حادثات اور فائرنگ کے واقعات میں 2 افراد جاں بحق، متعدد زخمی
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر قائد میں گزشتہ 24 گھنٹوں کے دوران حادثات اور جرائم کے واقعات میں 2 افراد جاں بحق اور متعدد زخمی ہوگئے۔ شاہ لطیف ٹاؤن میں سردی سے بچنے کے لیے آگ جلانے والا سیکیورٹی گارڈ 45 سالہ محمد سفر جھلس کر جاں بحق ہو گیا، جبکہ سپر ہائی وے جمالی پل پر تیز رفتار ٹرک کی ٹکر سے کار سوار دم توڑ گیا۔ بلال چورنگی پر ڈکیتی مزاحمت کے دوران فائرنگ سے راجہ نامی نوجوان زخمی ہوا۔ علاوہ ازیں سائٹ سپر ہائی وے پولیس نے جھگڑے کے دوران فائرنگ کرنے والے ملزم ارسلان اور سی سی ٹی وی فوٹیج کی مدد سے ملزم یونس کو زخمی حالت میں گرفتار کر لیا۔
ذریعہ
ذریعہ: Jasarat News
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار