وزیراعظم کی آزاد کشمیر میں ہیلتھ کارڈ سہولت کے آغاز کی ہدایت
اشاعت کی تاریخ: 3rd, January 2026 GMT
ویب دیسک: آزاد جموں و کشمیر کے وزیرِاعظم فیصل ممتاز راٹھور نے متعلقہ حکام کو ہدایت کی ہے کہ پورے خطے میں ہیلتھ کارڈ کی سہولت فوری طور پر فعال کی جائے تاکہ عوام کو صحت کی معیاری سہولیات تک بروقت رسائی حاصل ہو سکے۔
مظفرآباد میں ایک اعلیٰ سطحی اجلاس کی صدارت کرتے ہوئے وزیرِاعظم نے ہیلتھ کارڈ منصوبے کو عوامی فلاح کا ایک اہم اقدام قرار دیا۔ انہوں نے کہا کہ اس سہولت سے غریب اور متوسط طبقے کو مالی دباؤ کے بغیر علاج معالجے کی سہولیات میسر آئیں گی اور صحت کے مجموعی نظام کو مضبوط بنانے میں مدد ملے گی۔
لاہور سمیت پنجاب کے مختلف علاقوں میں شدید دھند، الرٹ جاری
وزیرِاعظم فیصل ممتاز راٹھور کا کہنا تھا کہ ہیلتھ کارڈ کے ذریعے شہری باوقار اور معیاری طبی علاج حاصل کر سکیں گے، جو معاشرے کے تمام طبقات کے لیے سستی اور قابلِ رسائی صحت کی سہولیات کی فراہمی کو یقینی بنائے گا۔
انہوں نے متعلقہ محکموں کو ہدایت کی کہ منصوبے سے جڑے تمام انتظامی اور تکنیکی معاملات فوری طور پر مکمل کیے جائیں اور ہیلتھ کارڈ خدمات کے آغاز میں کسی قسم کی تاخیر نہ کی جائے۔ وزیرِاعظم نے واضح کیا کہ عوامی ریلیف کے منصوبے حکومت کی اولین ترجیحات میں شامل ہیں کیونکہ ان کا براہِ راست فائدہ عام شہریوں کو پہنچتا ہے۔
پاکستان نے ہمیشہ عالمی امن و استحکام میں اپنا کردار ادا کیا: پاکستانی سفیر
واضح رہے کہ پاکستان کے دیگر حصوں میں ہیلتھ کارڈ کی سہولت مثبت نتائج دے چکی ہے، جس کے باعث طبی اخراجات میں نمایاں کمی اور صحت کی سہولیات تک عوام کی رسائی میں اضافہ ہوا ہے۔ آزاد جموں و کشمیر میں اس اسکیم کا اجرا قومی سطح پر سماجی تحفظ اور صحت کی کوریج کو فروغ دینے کی پالیسی کا تسلسل قرار دیا جا رہا ہے۔
.
ذریعہ
ذریعہ: City 42
کلیدی لفظ: ہیلتھ کارڈ صحت کی
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار