شہرِ قائد میں 2 ماہ کیلئے بڑی پابندی عائد
اشاعت کی تاریخ: 2nd, January 2026 GMT
سٹی 42 : شہرِ قائد میں سڑکوں اور فٹ پاتھ کی کٹائی پر 2 ماہ کےلئے پابندی عائد کردی گئی ہے، جس کا اطلاق یوٹیلیٹی سروس اداروں، افراد،تمام ترقیاتی منصوبوں پر ہوگا۔
کراچی میں غیر قانونی سڑک اور فٹ پاتھ کھدائی روکنے کے لیے دو ماہ کی پابندی عائد کر دی گئی ہے۔ اس حوالے سے کراچی کے کمشنر حسن نقوی نے نوٹیفکیشن جاری کردیا ، جس کے مطابق پابندی 2 مارچ تک برقرار رہے گی۔
نوٹیفکیشن کے مطابق پابندی کا اطلاق تمام یوٹیلیٹی سروس فراہم کنندگان، افراد اور ترقیاتی منصوبوں پر ہوگا، تاہم مقامی حکومت کے کام اور وہ کھدائی جس کے لیے سندھ حکومت کی رسمی اجازت اور ٹریفک پولیس کی جانب سے مقرر کردہ رہنما اصولوں پر عمل ہو، مستثنیٰ ہوگی۔
ذوالفقار علی بھٹو کی سالگرہ سندھ بھر میں منانے کا اعلان
کراچی میں پابندی کے نفاذ کیلئے سیکشن 144 نافذ کر دیا گیا ہے، نوٹیفکیشن میں واضح کیا گیا ہے کہ خلاف ورزی کرنے والوں کے خلاف قانونی کارروائی کی جائے گی اور مجرمانہ مقدمات درج کیے جائیں گے۔
.
ذریعہ
ذریعہ: City 42
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار