ڈسٹرکٹ جیل ٹھٹھہ میں اہلکاروں کا مبینہ تشدد ،قیدی جاں بحق
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
260102-05-5
ٹھٹھہ (نمائندو جسارت)ڈسٹرکٹ جیل ٹھٹھہ میں اہلکاروں کے مبینہ تشدد کے باعث ایک قیدی جاں بحق ہو گیا ہے مکلی پولیس نے جاں بحق قیدی کی لاش سول اسپتال ٹھٹھہ منتقل کرکے ضروری کاروائی کے نعش کو ورثہ کے حوالے کردیا ہے۔ تفصیلات کے مطابق ایک ماہ قبل سجاول کے رہائشی قیدی علی بخش ملاح کو ڈکیتی کے الزام میں پولیس کی جانب سے مبینہ مقابلے میں ‘‘ہاف فرائی’’ کیا گیا تھا، جس کے نتیجے میں اس کی ٹانگ میں گولی لگی تھی۔ ڈکیتی اور مبینہ پولیس مقابلے کے کیس میں ہاف فرائی ہونے کے بعد قیدی علی بخش ملاح کو ڈسٹرکٹ جیل ٹھٹھہ منتقل کیا گیا تھا، جہاں وہ مبینہ طور پر جیل پولیس کے تشدد کے باعث جاں بحق ہو گیا ہے واقعے کے بعد ورثا کو بروقت اطلاع بھی نہیں دی گئی۔ اس سلسلے میں جب میڈیا کی ٹیم تفصیل لینے کے لیے جیل پہنچی تو تین گھنٹے تک میڈیا کو جیل کے باہر رکھا گیا اور خانہ پوری کی کارروائیاں مکمل کرنے کے بعد جیل انتظامیہ نے مکلی پولیس کو طلب کرکے لاش ان کے حوالے کر دی۔مکلی پولیس نے ایمبولینس کے ذریعے جاں بحق قیدی کی لاش پوسٹ مارٹم کے لیے سول اسپتال ٹھٹھہ منتقل کر دی۔دیر سے اطلاع ملنے پر قیدی کے ورثاگاؤں سے سجاول روانہ ہو گئے۔ ورثا نے جیل انتظامیہ پر اپنے نوجوان قیدی پر تشدد کا الزام عائد کرتے ہوئے واقعے کی تحقیقات اور انصاف فراہم کرنے کا مطالبہ کیا ہے۔ذرائع کے مطابق، ڈسٹرکٹ جیل ٹھٹھہ کو کھلے ہوئے ابھی دو ماہ ہی ہوئے ہیں مگر قیدیوں پر تشدد روز کا معمول بن چکا ہے، جبکہ جیل انتظامیہ مبینہ طور پر پیسے بٹورنے کے لیے قیدیوں کو شدید تشدد کا نشانہ بناتی ہے۔ جاں بحق قیدی علی بخش ولد حسین ملاح کا تعلق سجاول کے قریب گاؤں حسین ملاح سے تھا، اور اس کے چھ بچے ہیں۔
ذریعہ
ذریعہ: Jasarat News
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی