عثمان خواجہ کا بین الاقوامی کرکٹ سے ریٹائرمنٹ کا اعلان، سڈنی ٹیسٹ کیریئر کا آخری باب ہوگا
اشاعت کی تاریخ: 2nd, January 2026 GMT
آسٹریلیا کے تجربہ کار بلے باز عثمان خواجہ نے اعلان کیا ہے کہ وہ ایشز سیریز کے آخری میچ کے بعد بین الاقوامی کرکٹ سے ریٹائر ہو جائیں گے۔ 39 سالہ عثمان خواجہ اپنا آخری ٹیسٹ سڈنی کرکٹ گراؤنڈ میں کھیلیں گے، وہی میدان جہاں 2011 میں ان کے ٹیسٹ کیریئر کا آغاز ہوا تھا۔ ان کا کہنا ہے کہ وہ اپنے کیریئر کا اختتام عزت اور اپنی مرضی کے مطابق کرنا چاہتے تھے، اور اس کے لیے ایس سی جی سے بہتر کوئی جگہ نہیں ہو سکتی۔
یہ بھی پڑھیں:’پچ‘ سے متعلق نامناسب تبصرہ، عثمان خواجہ کیخلاف ’کوڈ آف کنڈکٹ‘ کے تحت کارروائی کا امکان
عثمان خواجہ نے بتایا کہ وہ گزشتہ کچھ عرصے سے ریٹائرمنٹ پر غور کر رہے تھے اور ایشز سیریز شروع ہونے سے پہلے ہی انہیں احساس ہو گیا تھا کہ یہ ان کی آخری سیریز ہو سکتی ہے۔ انہوں نے اس فیصلے پر اپنی اہلیہ ریچل سے بھی تفصیلی مشاورت کی۔
عثمان خواجہ اپنے آخری ٹیسٹ میں 87 میچوں کا تجربہ، 6206 رنز اور 16 سنچریاں ساتھ لے کر میدان میں اتریں گے۔ وہ گزشتہ 4 برسوں میں آسٹریلوی ٹیم کے لیے ایک اہم ستون ثابت ہوئے، خاص طور پر ایشز، پاکستان، بھارت اور جنوبی افریقہ کے خلاف سیریز میں ان کی کارکردگی نمایاں رہی۔
A Statement from the ACA, and CEO Paul Marsh on Usman Khawaja's retirement from international cricket.
— Australian Cricketers' Association (@ACA_Players) January 2, 2026
انہوں نے واضح کیا کہ وہ ٹیم پر بوجھ بن کر نہیں رہنا چاہتے تھے اور کوچ اینڈریو میکڈونلڈ کو پہلے ہی کہہ دیا تھا کہ اگر ٹیم کو ان کی ضرورت نہ ہو تو وہ فوراً ریٹائر ہونے کو تیار ہیں۔ تاہم کوچ اور ٹیم مینجمنٹ نے انہیں ورلڈ ٹیسٹ چیمپئن شپ اور دیگر سیریز کے لیے ٹیم میں برقرار رکھا۔
عثمان خواجہ نے تصدیق کی کہ بین الاقوامی کرکٹ سے ریٹائرمنٹ کے بعد وہ بگ بیش لیگ میں برسبین ہیٹ کی نمائندگی جاری رکھیں گے اور شیفیلڈ شیلڈ میں کوئنز لینڈ کے لیے بھی کھیلنے کا ارادہ رکھتے ہیں۔
یہ بھی پڑھیں:آسٹریلوی کھلاڑی عثمان خواجہ کی بیٹیوں کے ہمراہ نماز پڑھتے ہوئے ویڈیو سوشل میڈیا پر وائرل
کرکٹ آسٹریلیا کے چیف ایگزیکٹو ٹوڈ گرینبرگ نے کہا کہ عثمان خواجہ نے میدان کے اندر اور باہر آسٹریلوی کرکٹ کے لیے گراں قدر خدمات انجام دیں اور وہ نہ صرف ایک شاندار بلے باز بلکہ ایک متاثر کن شخصیت بھی رہے ہیں۔
عثمان خواجہ کا کیریئر جدوجہد، واپسی اور تسلسل کی مثال رہا، اور اب وہ اسی میدان پر کرکٹ کو الوداع کہنے جا رہے ہیں جہاں سے ان کے خواب نے حقیقت کا روپ دھارا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
پڑھیں:
دوسرا ون ڈے: پاکستان کا آسٹریلیا کیخلاف ٹاس جیت کر فیلڈنگ کا فیصلہ
پاکستان نے تین ایک روزہ میچوں کی سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کیا ہے۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ہے۔قومی ٹیم کے کپتان شاہین آفریدی کا کہنا تھا آسٹریلیا کے خلاف پہلا ون ڈے جیتنے والی ٹیم کو ہی برقرار رکھا گیا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے