سال 2025ء میں پاکستان دنیا میں مرکز نگاہ بنا رہا، مرکزی کردار جنرل عاصم منیر قرار پائے، گورنر سندھ
اشاعت کی تاریخ: 1st, January 2026 GMT
اپنے بیان میں کامران ٹیسوری نے کہا کہ پوری قوم اپنی افواج کی شکر گزار ہے، جن کی قربانیوں اور خدمات نے ملک کو سربلند کیا، سازشیوں اور ملک دشمن عناصر کو شکست ہوگی اور وہ اپنے منطقی انجام تک پہنچیں گے۔ اسلام ٹائمز۔ گورنر سندھ کامران خان ٹیسوری نے 2025ء کے اختتام پر اپنے بیان میں کہا ہے کہ سال 2025ء پاکستان کے لئے عسکری، سفارتی، معاشی اور ایس آئی ایف سی بالادستی کا سال ثابت ہوا، گزشتہ سال سال کے مرکزی کردار چیف آف ڈیفنس فورسز فیلڈ مارشل عاصم منیر قرار پائے، جنہیں دنیا کے ذرائع ابلاغ نے بھی پاکستان کی کامیابیوں کا محور قرار دیا۔ گورنر سندھ کامران خان ٹیسوری نے کہا کہ سال 2025ء میں پاکستان پوری دنیا میں مرکز نگاہ بنا رہا۔ انہوں نے مزید کہا کہ سال کے اختتام پر نوجوان کرکٹ ٹیم نے بھارت کو شکست دے کر قوم کی خوشیوں کو دوبالا کر دیا۔ گورنر سندھ نے کہا کہ پاکستان نے بھارت کو ہرا کر قوم کو جو تحفہ دیا ہے، وہ ہمیشہ یاد رکھا جائے گا۔
انہوں نے کہا کہ پوری قوم اپنی افواج کی شکر گزار ہے، جن کی قربانیوں اور خدمات نے ملک کو سربلند کیا۔ گورنر کامران خان ٹیسوری نے 2026ء کے لئے دعا کرتے ہوئے کہا کہ سازشیوں اور ملک دشمن عناصر کو شکست ہوگی اور وہ اپنے منطقی انجام تک پہنچیں گے۔ انہوں نے کہا کہ 2025 کے اختتام پر وہ کراچی سمیت سندھ کی عوام کے شکر گذار ہیں، جنہوں نے گورنر ہاؤس کے ہر پروگرام میں شرکت کرکے ان کا حوصلہ بڑھایا۔ گورنر سندھ نے اعلان کیا کہ انشاء اللہ 2026ء میں اس سے بھی بڑے پروگرامز منعقد کیے جائیں گے، جن میں عوامی خدمت اور ویلفیئر کے بہترین انتظامات شامل ہوں گے۔ انہوں نے کہا کہ 2026ء میں بھی گورنر ہاؤس کے دروازے عوام کے لئے کھلے رہیں گے اور عوامی فلاح و بہبود کے اقدامات کو مزید آگے بڑھایا جائے گا۔
ذریعہ
ذریعہ: Islam Times
کلیدی لفظ: گورنر سندھ ٹیسوری نے نے کہا کہ انہوں نے
پڑھیں:
سوات اور گردونواح میں زلزلے کے شدید جھٹکے
(ویب ڈیسک)چترال، سوات، دیر، شانگلہ، بونیر اور ملاکنڈ کے نواحی علاقوں میں 5.3 شدت کے زلزلے کے جھٹکے محسوس کیے گئے۔
زلزلہ پیما مرکز کے مطابق سوات اور گردونواح میں زلزلے کے جھٹکے محسوس کیے گئے، زلزلے کے جھٹکے محسوس ہوتے ہی لوگ گھروں سے نکل آئے۔
ریکٹر اسکیل پر زلزلے کے شدت 5.3 ریکارڈ کی گئی جس کی زیر زمین گہرائی 191 کلو میٹر تھی۔
زلزلے کا مرکز افغانستان کوہ ہندوکش پہاڑی سلسلہ تھا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ