بلوچستان کی بیٹی ایمان تاجک جو محض 3 سال میں قومی ووشو اسٹار بن گئی
اشاعت کی تاریخ: 2nd, January 2026 GMT
بلوچستان کی ہونہار بیٹی ایمان تاجک نے کم عمری میں غیر معمولی صلاحیتوں کا مظاہرہ کرتے ہوئے قومی سطح پر اپنی پہچان بنا لی۔
یہ بھی پڑھیں: آمنہ شفیع، بلوچستان کے بچوں کا مستقبل سنوارنے والی باہمت خاتون
محض 3 سال کے مختصر عرصے میں ایمان تاجک نے ووشو کے میدان میں شاندار کارکردگی دکھا کر خود کو پاکستان کی ابھرتی ہوئی نیشنل ووشو اسٹار کے طور پر منوا لیا ہے۔
مختلف قومی مقابلوں میں کامیابیاں اور متعدد گولڈ میڈلز ان کی محنت، لگن اور عزم کا منہ بولتا ثبوت ہیں۔
ایمان تاجک نے ووشو جیسے مشکل اور سخت کھیل میں اپنی انتھک محنت کے ذریعے حریف کھلاڑیوں کو بارہا شکست دی۔
کوچز اور کھیلوں سے وابستہ حلقوں کے مطابق ایمان نہ صرف تکنیکی طور پر مضبوط ہیں بلکہ ذہنی طور پر بھی ایک بااعتماد اور پختہ کھلاڑی بن کر سامنے آئی ہیں جو کسی بھی اعلیٰ سطح کے مقابلے کے لیے ایک اہم وصف سمجھا جاتا ہے۔
ایمان کا روزمرہ معمول انتہائی منظم اور نظم و ضبط سے بھرپور ہے۔ وہ روزانہ 3 گھنٹے تک سخت پریکٹس کرتی ہیں جس میں ہر پنچ، ہر کِک اور ہر موو میں ان کی پیشہ ورانہ سنجیدگی نمایاں ہوتی ہے۔
مزید پڑھیے: بلوچستان میں جنرل نشستوں پر خواتین کو ٹکٹ کیوں نہیں دیے جاتے؟
ان کی ٹریننگ میں رفتار، طاقت اور تکنیک پر خصوصی توجہ دی جاتی ہے، جس نے انہیں قلیل مدت میں نمایاں مقام دلایا۔
ایمان تاجک کا کہنا ہے کہ کامیابی کا کوئی شارٹ کٹ نہیں ہوتا، مسلسل محنت اور خود پر یقین ہی اصل طاقت ہے۔
ان کا عزم ہے کہ وہ مستقبل میں بین الاقوامی مقابلوں میں پاکستان کی نمائندگی کریں اور اپنی کامیابیوں کے ذریعے نہ صرف بلوچستان بلکہ پورے ملک کا نام روشن کریں۔
کھیلوں سے وابستہ ماہرین کا کہنا ہے کہ اگر ایمان تاجک کو مناسب سرپرستی، سہولیات اور حکومتی تعاون فراہم کیا جائے تو وہ عالمی سطح پر بھی پاکستان کے لیے میڈلز جیتنے کی بھرپور صلاحیت رکھتی ہیں۔
بلوچستان جیسے پسماندہ تصور کیے جانے والے صوبے سے ایسی باصلاحیت کھلاڑی کا ابھرنا نوجوان نسل کے لیے ایک حوصلہ افزا مثال ہے۔
مزید پڑھیں: بلوچستان اسمبلی نے سرکاری آسامیوں میں خواتین کا کوٹہ 5 فیصد سے بڑھا کر 33 فیصد کرنے کی قرارداد منظور کرلی
ایمان تاجک کی کامیابی اس بات کا ثبوت ہے کہ اگر مواقع فراہم کیے جائیں تو بلوچستان کی بیٹیاں بھی کسی سے کم نہیں اور کھیلوں کے میدان میں عالمی سطح پر ملک کی نمائندگی کر سکتی ہیں۔ دیکھیے یہ ویڈیو رپورٹ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمان تاجک بلوچستان بلوچستان کی بیٹی ووشو ووشو اسٹار ایمان تاجک.
ذریعہ
ذریعہ: WE News
کلیدی لفظ: ایمان تاجک بلوچستان بلوچستان کی بیٹی ووشو بلوچستان کی ایمان تاجک کے لیے
پڑھیں:
صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش
سٹی 42:صدر مملکت ، وزیر اعظم وفاقی وزیر داخلہ اور وزیر اعلیٰ سندھ نے بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش کی
وزیراعلیٰ سندھ سید مراد علی شاہ نے بلوچستان میں 17 بھارتی حمایت یافتہ دہشتگردوں کی ہلاکت پر سیکیورٹی فورسز کو خراج تحسین پیش کرتے ہوئے کہا ملک دشمن عناصر کو سختی سے کچلا جائے گا۔سیکیورٹی فورسز کی قربانیوں کو ہمیشہ یاد رکھا جائے گا۔پوری قوم کو اپنے جوانوں پر فخر کرتی ہے۔آخری دہشتگرد کے خاتمے تک آپریشن جاری رہے گا۔وفاقی وزیرداخلہ محسن نقوی نے بلوچستان کے مختلف اضلاع میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کی ستائش کی ۔ وزیرداخلہ محسن نقوی نے 17 بھارتی سپانسرڈ دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔ محسن نقوی نے کہا سکیورٹی فورسز نے بروقت کارروائیاں کرکے بلوچستان میں بھارتی سپانسرڈ دہشتگردوں کے مذموم عزائم کو ناکام بنایا۔ 17 بھارتی سپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔ پوری قوم کو سکیورٹی فورسز کے بہادر سپوتوں پر مان ہے ۔ دہشتگردی کے خلاف قوم سکیورٹی فورسز کے شانہ بشانہ کھڑی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین پیش کیا ۔ انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سیکیورٹی فورسز کی پیشہ ورانہ صلاحیتوں اور بہادری کو سراہا۔ وزیراعظم نے بھارتی سرپرستی میں سرگرم 17 فتنتہ الھندوستان کے دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔دہشت گردی کے خلاف جنگ میں سیکیورٹی فورسز کی کامیابیاں پوری قوم کے عزم اور اتحاد کی عکاس ہیں، بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا۔پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔دہشت گردی کے ناسور کے مکمل خاتمے کے لیے حکومت سیکیورٹی فورسز اور قانون نافذ کرنے والے اداروں کے شانہ بشانہ کھڑی ہے۔پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
صدرِ مملکت آصف علی زرداری نے بلوچستان میں فتنۂ الہندوستان کے خلاف کامیاب کارروائیوں پر سیکیورٹی فورسز کو خراجِ تحسین پیش کیا ۔ صدرِ مملکت نے مستونگ، نوشکی، زہری، خضدار اور کیچ میں دہشت گردوں کے خلاف مؤثر کارروائیوں میں 17 دہشت گردوں کی ہلاکت کو سراہا ۔ صدر مملکت نے کہا ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ کیا جانا اولین ترجیح ہے۔فتنۂ ہندوستان اور اس کے سہولت کاروں کے مذموم عزائم کبھی کامیاب نہیں ہوں گے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
وزارت آئی ٹی نے 1.67 ارب روپے سے زاید کے فنڈز طلب کرلیے