سی سی پی کا بڑا فیصلہ: اسٹنگ کی نقل پر میزان بیوریجز پر 15 کروڑ روپے جرمانہ
اشاعت کی تاریخ: 2nd, January 2026 GMT
مسابقتی کمیشن یعنی سی سی پی نے گمراہ کن مارکیٹنگ میں ملوث پائے جانے پر میزان بیوریجز (پرائیویٹ) لمیٹڈ پر 15 کروڑ روپے جرمانہ عائد کر دیا ہے۔
کمیشن کے مطابق میزان کی جانب سے تیار کردہ ’اسٹورم‘ انرجی ڈرنک کی پیکجنگ اور مجموعی تجارتی انداز پیپسی کی ’اسٹنگ‘ انرجی ڈرنک سے اس حد تک مماثلت رکھتا ہے کہ صارفین کے لیے خریداری کے وقت دھوکا کھانے کا واضح خدشہ پیدا ہو جاتا ہے، جو مسابقتی ایکٹ 2010 کے سیکشن 10 کی خلاف ورزی ہے۔
جمعے کو جاری کیے گئے اعلامیے میں کمیشن نے قرار دیا کہ ’اسٹورم‘ انرجی ڈرنک نے ’اسٹنگ‘ کے مجموعی انداز، رنگوں کی اسکیم، بوتل کے ڈیزائن اور برانڈنگ عناصر کی نقالی کی، جس سے مارکیٹ میں صارفین کے ذہن میں کنفیوژن پیدا ہونے کا امکان بڑھ گیا۔
فیصلے میں کہا گیا کہ یہ طرزِ عمل ’پیراسائٹک کاپیئنگ‘ کے زمرے میں آتا ہے اور پاکستانی مسابقتی قوانین کے تحت ممنوع گمراہ کن مارکیٹنگ کے مترادف ہے۔
سی سی پی کے مطابق اس کیس کی ابتدا 2018 میں اس وقت ہوئی جب پیپسی کو انکارپوریٹڈ نے شکایت دائر کی کہ میزان کی ’اسٹورم‘ انرجی ڈرنک کو جان بوجھ کر ’اسٹنگ‘ کی نقل پر تیار کیا گیا ہے تاکہ پیپسی کو کی ساکھ اور مارکیٹ میں قائم شہرت سے ناجائز فائدہ اٹھایا جا سکے۔
کمیشن کا کہنا ہے کہ میزان نے شکایت کے جواب میں اصل نکات پر مؤقف اختیار کرنے کے بجائے کمیشن کے دائرہ اختیار کو چیلنج کیا اور طویل قانونی کارروائی کے ذریعے تحقیقات میں تاخیر کی۔
میزان بیوریجز نے 2018 اور پھر 2021 میں لاہور ہائیکورٹ سے حکمِ امتناع حاصل کیا، جس کے باعث کئی برس تک تحقیقات تعطل کا شکار رہیں۔
تاہم جون 2024 میں لاہور ہائیکورٹ نے میزان کی درخواست خارج کرتے ہوئے سی سی پی کے اختیار کو برقرار رکھا اور واضح کیا کہ شوکاز نوٹس کے ابتدائی مرحلے پر چیلنج قابلِ سماعت نہیں ہوتا۔
عدالت نے یہ بھی قرار دیا کہ مسابقتی ایکٹ کے تحت کارروائی ٹریڈ مارک قوانین سے الگ نوعیت کی ہوتی ہے اور مشاہدہ کیا کہ میزان نے عدالتی کارروائی کو ضابطہ جاتی عمل میں تاخیر کے لیے استعمال کیا۔
کمیشن نے اپنے تفصیلی فیصلے میں کہا کہ میزان کی ’اسٹورم‘ انرجی ڈرنک میں سرخ رنگ پر مشتمل غالب رنگوں کی اسکیم، نمایاں اور ترچھی سفید تحریر، جارحانہ بصری انداز، اور تقریباً یکساں بوتل کی ساخت اختیار کی گئی، جو ایک عام صارف کو گمراہ کرنے کی صلاحیت رکھتی ہے۔
سی سی پی نے اس امر پر زور دیا کہ دھوکے کا تعین باریک فرق تلاش کرنے کے بجائے مجموعی تجارتی تاثر کی بنیاد پر کیا جاتا ہے۔
کمیشن نے مزید واضح کیا کہ اگرچہ میزان کے پاس ’اسٹورم‘ کے نام سے رجسٹرڈ ٹریڈ مارک موجود ہے۔
تاہم یہ رجسٹریشن مسابقتی قوانین کے تحت ذمہ داری سے بری ہونے کا ذریعہ نہیں بن سکتی، خاص طور پر ایسی صورت میں جب صارفین کو دھوکا دینے اور کسی دوسرے برانڈ کی نقالی کے شواہد سامنے آ جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: میزان کی کہ میزان سی سی پی
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار