پی ایس ایل میں بڑا موڑ: ملتان سلطانز کا سفر ختم، فرنچائز نیلامی کیلیے تیار
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان سپر لیگ میں ایک اہم اور غیر متوقع پیش رفت سامنے آئی ہے، جہاں ملتان سلطانز کا بطور فرنچائز سفر باضابطہ طور پر ختم ہو گیا ہے۔
نجی ٹی وی کی رپورٹ کے مطابق پاکستان کرکٹ بورڈ نے معاہدے کی مدت مکمل ہونے کے بعد اس فرنچائز کے ساتھ تجدید نہ کرنے کا فیصلہ کیا، جس کے نتیجے میں آئندہ ایڈیشن میں ٹیم کے معاملات براہِ راست پی سی بی سنبھالے گا۔
ذرائع کے مطابق ملتان سلطانز کے اونرز کی جانب سے حالیہ مہینوں میں سامنے آنے والے تند و تیز بیانات اور بعد ازاں بورڈ کی جانب سے جاری کیے گئے نوٹس کو نظرانداز کرنے کے عمل نے فریقین کے درمیان معاملات کو اس نہج پر پہنچا دیا جہاں واپسی کی کوئی گنجائش باقی نہ رہی۔ اسی تناظر میں دیگر فرنچائزز کے برعکس ملتان سلطانز کو معاہدے میں توسیع کی پیشکش نہیں کی گئی۔
پی سی بی نے فوری طور پر معاہدہ ختم کرنے کے بجائے 31 دسمبر تک انتظار کیا، جس کے بعد فرنچائز کا کنٹریکٹ باضابطہ طور پر ختم ہو گیا۔ اب پی ایس ایل کے 11ویں ایڈیشن میں ٹیم کے انتظامی امور براہِ راست بورڈ کے زیرِ انتظام ہوں گے، جس کے بعد فرنچائز کو دوبارہ فروخت کیا جائے گا۔
ذرائع کے حوالے سے رپورٹ میں مزید بتایا گیا ہے کہ آئندہ نیلامی میں ملتان سلطانز کا نام برقرار رکھا جائے یا نیا نام دیا جائے، اس کا حتمی فیصلہ نئے مالکان کریں گے۔
فرنچائز کی ملکیت ختم ہونے کے ساتھ ہی ملتان سلطانز کے تمام سوشل میڈیا اکاؤنٹس اور ویب سائٹ بھی سابقہ اونرز کے کنٹرول سے نکل چکے ہیں۔ اس وقت ٹیم کے فیس بک پر 17 لاکھ، ایکس پر 7 لاکھ 74 ہزار، انسٹاگرام پر 5 لاکھ 76 ہزار اور ٹک ٹاک پر 5 لاکھ 6 ہزار فالوورز موجود ہیں۔
دلچسپ بات یہ ہے کہ ایک طرف سابق اونر علی ترین نے سالانہ ایک ارب 8 کروڑ روپے فیس والی فرنچائز کو چھوڑ دیا جب کہ دوسری جانب وہ ساتویں اور آٹھویں ٹیم کی نیلامی میں شرکت کے خواہشمند ہیں، جہاں فیس ڈیڑھ ارب روپے سے تجاوز کر سکتی ہے۔
ذرائع کے مطابق سابق اونرز کو خدشہ تھا کہ انہیں نیلامی میں حصہ لینے کی اجازت نہیں دی جائے گی، تاہم چیئرمین پی سی بی محسن نقوی نے خود انہیں شرکت کی دعوت دی۔ اُدھر 8 جنوری کو ہونے والی نیلامی میں کئی بڑی کاروباری شخصیات اور کمپنیاں دلچسپی لے رہی ہیں، جس کے باعث فرنچائز کی قیمت میں نمایاں اضافے کا امکان ظاہر کیا جا رہا ہے۔
.
ذریعہ
ذریعہ: Jasarat News
کلیدی لفظ: ملتان سلطانز نیلامی میں
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار