دھُرندھر میں بڑی تبدیلیاں کردی گئیں، یہ سب کس کے دباؤ میں ہوا؟
اشاعت کی تاریخ: 1st, January 2026 GMT
بالی ووڈ کی فلم دھُرندھر نے عالمی باکس آفس پر شاندار کامیابی حاصل کی ہے لیکن آج فلم سازوں نے تبدیلیاں کر کے خاموشی سے اس کا نظرثانی شدہ ورژن ریلیز کر دیا ہے۔
اپنی ریکارڈ توڑ کامیابی کے باوجود، فلم کچھ تنازعات سے خالی نہیں رہی۔ جہاں عوام نے اس کی بے حد تعریف کی، وہاں کچھ لوگوں نے اسے سیاسی رنگ کے باعث پروپیگنڈہ قرار دیا۔ اب، 2026 کے آغاز میں فلم سازوں نے بلاک بسٹر کا نظرثانی شدہ ورژن ریلیز کرنے کا فیصلہ کیا ہے۔
یہ بھی پڑھیں: رنویر سنگھ کی فلم ’دھرندھر‘ سب سے زیادہ کمائی کرنے والی ہندی فلم بن گئی، کتنے ارب کمائے؟
بھارتی میڈیا رپورٹس کے مطابق ملک بھر کے سینما گھروں کو 31 دسمبر 2025 کو تقسیم کاروں کی طرف سے ایک ای میل موصول ہوئی جس میں فلم کا ڈیجیٹل سنیما پیکج (DCP) تبدیل کرنے کی ہدایت دی گئی تھی۔
ایک انڈسٹری ماخذ کے مطابق نئے ورژن میں دو الفاظ کو غیر فعال کیا گیا ہے اور ایک ڈائیلاگ میں ترمیم کی گئی ہے۔ ان میں سے ایک لفظ ’بلوچ‘ بھی شامل ہے۔ نئے ورژن کی ریلیز یکم جنوری 2026 سے ملک بھر کے سینما گھروں میں ہو رہی ہے۔
یہ بھی پڑھیں: پاکستان مخالف بھارتی فلم دھرندر کا جواب، سندھ حکومت کا ’میرا لیاری‘ فلم ریلیز کرنے کا اعلان
یہ فلم صرف 25 دنوں میں سب سے زیادہ کمائی کرنے والی ہندی فلم بن گئی ہے۔ فلم کی آمدنی 10 ارب روپے تک پہنچ گئی ہے جس نے شاہ رخ خان کی فلم ’پٹھان‘ کو بھی پیچھے چھوڑ دیا ہے۔
آدتیہ دھر کی یہ فلم 5 دسمبر کو سینما گھروں میں ریلیز کی گئی تھی، جس میں رنویر سنگھ، اکشے کھنہ، ارجن رام پال، آر مادھون، سارہ ارجن اور راکیش بیدی جیسے معروف اداکار شامل ہیں۔
فلم سازوں نے اس بات کی بھی تصدیق کر دی ہے کہ ’دھرندر‘ کا سیکوئل 19 مارچ 2026 کو سینما گھروں کی زینت بنے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکشے کھنہ بالی ووڈ بھارتی فلم دھرندر دھرندر دھُرندھر کی کمائی دھُرندھر میں تبدیلیاں رنویر سنگھ.
ذریعہ
ذریعہ: WE News
کلیدی لفظ: اکشے کھنہ بالی ووڈ بھارتی فلم دھرندر دھ رندھر کی کمائی دھ رندھر میں تبدیلیاں رنویر سنگھ سینما گھروں
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار