وزیراعلیٰ خیبرپختونخواکا کراچی اور سندھ کے دورے کا اعلان(عمران خان کا پیغام لے کر آرہا ہوں، سہیل آفریدی
اشاعت کی تاریخ: 2nd, January 2026 GMT
اسٹریٹ موومنٹ کیلئے 9 جنوری کو کراچی اور سندھ والو تیاری پکڑو، تمام پارٹی کے دوستوں سے جمعہ کے دن ملاقات ہوگی، لوگو! یاد رکھو اب ہمارے لیے کوئی طارق بن زیاد یا محمد بن قاسم نہیں آئے گا
ظالم کیخلاف کھڑا ہونا ہے،اب پوری قوم کو نکلنا ہوگا ان کی گولیاں ختم ہو جائیں ہمارے سینے ختم نہ ہوں، حقیقی آزادی ہمارا مقدر ، اسٹریٹ موومنٹ کی تیاریوں کو عروج پر لے کر جائیں،میڈیا سے گفتگو
وزیراعلیٰ خیبرپختونخوا سہیل آفریدی نے سٹریٹ موومنٹ کیلئے 9 جنوری کو سندھ جانے کا اعلان کردیا۔ تفصیلات کے مطابق اپنے ایک بیان میں سہیل آفریدی نے 9 جنوری بروز جمعہ دورہ سندھ کا اعلان کرتے ہوئے کہا کہ کراچی سندھ تیار ہو؟ عمران خان کا پیغام لے کر ہم آرہے ہیں، تمام پارٹی کے دوستوں سے جمعہ کے دن ملاقات ہوگی، کراچی اور سندھ والو تیاری پکڑو۔میڈیا سے گفتگو کرتے ہوئے ان کا کہنا تھا کہ لوگو! یاد رکھو اب ہمارے لیے کوئی طارق بن زیاد یا محمد بن قاسم نہیں آئے گا، ہم نے اپنے اندر وہ والا جذبہ پیدا کرنا ہے اور ظالم کے خلاف کھڑا ہونا ہے، اگر آج ہم کھڑے نہ ہوئے تو آئندہ مزید خوفناک دور آئے گا، اب پوری قوم کو نکلنا ہوگا تاکہ ان کی گولیاں ختم ہو جائیں لیکن ہمارے سینے ختم نہ ہوں، حقیقی آزادی ہمارا مقدر ہے، پنجاب میں موبلائزیشن کا آغاز ہو چکا ہے، تمام تنظیمیں وارڈ لیول تک اپنی تنطیم سازی مکمل کریں، اسٹریٹ موومنٹ کی تیاریوں کو عروج پر لے کر جائیں۔وزیراعلیٰ خیبرپختونخواہ نے کہا کہ قائد اعظم فاٹا اور پاٹا کو 1947ء سے 2047ء تک 100 سال کے لیے نان کسٹم گاڑیوں کے لیے ٹیکس فری زون ڈکلیٔر کر کے بطور تحفہ دے گئے تھے کیونکہ قبائل نے پاکستان کا ساتھ دیا تھا جب کہ منشیات کی فصلیں 2018ء سے پہلے بھی اور بعد میں بھی ان کی سرپرستی اور نگرانی میں اگتی تھیں، بارڈر کے ذریعے تمام تر سمگلنگ ان کی نگرانی اور سرپرستی میں ہوتی ہے ، پاکستان میں امپورٹڈ سگریٹ ممنوع ہیں لیکن آج ہر دوکان سے ملتی ہے یہ سگریٹ بارڈر سے یہ سمگل کرتے ہیں، منشیات کے ایک بہت بڑے بندے کو ہم نے پکڑا ہے جس کے لیے ہمیں بڑے بڑے لیول سے کالیں آئی ہیں۔
.
ذریعہ
ذریعہ: Juraat
کلیدی لفظ: موومنٹ کی
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا