پاکستان کا دفاع مزید مضبوط: مقامی تیار کردہ تیمور ویپن سسٹم کا کامیاب فلائٹ ٹیسٹ
اشاعت کی تاریخ: 3rd, January 2026 GMT
پاکستان نے دفاعی میدان میں ایک اور اہم سنگِ میل عبور کرتے ہوئے مقامی طور پر تیار کردہ جدید تیمور ویپن سسٹم کا کامیاب فلائٹ ٹیسٹ انجام دے دیا ہے، جسے قومی دفاعی صلاحیتوں میں نمایاں اضافے کے طور پر دیکھا جا رہا ہے۔
اس کامیاب تجربے کے بعد نہ صرف پاک فضائیہ کی تکنیکی مہارت اور آپریشنل تیاری کا واضح ثبوت سامنے آیا ہے بلکہ خطے میں پاکستان کی دفاعی پوزیشن مزید مضبوط ہو گئی ہے۔ دفاعی ماہرین کے مطابق یہ کامیابی دشمن کے لیے ایک واضح پیغام ہے کہ پاکستان اپنی سرزمین، فضاؤں اور بحری حدود کے تحفظ کی بھرپور صلاحیت رکھتا ہے۔
پاک فوج کے شعبہ تعلقات عامہ کے مطابق یہ فلائٹ ٹیسٹ قومی ایرو اسپیس اور دفاعی ٹیکنالوجی کی ترقی کے سفر میں ایک اہم پیش رفت ہے۔ تیمور ایئر لانچڈ کروز میزائل تقریباً 600 کلومیٹر تک مار کرنے کی صلاحیت رکھتا ہے اور اسے زمینی کے ساتھ ساتھ بحری اہداف کو نہایت درستگی سے نشانہ بنانے کے لیے ڈیزائن کیا گیا ہے۔
اس جدید ویپن سسٹم کی ایک نمایاں خصوصیت یہ ہے کہ یہ روایتی وارہیڈ لے جانے کی صلاحیت رکھتا ہے، جس سے پاک فضائیہ کی روایتی ڈیٹرنس مزید مؤثر ہو جاتی ہے۔
ترجمان پاک فوج کے مطابق تیمور ویپن سسٹم جدید ترین نیویگیشن اور گائیڈنس سسٹمز سے لیس ہے، جو اسے انتہائی کم بلندی پر پرواز کرنے کی صلاحیت فراہم کرتے ہیں۔ یہی خصوصیت اسے دشمن کے جدید فضائی اور میزائل دفاعی نظام سے بچ نکلنے میں مدد دیتی ہے۔
دفاعی تجزیہ کاروں کا کہنا ہے کہ اس قسم کی پریسیژن اسٹرائیک صلاحیتیں کسی بھی فضائیہ کی آپریشنل لچک اور جنگی تیاری میں بنیادی کردار ادا کرتی ہیں اور تیمور میزائل اس حوالے سے پاک فضائیہ کی صلاحیتوں میں واضح اضافہ ثابت ہوا ہے۔
آئی ایس پی آر کے مطابق اس کامیاب فلائٹ ٹیسٹ نے پاکستان کی دفاعی صنعت کی تکنیکی پختگی، جدت اور خودانحصاری کو عملی طور پر ثابت کر دیا ہے۔ لانچ کے موقع پر مسلح افواج کے اعلیٰ افسران کے ساتھ ساتھ وہ سائنسدان اور انجینئرز بھی موجود تھے جنہوں نے اس جدید ویپن سسٹم کی تیاری میں کلیدی کردار ادا کیا۔
چیف آف ایئر اسٹاف ایئر چیف مارشل ظہیر احمد بابر سدھو نے اس نمایاں کامیابی پر سائنسدانوں، انجینئرز اور پاک فضائیہ کی پوری ٹیم کو مبارکباد پیش کی۔ انہوں نے اس عزم کا اظہار کیا کہ ایسی کامیابیاں نہ صرف ٹیکنالوجی میں خودکفالت کے قومی عزم کو مضبوط کرتی ہیں بلکہ بدلتے ہوئے علاقائی سلامتی کے ماحول میں پاکستان کے قابلِ اعتماد دفاعی نظام کی ضمانت بھی بنتی ہیں۔
دوسری جانب صدرِ مملکت آصف علی زرداری نے بھی تیمور ویپن سسٹم کے کامیاب تجربے پر پاک فضائیہ کو خراجِ تحسین پیش کیا۔ انہوں نے کہا کہ مقامی سطح پر جدید دفاعی ہتھیاروں کی تیاری قومی صلاحیت، ادارہ جاتی مہارت اور مضبوط عزم کا واضح ثبوت ہے۔
صدر مملکت کے مطابق اس کامیابی سے نہ صرف ملکی دفاع کو تقویت ملی ہے بلکہ خطے میں امن اور استحکام کے لیے پاکستان کی ذمہ دارانہ دفاعی پالیسی بھی مزید مضبوط ہوئی ہے۔ انہوں نے سائنسدانوں، انجینئرز اور افسران و جوانوں کی پیشہ ورانہ لگن کو سراہتے ہوئے کہا کہ دفاعی خودانحصاری کا یہ سفر پاکستان کی سلامتی اور خودمختاری کے تحفظ کی ضمانت ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل تیمور ویپن سسٹم پاک فضائیہ کی فلائٹ ٹیسٹ پاکستان کی کی صلاحیت کے مطابق
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا