کراچی: مین ہول سے ملنے والی چاروں لاشوں کا پوسٹمارٹم کرلیا گیا
اشاعت کی تاریخ: 3rd, January 2026 GMT
سلمان سلیم: کراچی کے علاقے مائی کلاچی پھاٹک کے قریب سے ملنے والی چاروں لاشوں کا ابتدائی پوسٹ مارٹم کرلیا گیا، پولیس ذرائع کے مطابق لاشوں پر تشدد کے نشانات موجود ہیں۔
پولیس ذرائع کے مطابق لاشوں پر بھاری چیز لگنے کے بھی نشانات موجود ہیں، چاروں لاشوں کی شناخت تاحال نہیں ہو سکی۔
مرنے والوں میں ایک بزرگ خاتون بھی شامل ہیں، چاروں لاشوں کو چھپانے کے لئے خشک مین ہول میں لاشوں کے اوپر کمبل ڈالا گیا تھا۔
لاہور سمیت پنجاب کے مختلف علاقوں میں شدید دھند، الرٹ جاری
پولیس حکام کا کہنا تھا کہ کمبل کے اوپر بڑے پتھر موجود تھے، ابتدائی پوسٹ مارٹم کے بعد چاروں لاشیں ایدھی سرد خانے منتقل کردی گئیں ہیں۔
ذریعہ
ذریعہ: City 42
کلیدی لفظ: چاروں لاشوں
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا