ریاست کسی افراتفری کی متحمل نہیں ہوسکتی، وزیراعظم آزادکشمیر
اشاعت کی تاریخ: 2nd, January 2026 GMT
اسلام آباد(نیوزڈیسک) وزیراعظم آزادکشمیر فیصل ممتاز راٹھور کا کہنا ہے کہ ریاست کسی افراتفری کی متحمل نہیں ہوسکتی، حکومت نے عوامی مفاد کے فیصلوں میں تاخیر نہیں کی۔
مظفرآباد میں پریس کانفرنس کے دوران وزیراعظم آزادکشمیر فیصل ممتاز راٹھور نے کہا کہ عوامی ایکشن کمیٹی سے معاہدے کی تمام شقوں پر عمل کررہے ہیں، 3 ماہ کے بجائے سوا ماہ کے دوران ہی بیشتر نکات پر عمل کردیا۔ معاہدے کے 38نکات میں سے 98فیصد پر عمل مکمل کرچکے۔
فیصل ممتاز راٹھور نے کہا کہ بڑے سے بڑا مسئلہ بات چیت سے حل کیا جاسکتا ہے، ریاست کی بہتری کیلئے سب کو مل کر کام کرنا ہوگا، گزشتہ حکومت میں عوام اور قیادت میں دوریاں تھیں، موجوہ حکومت نےعوام اور قیادت کے درمیان رابطے بحال کیے۔
.
ذریعہ
ذریعہ: Daily Mumtaz
پڑھیں:
محسن نقوی سے فیصل کریم کنڈی کی ملاقات، سکیورٹی چیلنجز سے آگاہ کیا
اسلام آباد میں وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔ اسلام ٹائمز۔ وفاقی وزیر داخلہ سے گورنر خیبر پختونخوا فیصل کریم کنڈی کی ملاقات ہوئی۔ دونوں راہنماؤں کے درمیاں ملاقات میں خیبر پختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیا گیا۔ ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا، گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا۔ وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔
محسن نقوی نے کہا کہ خیبر پختونخوا میں قیام امن کیلئے سکیورٹی فورسز کی قربانیاں ناقابل فراموش ہیں، وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔ اس موقع پر وفاقی وزیر داخلہ محسن نقوی نے صوبہ خیبر پختونخوا میں امن و استحکام کے لیے ہر ممکن تعاون کی یقین دہانی کرائی۔
وزارت آئی ٹی نے 1.67 ارب روپے سے زاید کے فنڈز طلب کرلیے