آن لائن خریداری میں آپ نے بھی دھوکا کھایا؟ بچنے کے آسان طریقے جانیے!
اشاعت کی تاریخ: 1st, January 2026 GMT
آج کے جدید اور ڈیجیٹل دور میں آن لائن خریداری بہت عام ہے، تاہم اس کے ساتھ دھوکا دہی کے واقعات بھی بڑھتے جا رہے ہیں۔
سائبر سیکیورٹی ماہرین کا کہنا ہے کہ صارفین اگر چند بنیادی باتوں کا خیال رکھیں تو وہ زیادہ تر آن لائن فراڈ سے باآسانی بچ سکتے ہیں۔ خصوصاً پاکستان جیسے ممالک میں جہاں آن لائن مارکیٹ تیزی سے بڑھ رہی ہے، وہاں احتیاط مزید ضروری ہو جاتی ہے۔
سب سے پہلے صارفین کو ہمیشہ معتبر اور معروف ویب سائٹس کا انتخاب کرنا چاہیے۔ مشہور برانڈز کی ویب سائٹس یا مستند پلیٹ فارمز سے خریداری کا خطرہ بہت کم ہوتا ہے۔ کسی بھی نئے اسٹور سے خریداری سے پہلے اس کی ریٹنگ، ریویوز اور صارفین کے تجربات ضرور دیکھنے چاہییں۔ جعلی ویب سائٹس عموماً انتہائی کم قیمتوں یا غیر معمولی آفرز کے ذریعے صارفین کو اپنی طرف مائل کرتی ہیں، اس لیے ایسی ڈیلز پر فوراً بھروسا کرنا نقصان دہ ثابت ہو سکتا ہے۔
اسی طرح ادائیگی کرتے وقت بھی احتیاط ضروری ہے۔ ماہرین مشورہ دیتے ہیں کہ آن لائن خریداری ہمیشہ محفوظ پیمنٹ گیٹ ویز کے ذریعے کی جائے اور غیر معروف بینک ٹرانسفرز یا براہِ راست اکاؤنٹ نمبر بھیجنے سے بچا جائے۔
مزید پڑھیںجدید ٹیکنالوجی کے ہمارے طرزِ زندگی پر مثبت اور منفی اثرات
سوشل میڈیا کے نت نئے ٹرینڈز لائف اسٹائل پر کتنا اثر انداز ہوتے ہیں؟
کیش آن ڈیلیوری اگر دستیاب ہو تو اسے ترجیح دی جائے، خاص طور پر پہلی بار آرڈر کرتے وقت۔ اس کے علاوہ کریڈٹ یا ڈیبٹ کارڈ کی معلومات صرف محفوظ اور HTTPS والے پلیٹ فارمز پر درج کی جانی چاہییں۔
ان احتیاطی مشوروں کے علاوہ پروڈکٹ کی تفصیلات پڑھنا اور اصل تصاویر دیکھنا بھی بہت ضروری ہے۔ جعلی اسٹورز اکثر انٹرنیٹ سے لی گئی غیر متعلقہ تصاویر استعمال کرتے ہیں جب کہ معتبر اسٹورز اپنی مصنوعات کی اصل تصاویر اپ لوڈ کرتے ہیں۔ اگر ویب سائٹ پر واٹس ایپ نمبر دیا گیا ہو تو گفتگو کے اسکرین شاٹس محفوظ رکھنا بھی دانشمندی ہوتی ہے تاکہ کسی مسئلے کی صورت میں ثبوت موجود ہو۔
ڈلیوری کے وقت پارسل کھولنے کی اجازت نہ ملے تو اسے فوراً قبول کرنے کے بجائے ویڈیو بناتے ہوئے کھولنا بہتر ہے۔ اس طرح اگر پروڈکٹ مختلف ہو، ٹوٹی ہوئی ہو یا کم قیمت کی چیز بھیج دی گئی ہو تو آپ کے پاس ثبوت موجود رہے گا جو کمپنی یا بینک کے پاس شکایت درج کرانے میں مدد دیتا ہے۔
ماہرین اس بات پر بھی زور دیتے ہیں کہ صارفین کو اعتماد صرف ان برانڈز یا آن لائن اسٹورز پر کرنا چاہیے جو واضح ریٹرن پالیسی، کسٹمر سروس اور مکمل معلومات فراہم کرتے ہوں۔ احتیاط، تحقیق اور ذمہ دارانہ خریداری نہ صرف دھوکے سے بچاتی ہے بلکہ آن لائن شاپنگ کے تجربے کو بھی بہتر بناتی ہے۔
.
ذریعہ
ذریعہ: Express News
کلیدی لفظ: آن لائن
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار