محسن نقوی کی اسلام آباد میں نئے کرکٹ اسٹیڈیم کا حتمی ڈیزائن 10 روز کے اندر پیش کرنے کی ہدایت
اشاعت کی تاریخ: 1st, January 2026 GMT
وفاقی وزیر داخلہ محسن نقوی کی زیر صدارت سی ڈی اے ہیڈکوارٹرز اسلام آباد میں ایک اہم خصوصی اجلاس منعقد ہوا، جس میں وفاقی دارالحکومت میں عوامی فلاح و بہبود سے متعلق مختلف ترقیاتی منصوبوں پر پیش رفت کا تفصیلی جائزہ لیا گیا اور شہری سہولیات میں اضافے کے لیے نئے منصوبے شروع کرنے کے فیصلے کیے گئے۔
اجلاس میں کشمیر چوک پر ٹریفک کی روانی بہتر بنانے کے لیے ’اسمارٹ انڈر پاس‘ کی تعمیر کی منظوری دی گئی۔ وزیر داخلہ نے اس منصوبے کا بھی حتمی ڈیزائن 10 روز میں پیش کرنے کی ہدایت کی۔ اس کے ساتھ ساتھ اسلام آباد میں فائیو اسٹار ہوٹل کی تعمیر کے لیے معروف کمپنیوں کی خدمات حاصل کرنے اور طویل عرصے سے خالی کمرشل پلاٹس کی تفصیلات طلب کرنے کا فیصلہ کیا گیا۔
یہ بھی پڑھیے: اسلام آباد میں پہلے انٹرنیشنل کرکٹ اسٹیڈیم کی تعمیر کا حتمی فیصلہ، پی سی بی اور سی ڈی اے کا مشترکہ منصوبہ
اجلاس میں اسلام آباد میں اسٹیٹ آف دی آرٹ کرکٹ اسٹیڈیم کی تعمیر کا اصولی فیصلہ کیا گیا، جبکہ وزیر داخلہ محسن نقوی نے اسٹیڈیم کا حتمی ڈیزائن 10 روز کے اندر پیش کرنے کی ہدایت کی۔ اس کے علاوہ نیشنل پارک کے لیے مخصوص ایریا مختص کرنے اور جدید طرز کے سیف سٹی پراجیکٹ کا دائرہ کار مزید وسیع کرنے کا فیصلہ بھی کیا گیا۔
شرکاء کو بتایا گیا کہ سالڈ ویسٹ مینجمنٹ کمپنی کی خدمات حاصل کرنے کے لیے خصوصی ٹیم تشکیل دی جائے گی، جبکہ قانون نافذ کرنے والے اداروں کے ہیڈکوارٹرز کے لیے اراضی مختص کرنے پر بھی غور کیا گیا۔
وزیر داخلہ محسن نقوی نے واضح کیا کہ اسلام آباد میں تجاوزات کے خلاف آپریشن پوری قوت سے جاری رہے گا اور واگزار کرائی گئی اراضی کو مفاد عامہ کے لیے بہترین انداز میں استعمال کیا جائے گا۔
یہ بھی پڑھیے: عمران خان کرکٹ اسٹیڈیم پر 8 سال بعد بھی کام نامکمل، شائقین کا انتظار آخر کب ختم ہوگا؟
اجلاس میں وفاقی دارالحکومت میں نئے کنونشن سینٹر کی تعمیر سے متعلق مختلف تجاویز پر غور کیا گیا، جبکہ فیڈرل کانسٹیبلری، رینجرز اور اسلام آباد ٹریفک پولیس کے ہیڈکوارٹرز کے لیے اراضی مختص کرنے کے حوالے سے بھی مختلف آپشنز کا جائزہ لیا گیا۔
اجلاس کو چیئرمین سی ڈی اے محمد علی رندھاوا نے بریفنگ دی۔ اجلاس میں آئی جی اسلام آباد پولیس علی ناصر رضوی، ڈپٹی کمشنر، ایڈیشنل ڈپٹی کمشنر جنرل، سی ٹی او، ایس ایس پی آپریشنز، سی ڈی اے کے ممبران اور دیگر اعلیٰ حکام نے شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: اسلام آباد میں کرکٹ اسٹیڈیم وزیر داخلہ محسن نقوی اجلاس میں کی تعمیر سی ڈی اے کیا گیا کے لیے
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار