ایرانی ہیکرز کا اسرائیلی کمپنی پر سائبر اٹیک، مالی معاملات میں نقائص کا انکشاف
اشاعت کی تاریخ: 3rd, January 2026 GMT
ایرانی ہیکٹوسٹ گروپ ’سائبر سپورٹ فرنٹ‘ نے اسرائیلی کمپنی ہنامال پیکجنگ اینڈ مارکیٹنگ لمیٹڈ پر سائبر حملہ کر کے اہم دستاویزات حاصل کی ہیں، جن میں کمپنی کی دواؤں اور حفظان صحت کی مصنوعات کی پیکنگ کے دوران متعدد صحت کے خطرات اور مالی بدعنوانیوں کے شواہد سامنے آئے ہیں۔
یہ بھی پڑھیں:امریکی نوجوان سائبر اٹیکرز کے نشانے پر کیوں؟
گروپ کے مطابق ہنامال کمپنی نے کچھ فارماسیوٹیکل اور ہائی جینک مصنوعات پیک کرتے وقت صارفین کی صحت کو خطرے میں ڈالنے والے نقائص کیے۔ ان میں امریکی کمپنی Walgreens کی دوائی بھی شامل تھی، جس کے آلودہ ہونے کی خبریں پہلے امریکی میڈیا میں وائرل ہو چکی ہیں اور ماہرین صحت نے اس کے استعمال سے خبردار کیا تھا۔
سائبر سپورٹ فرنٹ نے مزید دعویٰ کیا کہ کمپنی کے سی ای او اور اسرائیلی اخبار ’ Yedioth Ahronoth ‘ کے مالک کے درمیان مالی تعاون کے شواہد بھی ان کے پاس ہیں، جن میں منی لانڈرنگ اور اسرائیلی وزیراعظم بینیامین نیتن یاہو کی حمایت کے لیے مالی معاملات کی تفصیلات شامل ہیں۔
بیان میں کہا گیا کہ Yedioth Ahronoth کے مالک کو 2019 میں نیتن یاہو سے رشوت وصول کرنے کے جرم میں سزا سنائی گئی تھی اور انہیں تقریباً 3 ملین ڈالر کا جرمانہ ادا کرنا پڑا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران سائبر اٹیک.
ذریعہ
ذریعہ: WE News
کلیدی لفظ: اسرائیل ایران سائبر اٹیک
پڑھیں:
ایران نے فوجی اڈوں کے استعمال پر برطانیہ کو سخت وارننگ دے دی
ایرانی وزارت خارجہ کے بیان میں کہا گیا کہ برطانوی حکومت جارحیت کی مذمت کرنے کے بجائے حملہ آوروں کا ساتھ دے رہی ہے، جبکہ حملوں میں کسی بھی قسم کی معاونت جارحیت اور جنگی جرائم میں شراکت داری کے مترادف ہے۔ اسلام ٹائمز۔ ایران کی وزارت خارجہ نے کہا ہے کہ ایران پر حملوں کے لیے برطانوی فوجی اڈوں کا استعمال بین الاقوامی قانون اور اقوام متحدہ کے چارٹر کی کھلی خلاف ورزی ہے۔ ایرانی وزارت خارجہ کے بیان میں کہا گیا کہ برطانوی حکومت جارحیت کی مذمت کرنے کے بجائے حملہ آوروں کا ساتھ دے رہی ہے، جبکہ حملوں میں کسی بھی قسم کی معاونت جارحیت اور جنگی جرائم میں شراکت داری کے مترادف ہے۔
بیان میں مزید کہا گیا کہ ایسے اقدامات ایران کے خلاف براہِ راست جارحیت میں شرکت تصور کیے جا سکتے ہیں، جس کے سنگین نتائج برآمد ہوں گے۔ ایرانی وزارت خارجہ نے واضح کیا کہ ایران اپنی خودمختاری، سلامتی اور علاقائی سالمیت کے دفاع کا حق محفوظ رکھتا ہے۔ وزارت خارجہ نے خبردار کیا کہ جو بھی ملک ایران پر حملوں میں مدد فراہم کرے گا، اسے اپنے اقدامات کے نتائج بھگتنا ہوں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار