ایران میں مہنگائی کے خلاف مظاہروں میں 6 ہلاک، صدر نے طلبا اور تاجروں کے جائز مطالبات تسلیم کرلیے
اشاعت کی تاریخ: 2nd, January 2026 GMT
ایران میں مہنگائی اور معاشی بدحالی کے خلاف پھیلنے والے مظاہروں میں کم از کم 6 افراد ہلاک ہو گئے ہیں۔
ایران کی نیم سرکاری خبر رساں ایجنسی فارس کے مطابق، لورستان صوبے کے شہر آزنا میں 3 افراد ہلاک اور 17 دیگر زخمی ہو گئے۔ شہر کی گلیوں میں آگ لگنے اور فائرنگ کی آوازیں سنی گئیں جبکہ مظاہرین نے ’شرمناک! شرمناک!‘ کے نعرے لگائے۔
مزید پڑھیں: بلوچستان کی بیٹی ایمان تاجک جو محض 3 سال میں قومی ووشو اسٹار بن گئی
اس سے پہلے، فارس نے رپورٹ کیا کہ لاوردگان شہر میں 2 افراد ہلاک ہوئے، جبکہ کوہِ دشت شہر میں ایک 21 سالہ بسیج رکن مظاہروں کے دوران ہلاک ہوا۔
مظاہرے ابتدائی طور پر پرامن تھے لیکن بعد میں طلبا کی شمولیت کے بعد مختلف شہروں میں پھیل گئے۔ مظاہرین نے انتظامی عمارتوں اور بینکوں پر پتھراؤ کیا جس پر پولیس نے آنسو گیس کا استعمال کیا۔
صدر مسعود پزیشکیان نے مظاہرین کے ’جائز مطالبات‘ تسلیم کیے اور حکومت سے کہا کہ وہ اقتصادی صورتحال بہتر کرنے کے لیے فوری اقدامات کرے۔ حکومتی ترجمان فاطمہ محجریانی نے کہا کہ تاجروں اور یونینز کے نمائندوں کے ساتھ براہ راست بات چیت کی جائے گی، مگر تفصیلات فراہم نہیں کی گئیں۔
مزید پڑھیں: یورپ کا غیرقانونی سفر مزید 2 جانیں نگل گیا، ایران ترکیہ سرحد پر جاں بحق شہریوں کی لاشیں پاکستان پہنچ گئیں
دوسری جانب، پراسیکیوٹر جنرل نے خبردار کیا کہ اقتصادی مظاہروں کو انتشار یا عوامی املاک کو نقصان پہنچانے کے لیے استعمال کرنے کی کوشش کی گئی تو اس کا قانونی، مناسب اور فیصلہ کن جواب دیا جائے گا۔
ایران کی معیشت پر 40 فیصد مہنگائی اور مغربی پابندیوں کے اثرات شدید ہیں، جبکہ گزشتہ جون میں اسرائیل اور امریکا کے ہوائی حملوں نے ملک کے جوہری اور فوجی ڈھانچے کو نشانہ بنایا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران صدر مسعود پزیشکیان مظاہرے ہلاکتیں.
ذریعہ
ذریعہ: WE News
کلیدی لفظ: ایران صدر مسعود پزیشکیان مظاہرے ہلاکتیں
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار