ڈسپلن کی خلاف ورزی پر پی ایچ ایف کا منیجر انجم سعیدکو آسٹریلیا نہ بھیجنےکا فیصلہ
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان ہاکی فیڈریشن (پی ایچ ایف) نے ٹیم منیجر انجم سعید کو آسٹریلیا کے دورے پر نہ بھیجنے کا فیصلہ کر لیا ہے، جبکہ ہیڈ کوچ طاہر زمان کو کیمپ کمانڈنٹ مقرر کیا گیا ہے۔
ذرائع کے مطابق ڈسپلن کی خلاف ورزی کے معاملے پر پی ایچ ایف نے یہ فیصلہ کیا ہے۔ دورۂ آسٹریلیا کے دوران پاکستان ہاکی ٹیم کی منیجر کی ذمہ داریاں بھی ہیڈ کوچ طاہر زمان ہی انجام دیں گے، جبکہ وہ کیمپ کمانڈنٹ کے فرائض بھی سرانجام دیں گے۔ انجم سعید ٹیم سیٹ اپ کا حصہ تو رہیں گے، تاہم آسٹریلیا کے دورے میں شامل نہیں ہوں گے۔
ذرائع کا کہنا ہے کہ پرو ہاکی لیگ کے پہلے مرحلے کے بعد ارجنٹائن سے واپسی کے دوران انجم سعید پر جہاز میں سگریٹ نوشی کا الزام لگا تھا، اور وہ ٹیم کے ساتھ وطن واپس نہیں آئے تھے بلکہ مبینہ طور پر انہیں برازیل میں روک لیا گیا تھا۔
تاہم انجم سعید نے جہاز میں سگریٹ نوشی کے الزام کی تردید کی تھی۔
واضح رہے کہ پرو ہاکی لیگ کا دوسرا مرحلہ 10 سے 15 فروری تک ہوبارٹ، آسٹریلیا میں منعقد ہوگا، جہاں میزبان آسٹریلیا، پاکستان اور جرمنی کی ٹیمیں ایک دوسرے کے مدمقابل ہوں گی۔
ذریعہ
ذریعہ: Jasarat News
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار