وزیر داخلہ نے اسلام آباد میں اسٹیٹ آف دی آرٹ کرکٹ اسٹیڈیم کا حتمی ڈیزائن طلب کرلیا
اشاعت کی تاریخ: 1st, January 2026 GMT
وفاقی وزیر داخلہ محسن نقوی نے اسلام آباد میں اسٹیٹ آف دی آرٹ کرکٹ اسٹیڈیم کا حتمی ڈیزائن طلب کر لیا۔ محسن نقوی کی زیرصدارت سی ڈی اے ہیڈکوارٹرز میں اجلاس ہوا، جس میں عوام کی فلاح و بہبود سے متعلق متعدد پروجیکٹس پر پیشرفت کا جائزہ لیا گیا۔بریفنگ میں بتایا گیا کہ اسلام آباد میں اسٹیٹ آف دی آرٹ کرکٹ اسٹیڈیم بنے گا، جس پر وزیر داخلہ نے 10 روز میں اسٹیڈیم کا حتمی ڈیزائن طلب کر لیا۔اس کے علاوہ نیشنل پارک کے لیے مخصوص ایریا مختص کرنے، اسلام آباد میں جدید طرز پر سیف سٹی پروجیکٹ کا دائرہ کار بڑھانے اور کشمیر چوک پر ٹریفک کی روانی کے لیے 'اسمارٹ انڈر پاس' کی تعمیر کا فیصلہ بھی کیا گیا۔وفاقی دارالحکومت میں فائیو اسٹار ہوٹل کی تعمیر کیلئے معروف کمپنیوں کی خدمات حاصل کرنے، سالڈویسٹ مینجمنٹ کمپنی کی خدمات کیلئے خصوصی ٹیم تشکیل دینے اور قانون نافذ کرنے والے اداروں کے ہیڈ کوارٹر کے لیے اراضی مختص کرنے کا فیصلہ کیا گیا ہے۔اجلاس میں محسن نقوی نے 10 روز میں اسمارٹ انڈر پاس کا حتمی ڈائزین اور اسلام آباد میں عرصہ دراز سے خالی کمرشل پلاٹس کی تفصیلات بھی طلب کرلی۔اس موقع پر وفاقی وزیر داخلہ کا کہنا تھا کہ اسلام آباد میں تجاوزات کے خلاف آپریشن پوری قوت سے جاری رہے گا، واگزار کرائی گئی اراضی کا مفاد عامہ کے لیے بہترین استعمال کیا جائے گا۔ادھر وفاقی دارالحکومت میں نئے کنونشن سینٹر کی تعمیر کے لیے مختلف تجاویز پر بھی غور کیا جا رہا ہے جبکہ فیڈرل کانسٹیبلری، رینجرز اور اسلام آباد ٹریفک پولیس کے ہیڈکوارٹرز کیلئے اراضی مختص کرنے کیلئے بھی مختلف تجاویز کا جائز لیا جا رہا ہے۔
.
ذریعہ
ذریعہ: Nawaiwaqt
کلیدی لفظ: اسلام آباد میں وزیر داخلہ کا حتمی کے لیے
پڑھیں:
محسن نقوی کی مستونگ کے قریب سیشن جج اور جوڈیشل مجسٹریٹ پر فائرنگ کی پرزور مذمت
سٹی 42 : وفاقی وزیرداخلہ محسن نقوی کی جانب سے مستونگ کے قریب سیشن جج عبدالحکیم کاکڑ اور جوڈیشل مجسٹریٹ طارق لاشاری پر فائرنگ کی پرزور مذمت کی گئی ہے۔
وزیرداخلہ محسن نقوی نے سیشن جج عبدالحکیم اور گن مین کے جاں بحق ہونے کے واقعہ پر اظہار افسوس کیا۔ محسن نقوی نے سوگوار خاندانوں سے دلی ہمدردی و تعزیت کا اظہار کیا۔
وفاقی وزیرداخلہ محسن نقوی کی جانب سے مرحومین کی بلندی درجات کیلئے دعا، وزیرداخلہ محسن نقوی نے زخمی جوڈیشل مجسٹریٹ طارق لاشاری اور دیگر افراد کی جلد صحت یابی کی دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محسن نقوی نے کہا کہ ایسی بزدلانہ کارروائیاں قوم کے پختہ عزم کو پست نہیں کر سکتیں۔ انہوں نے کہا کہ شہداء کے خاندانوں کے ساتھ کھڑے ہیں اور ہمیشہ ساتھ رہیں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار