26 ویں اور 27 ویں ترامیم سب کو آن بورڈ لے کر کی گئی، وفاقی وزیرقانون
اشاعت کی تاریخ: 1st, January 2026 GMT
راولپنڈی:
وفاقی وزیر قانون اعظم نذیر تارڑ نے کہا ہے کہ 26 ویں اور 27 ویں ترامیم سب کو آن بورڈ لے کر کی گئی ہیں اور جو لوگ اس پر تنقید کرتے ہوئے انہوں نے یا تو پڑھا نہیں یا پھر سمجھ نہیں پائے ہیں۔
وفاقی وزیر قانون اعظم نذیر تارڑ نے راولپنڈی ڈسٹرکٹ بار میں وکلا سے خطاب کرتے ہوئے کہا کہ وکلا کا چیمبرز کے حوالے سے جو بھی نقصان ہوا حکومت پنجاب کے ساتھ مل کر نقصان پورا کریں گے اور وکلا برادری کو کبھی اکیلا نہیں چھوڑوں گا۔
ان کا کہنا تھا کہ میں راولپنڈی بار کا شکر گزار ہوں جنہوں نے اس مسئلے کو اتنی خوش اسلوبی سے حل کیا، کچہری پراجیکٹ سے وکلا اور ڈسٹرکٹ بار کا تمام نقصان پورا کریں گے، وفاق کی طرف سے امدادی رقم بار کو مل جائے گی اور حکومت پنجاب کی طرف سے بھی بار کو امداد ملے گی۔
اعظم نذیر تارڑ نے ڈسٹرکٹ بار کو 3 کروڑ 20 لاکھ روپے دینے اور کچہری پراجیکٹ میں جن وکلا کے چیمبر گئے ان کیے لیے 5،5 لاکھ امداد کا اعلان کیا جس پر بار کے صدر سردار منظر اور سیکریٹری ملک اسد نے خیر مقدم کیا۔
وفاقی وزیر نے اپنے خطاب میں کہا کہ 26 ویں اور 27 ویں ترامیم سب کو آن بورڈ لے کر کی گئی، 27ویں ترمیم کے ثمرات جلد عوام تک پہنچنا شروع ہو جائیں گے، 26ویں اور 27 ویں ترامیم کے بعد سپریم کورٹ میں کیسز کی سماعت تیز ہوچکی ہے۔
ان کا کہنا تھا کہ 26ویں اور27ویں ترامیم پر جو تنقید کرتے ہیں انہوں نے انہیں پڑھا اور سمجھا نہیں۔
انہوں نے کہا کہ حکومت پنجاب اور ہائی کورٹ کو لڑانے کی کوششیں کامیاب نہیں ہوں گی، آئندہ ایک ہفتے میں پراپرٹی ڈسپوزیشن قانون پر بات کی جائے گی۔
ان کا کہنا تھا کہ وکلا پہلے پھر سیاسی جماعتوں سے تعلق ہوتا ہے، وزارت قانون کافرض ہے وہ وکلا اور بار کو ایک جیسا ٹریٹ کرے۔
.
ذریعہ
ذریعہ: Express News
کلیدی لفظ: ویں اور 27 ویں ترامیم بار کو
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار