پاکستان ریلویز فریٹ سیکٹر کی شاندار کارکردگی، چھ ماہ میں 17 ارب روپے کی ریکارڈ آمدن
اشاعت کی تاریخ: 1st, January 2026 GMT
پاکستان ریلویز کے فریٹ سیکٹر نے اپنی تاریخ کی بہترین کارکردگی دکھاتے ہوئے صرف چھ ماہ کے دوران 17 ارب روپے کی ریکارڈ آمدن حاصل کر لی ہے۔
ترجمان پاکستان ریلویز کے مطابق ہڑتال جیسے چیلنجز کے باوجود نومبر اور دسمبر میں فریٹ آپریشن سے مسلسل 3 ارب روپے سے زائد ریونیو حاصل کیا گیا، جو ادارے کی مضبوط حکمتِ عملی اور بہتر انتظام کا واضح ثبوت ہے۔
وزیرِ ریلوے محمد حنیف عباسی نے اس موقع پر کہا کہ مالی سال کے اختتام تک صرف فریٹ سیکٹر سے 38 ارب روپے سے زائد آمدن متوقع ہے، جبکہ 2026 میں پاکستان ریلویز پہلی مرتبہ ایک کھرب روپے آمدن حاصل کرنے والا ادارہ بن جائے گا۔
انہوں نے مسافروں کو یقین دلایا کہ 2026 کے اختتام تک تمام ٹرینوں کو اپ گریڈ کر دیا جائے گا، تاکہ مسافروں کو محفوظ، جدید اور بہتر سفری سہولیات فراہم کی جا سکیں۔ وزیرِ ریلوے کے مطابق آنے والے برس میں ٹرینوں میں کیمرے نصب کیے جائیں گے اور پاکستان ریلویز کو مکمل طور پر ڈیجیٹائز کر دیا جائے گا۔
ریلوے پولیس کے حوالے سے بات کرتے ہوئے محمد حنیف عباسی نے کہا کہ فورس کو جدید خطوط پر تربیت دی جا چکی ہے، جس کے مثبت نتائج سامنے آ رہے ہیں۔ بغیر ٹکٹ سفر، اسمگلنگ اور چوری جیسے مسائل پر مؤثر کنٹرول حاصل کیا گیا ہے، جبکہ شفاف بھرتیوں کے ذریعے اہل اور قابل افراد کو شامل کیا گیا ہے۔
وزیرِ ریلوے نے اس عزم کا اظہار کیا کہ اصلاحات کا یہ عمل پوری رفتار سے جاری رکھا جائے گا تاکہ پاکستان ریلویز کو ایک مضبوط، محفوظ اور جدید ادارے میں تبدیل کیا جا سکے۔
ذریعہ
ذریعہ: Daily Mumtaz
کلیدی لفظ: پاکستان ریلویز ارب روپے جائے گا
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار