کراچی میں مین ہول سے 4لاشیں برآمد
اشاعت کی تاریخ: 3rd, January 2026 GMT
data-id="863a0a8" data-element_type="widget" data-widget_type="theme-post-content.default">
260103-06-8
کراچی( اسٹاف رپورٹر )ڈاکس تھانے کی حدود مائی کلاچی روڈ پھاٹک کے قریب ایک مین ہول سے 4لاشیںبرآمد ہونے کے واقعے نے علاقے میں خوف و ہراس پھیلا دیا۔ پولیس کے مطابق برآمد ہونے والی لاشوں میں2و خواتین، ایک مرد اور ایک کم عمر لڑکا شامل ہیں۔اطلاع ملنے پر ایدھی فاؤنڈیشن کے رضاکار فوری طور پر موقع پر پہنچے اور مین ہول سے
لاشیں نکال کر پولیس کے حوالے کیں۔ پولیس نے لاشوں کو ضابطے کی کارروائی کے لیے قریبی اسپتال منتقل کر دیا، جہاں ان کی شناخت کا عمل جاری ہے۔پولیس حکام کے مطابق ابتدائی تفتیش میں واقعہ مشتبہ قرار دیا جا رہا ہے، تاہم موت کی اصل وجوہات جاننے کے لیے پوسٹ مارٹم رپورٹ کا انتظار کیا جا رہا ہے۔ ڈی آئی جی ساوتھ اسد رضا کا کہنا ہے کہ 2 مرد اور دو خواتین کی لاشیں 10 سے پندرہ روز پرانی ہیں۔ پولیس کا کہنا ہے کہ یہ جانچ بھی کی جا رہی ہے کہ آیا تمام افراد کی ہلاکت ایک ہی وقت میں ہوئی یا مختلف اوقات میں لاشیں مین ہول میں پھینکی گئیں۔ تحقیقات کے دوران علاقے میں نصب سی سی ٹی وی کیمروں کی فوٹیجز حاصل کی جا رہی ہیں، جبکہ لاپتا افراد کی رپورٹس سے بھی ڈیٹا کا موازنہ کیا جا رہا ہے۔ پولیس نے واقعے کی تفتیش کا دائرہ وسیع کرتے ہوئے قتل، حادثے یا کسی اور ممکنہ پہلو کو مدِنظر رکھ کر تحقیقات شروع کر دی ہیں۔پولیس حکام کا کہنا ہے کہ شواہد اکٹھے کیے جا رہے ہیں اور تفتیش مکمل ہونے کے بعد واقعے کی اصل وجوہات سامنے لائی جائیں گی۔
ذریعہ
ذریعہ: Jasarat News
کلیدی لفظ: مین ہول
پڑھیں:
دعا ہے فیلڈ مارشل امن کی کوششوں میں کامیاب ہوجائیں، بلاول بھٹو زرداری
گلگت:پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں، امن کی کوششوں کا کامیاب ہونا ضروری ہے۔
گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔
ان کا کہنا تھا کہ ملک بھر میں کوئی سیاست دان نہیں جس نے میری طرح ملک بھر کے دورے کیے ہوں، میں گلگت بلتستان کی ہر تحصیل میں پہنچا ہوں، گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔
ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔
بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔
ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔
بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے، قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔
انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
وزارت آئی ٹی نے 1.67 ارب روپے سے زاید کے فنڈز طلب کرلیے