عثمان خواجہ کا ٹیسٹ کرکٹ سے ریٹائرمنٹ کا اعلان
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
آسٹریلیا کے ٹیسٹ کرکٹر عثمان خواجہ نے ٹیسٹ فارمیٹ سے ریٹائرمنٹ کا اعلان کر دیا ہے۔
تفصیلات کے مطابق آسٹریلیا کے مایہ ناز بلے باز عثمان خواجہ نے ٹیسٹ کرکٹ کو خیرباد کہنے کا اعلان کر دیا ہے، جس کے ساتھ ہی ان کے شاندار اور طویل ٹیسٹ کیریئر کا اختتام ہونے جا رہا ہے، عثمان خواجہ آج ایشز سیریز کے پانچویں اور آخری ٹیسٹ میچ کے بعد ریٹائرمنٹ لے لیں گے، یوں وہ سفید لباس میں آسٹریلیا کی نمائندگی کا سفر مکمل کریں گے۔
ریٹائرمنٹ کے اعلان پر اظہارِ خیال کرتے ہوئے عثمان خواجہ نے کہا کہ ان کے دل میں سب سے نمایاں احساس قناعت کا ہے۔ ان کا کہنا تھا کہ آسٹریلیا کی جانب سے طویل عرصے تک کھیلنا ان کے لیے اعزاز کی بات ہے اور وہ خود کو خوش قسمت سمجھتے ہیں۔ انہوں نے امید ظاہر کی کہ ان کی کرکٹ اور شخصیت نے لوگوں کو کسی نہ کسی طرح متاثر ضرور کیا ہوگا۔
کرکٹ آسٹریلیا کے چیف ایگزیکٹو آفیسر ٹوڈ گرین برگ نے عثمان خواجہ کے کیریئر کو خراجِ تحسین پیش کرتے ہوئے کہا کہ انہوں نے آسٹریلوی کرکٹ میں اپنی غیر معمولی کارکردگی سے نمایاں کردار ادا کیا، ٍعثمان خواجہ نے نہ صرف میدان میں بلکہ عثمان خواجہ فاؤنڈیشن کے ذریعے بھی ایک مثبت اور دیرپا تاثر قائم کیا۔
ٹوڈ گرین برگ نے انہیں آسٹریلیا کے اسٹائلش، باوقار اور شاندار بیٹرز میں سے ایک قرار دیا، جن کی خدمات کو طویل عرصے تک یاد رکھا جائے گا۔
اعداد و شمار پر نظر ڈالیں تو عثمان خواجہ نے 87 ٹیسٹ میچز میں 6 ہزار 206 رنز اسکور کیے، جن میں 16 شاندار سنچریاں اور 28 نصف سنچریاں شامل ہیں۔ ان کی بیٹنگ میں تسلسل، تکنیک اور دباؤ میں کارکردگی نے انہیں آسٹریلوی ٹیسٹ ٹیم کا ایک قابلِ اعتماد ستون بنائے رکھا، خاص طور پر ایشیائی کنڈیشنز میں ان کی پرفارمنس کو غیر معمولی اہمیت حاصل رہی۔
عثمان خواجہ نے 2011 میں ٹیسٹ کرکٹ میں ڈیبیو کیا اور وہ آسٹریلیا کی جانب سے ٹیسٹ کھیلنے والے پہلے پاکستان میں پیدا ہونے والے اور پہلے مسلمان کرکٹر ہیں۔ ان کی یہ شناخت نہ صرف آسٹریلوی کرکٹ بلکہ عالمی کھیل کے منظرنامے میں بھی ایک منفرد مقام رکھتی ہے۔
سال 2023 ان کے کیریئر کا یادگار سال ثابت ہوا، جب انہیں آئی سی سی ٹیسٹ کرکٹر آف دی ایئر اور شین وارن ٹیسٹ کرکٹر آف دی ایئر کے اعزازات سے نوازا گیا۔ اسی برس وہ آئی سی سی ٹیسٹ چیمپئن شپ جیتنے والی آسٹریلوی ٹیم کا بھی اہم حصہ رہے۔
واضح رہے کہ عثمان خواجہ اب تک 87 ٹیسٹ، 40 ون ڈے اور 9 ٹی ٹوئنٹی میچز میں آسٹریلیا کی نمائندگی کر چکے ہیں، جبکہ ایشیز سیریز کا آخری ٹیسٹ 4 جنوری سے سڈنی کرکٹ گراؤنڈ میں کھیلا جائے گا۔
ذریعہ
ذریعہ: Jasarat News
کلیدی لفظ: عثمان خواجہ نے آسٹریلیا کی ٹیسٹ کرکٹ
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے