نیپال میں لینڈنگ کے دوران طیارہ رن وے سے پھسل گیا، 55 مسافر محفوظ
اشاعت کی تاریخ: 3rd, January 2026 GMT
نیپال کے شہر بھدرپور میں لینڈنگ کے دوران ایک مسافر طیارہ رن وے سے آگے نکل گیا، تاہم خوش قسمتی سے طیارے میں سوار تمام 55 افراد محفوظ رہے اور کوئی جانی نقصان نہیں ہوا۔
یہ بھی پڑھیں:’جین زی‘ کے احتجاج نے نیپال کی معیشت کو بٹھا دیا، 586 ملین ڈالرز کا نقصان
بُدھا ایئر کی جانب سے جاری بیان کے مطابق اے ٹی آر 72-500 طرز کا ٹربوپروپ طیارہ آج کھٹمنڈو سے بھدرپور پہنچا تھا۔ لینڈنگ کے دوران طیارہ رن وے سے تقریباً 200 میٹر آگے ایک نالے کے قریب جا رکا، جس کے باعث اسے معمولی نقصان پہنچا۔
Big News: ਸਵਾਰੀਆਂ ਨਾਲ ਭਰੇ ਹਵਾਈ ਜਹਾਜ਼ ਨਾਲ ਲੈਂਡਿੰਗ ਵੇਲੇ ਹੋ ਗਿਆ ਹਾ/ਦ/ਸਾ, ਅੱਧੀ ਰਾਤ ਨੂੰ ਮੱਚ ਗਿਆ ਚੀਕ ਚਿਹਾੜਾ !#airport #aeroplane #pessangers #PunjabiNews #LatestNews #DailypostTV pic.
— DailyPost TV (@DailyPostPhh) January 3, 2026
طیارے میں 51 مسافر اور 4 عملے کے ارکان سوار تھے، اور تمام افراد محفوظ رہے۔ ایئرلائن کے مطابق واقعے کے بعد کھٹمنڈو سے تکنیکی اور امدادی ٹیمیں بھدرپور روانہ کر دی گئی ہیں۔
فلائٹ ٹریکنگ ڈیٹا کے مطابق اس پرواز کا نمبر 9N-AMF تھا۔ حکام کا کہنا ہے کہ واقعے کی تحقیقات کی جا رہی ہیں تاکہ اصل وجہ معلوم کی جا سکے۔
واضح رہے کہ نیپال میں فضائی حفاظت پر ماضی میں بھی سوالات اٹھتے رہے ہیں۔ جنوری 2023 میں پوکھرا میں یتی ایئرلائن کا اے ٹی آر 72 طیارہ لینڈنگ کے دوران حادثے کا شکار ہوا تھا، جس میں تمام 72 افراد جاں بحق ہو گئے تھے، جبکہ جولائی 2024 میں بھی ایک اور فضائی حادثہ پیش آ چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جہاز پھسل گیا رن وے فضائی حادثہ نیپال
ذریعہ
ذریعہ: WE News
کلیدی لفظ: جہاز پھسل گیا رن وے نیپال لینڈنگ کے دوران
پڑھیں:
رواں مالی سال کے دوران زرعی شعبے کی شرح نمو 2.9 فیصد، رقبہ کم ہونے کے باوجود پیداوار بہتر رہی
رواں مالی سال26-2025 کے دوران زرعی شعبے کی شرح نمو 2.9 فیصد رہی اور قابل کاشت رقبہ 3.6 فیصد کم ہونے کے باوجود پیداوار بہتر رہی اور اہم فصلوں کی مجموعی پیداوار میں 0.6 فیصد اضافہ ہوا ہے۔
قومی اقتصادی سروے 26-2025 کے اہم نکات کے مطابق گندم کاشت رقبہ 4.4 فیصد اور پیداوار4.3 فیصد بڑھ کر 2 کروڑ 96 لاکھ ٹن رہی۔
مالی سال 26-2025 کے دوران چاول کی پیداوار میں 2.8 فیصد اضافہ ہوگیا، گنے کی پیداوار میں 6.2 فیصد اضافہ ہوا اور مجموعی پیداوار8 کروڑ 94 لاکھ ٹن ریکارڈ کی گئی۔
رپورٹ کے مطابق مکئی کی پیداوار میں 2.7 فیصد کمی آئی تاہم کاشت کا رقبہ گزشتہ سال کے برابر رہا، کپاس کی پیداوار میں بھی 0.5 فیصد کمی رہی اور کاشت کا رقبہ بھی 1.5 فیصد کم ہوگیا۔
دیگر فصلوں میں 2.4 فیصد نمواور پیداوار میں ریکارڈ 50.4 فیصد اضافہ ہوگیا، آلو کی پیداوار 27.6 فیصد، آم 11.6 فیصد اور کیلے کی پیداوار 30.8 فیصد بڑھ گئی۔
اسی طرح ہلدی کی پیداوار میں 25.1 فیصد مرچوں کی پیداوار میں 9.2 فیصد، کاٹن جننگ اور متفرق زرعی شعبوں کی شرح نمو صرف 0.1 فیصد رہی اور لائیو اسٹاک شعبے کی شرح نمو 3.8 فیصد رہی۔
وزارت آئی ٹی نے 1.67 ارب روپے سے زاید کے فنڈز طلب کرلیے