جیکی چین غزہ کے بچوں کی حالت دیکھ کر جذباتی ہوگئے
اشاعت کی تاریخ: 1st, January 2026 GMT
ہانگ کانگ کے مشہور ہالی وُڈ اداکار جیکی چین نے غزہ کے معصوم بچوں کی حالت زار پر اپنی جذباتی کیفیت کا اظہار کیا اور آنکھیں نم ہو گئیں۔
حالیہ وائرل ویڈیو میں جیکی چین بتاتے ہیں کہ وہ غزہ کے ایک بچے کی بات سن کر بے اختیار رو پڑے۔ انہوں نے کہا:
حال ہی میں ایک ویڈیو دیکھی، جیسے ہی میں نے بچے کو بات کرتے ہوئے سنا، میری آنکھوں میں آنسو آ گئے۔ جب بچے سے پوچھا گیا کہ ‘تم بڑے ہو کر کیا بنو گے؟’ تو اس نے جواب دیا: ‘ہماری طرف کے بچے بڑے نہیں ہوتے۔’”
جیکی چین نے مزید کہا کہ یہ سن کر ان کے آنسو رکنے کا نام نہیں لے رہے تھے۔ انہوں نے اس بات پر زور دیا کہ غزہ کے بچے روزانہ بمباری اور خوف کے ماحول کا سامنا کر رہے ہیں، اور اس بچے کا سادہ مگر دل دہلا دینے والا جواب انسان کے دل کو ہلا دیتا ہے۔
ان کے مطابق، بچپن کا بڑا ہونا خوشی کی علامت ہے، لیکن جب کوئی بچہ یہ کہتا ہے کہ وہ کبھی بڑا نہیں ہو پائے گا، تو یہ انسان کے دل کو شدید تکلیف پہنچاتا ہے۔
یہ ویڈیو نہ صرف جیکی چین کے دل کی حساسیت کو اجاگر کرتی ہے بلکہ غزہ کے بچوں کی مشکلات کی ایک دردناک تصویر بھی پیش کرتی ہے۔
ذریعہ
ذریعہ: Daily Mumtaz
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا