل کرنے کی تجویز دے دی۔
ذرائع کے مطابق محکمۂ خزانہ نے 12جون کو بجٹ پیش کرنےکی تجویز دی ہے۔
محکمۂ قانون پنجاب کا کہنا ہے کہ جمعے کو سرکاری چھٹی کی وجہ سے بجٹ پیش نہ کیا جائے اور نہ اسمبلی کا خصوصی اجلاس بلایا جائے۔
پنجاب حکومت نے غیر قانونی اسلحہ کے خاتمے کیلئے نیا قانون تیار کر لیا ہے، جس کے تحت صوبے بھر میں کریک ڈاؤن تیز کرنے اور سخت سزائیں دینے کی تجویز دی گئی ہے۔
محکمۂ قانون کا کہنا ہے کہ پنجاب اسمبلی کے معمول کے اجلاس میں زیرِ التوا بل بھی منظور ہو جائیں گے اور 3 بلز منظور کرانے ہیں اس لیے معمول کا اجلاس طلب کیا جائے۔
محکمۂ قانون پنجاب کا یہ بھی کہنا ہے کہ بجٹ کے لیے مخصوص اجلاس میں بلز منظور نہیں ہوسکتے۔
وزارت آئی ٹی نے 1.67 ارب روپے سے زاید کے فنڈز طلب کرلیے