کراچی والے ہوجائیں تیار، سردی کی شدت میں اضافے کی پیشگوئی
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
محکمۂ موسمیات نے کراچی میں سردی کی شدت میں نمایاں اضافے کی پیش گوئی کرتے ہوئے شہریوں کو آئندہ دنوں کے دوران شدید موسم کے لیے خبردار کر دیا ہے۔
ماہرین کے مطابق شہر قائد ایک بار پھر ٹھنڈی اور خشک ہواؤں کی لپیٹ میں آنے والا ہے، جس کے باعث درجۂ حرارت میں واضح کمی ریکارڈ کی جا سکتی ہے۔
محکمۂ موسمیات کے ترجمان انجم نذیر ضیغم کا کہنا ہے کہ 6 جنوری سے بلوچستان کی جانب سے سرد اور انتہائی سرد شمال مشرقی ہوائیں کراچی کا رخ کریں گی، جو سردی کی نئی لہر کو جنم دیں گی۔ ان ہواؤں کے باعث نہ صرف موسم خشک ہوگا بلکہ رات اور صبح کے اوقات میں سردی کی شدت میں غیر معمولی اضافہ متوقع ہے۔
محکمۂ موسمیات کے مطابق اس سرد لہر کے نتیجے میں کراچی کا کم سے کم درجۂ حرارت سنگل ڈیجیٹ میں ریکارڈ ہونے کا امکان ہے، جبکہ پارہ 8 ڈگری سینٹی گریڈ تک گر سکتا ہے۔ ماہرین کا کہنا ہے کہ اگر ہواؤں کی رفتار میں اضافہ ہوا تو سردی کا احساس اس سے بھی زیادہ ہو سکتا ہے۔
موسمیاتی ماہرین نے شہریوں کو احتیاطی تدابیر اختیار کرنے کا مشورہ دیتے ہوئے کہا ہے کہ خاص طور پر بچے، بزرگ اور بیمار افراد سردی سے بچاؤ کے لیے مناسب گرم لباس استعمال کریں، جبکہ رات کے اوقات میں غیر ضروری باہر نکلنے سے گریز کیا جائے۔ محکمۂ موسمیات کے مطابق آئندہ چند روز تک موسم کی صورتحال پر مسلسل نظر رکھی جا رہی ہے اور کسی بھی تبدیلی سے بروقت آگاہ کیا جائے گا۔
ذریعہ
ذریعہ: Jasarat News
کلیدی لفظ: سردی کی
پڑھیں:
سرکاری ملازمین کے سفری اور تفریقی الاؤنس میں اضافے کی منظوری، نئی شرحیں جاری
کراچی: سندھ حکومت نے سرکاری ملازمین کو مہنگائی کے اثرات سے ریلیف دینے کے لیے سفری الاؤنس اور تفریقی الاؤنس میں اضافے کی منظوری دے دی ہے۔ وزیراعلیٰ سندھ سید مراد علی شاہ کی زیر صدارت ہونے والے صوبائی کابینہ کے اجلاس میں اس فیصلے کی منظوری دی گئی، جبکہ نئی شرحوں کا اطلاق یکم جولائی 2026 سے ہوگا۔
صوبائی کابینہ نے سرکاری ملازمین کے لیے ریلیف پیکیج، صحت، تعلیم، بنیادی ڈھانچے، گورننس اور غذائی تحفظ سے متعلق متعدد اہم فیصلوں کی منظوری بھی دی۔
بی پی ایس 1 سے 16 تک ملازمین کے لیے تفریقی الاؤنس
کابینہ نے بی پی ایس 1 سے 16 تک کے ملازمین کے لیے تفریقی الاؤنس 2026 کی منظوری دی ہے۔ یہ الاؤنس منجمد بنیادی پے اسکیل 2022، جو 30 جون 2026 تک نافذ تھا، پر 2 فیصد کی شرح سے ادا کیا جائے گا۔
حکومت کے مطابق اس الاؤنس کا مقصد وہ فرق ختم کرنا ہے جو 2025 میں سندھ حکومت کی جانب سے وفاقی حکومت کے مقابلے میں زیادہ تنخواہوں میں اضافے کے باعث پیدا ہوا تھا۔
سفری الاؤنس میں 50 فیصد اضافہ
سندھ کابینہ نے تمام صوبائی سرکاری ملازمین کے سفری الاؤنس میں 50 فیصد اضافے کی بھی منظوری دی ہے۔ نئی شرحیں درج ذیل ہوں گی:
گریڈ پرانا الاؤنس نیا الاؤنس
بی پی ایس 1 تا 4 1,785 روپے 2,678 روپے
بی پی ایس 5 تا 10 1,932 روپے 2,898 روپے
بی پی ایس 11 تا 15 2,856 روپے 4,284 روپے
بی پی ایس 16 اور اس سے اوپر 5,000 روپے 7,500 روپے
معذور ملازمین کے لیے خصوصی سہولت
کابینہ نے معذور سرکاری ملازمین کے لیے خصوصی سفری الاؤنس میں بھی اضافہ کرتے ہوئے اسے 6 ہزار روپے سے بڑھا کر 10 ہزار روپے ماہانہ کرنے کی منظوری دی ہے۔ یہ رقم معمول کے سفری الاؤنس کے علاوہ ادا کی جائے گی۔
اطلاق کب سے ہوگا؟
حکومت سندھ کے مطابق سفری اور تفریقی الاؤنس سے متعلق تمام منظور شدہ فیصلوں پر یکم جولائی 2026 سے عمل درآمد ہوگا اور یہ موجودہ قواعد و ضوابط کے تحت نافذ رہیں گے۔
دوسری جانب صوبائی کابینہ نے ایگزیکٹو الاؤنس دینے کی تجویز منظور نہیں کی۔ وزیر اطلاعات نے اجلاس کے بعد میڈیا کو بریفنگ دیتے ہوئے بتایا کہ اس تجویز پر فی الحال اتفاق نہیں ہو سکا۔
سندھ حکومت کا کہنا ہے کہ ان اقدامات کا مقصد بڑھتی مہنگائی کے تناظر میں سرکاری ملازمین کو مالی ریلیف فراہم کرنا اور ان کے سفری اخراجات میں کمی لانا ہے، جبکہ آئندہ بھی ملازمین کی فلاح و بہبود کے لیے اقدامات جاری رکھے جائیں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار